影片
更多
2021-05-13
431 瀏覽
尋日食左好多野，今日要食返少d野，所以午餐就黎呢度食個簡單快lunch。呢間係一間簡單食店，個名好特別，好似機場候機室，原來係專賣熱狗，都有日式pizza，麵包，蛋糕，小食，同多款唔同飲品如養生茶，紅茶，咖啡，梳打等等。座位得幾個，全部都係高凳。熱狗有幾款，都改左好得意既名。當然價錢唔係普通茶餐廳既熱狗價錢，即管試試質素如何先。台灣士林鴨肉熱狗 $29叫左個台灣士林鴨肉熱狗。熱狗大大隻，熱狗入面有一條香腸，上面加左鴨肉片，再加上芥末同蛋黃醬，最後撒上紫菜碎，材料豐富。欣賞熱狗包香脆可口，醬汁適量而唔會過多或過少。肉類既分量亦足夠，香腸同鴨肉片毫無違和感。恩記牛肉麵 $65另外叫左個台灣味道既恩記牛肉麵。原來呢個恩記牛肉麵係用空運到港既台灣喜來登酒店大廚主理既主廚牛肉麵即場返熱既，但係食落質素又幾好，唔似包裝麵，唔怪得係全台灣牛肉麵嘅金獎。麵條係短短既刀削麵，都有少少咬口，湯底香料同牛味都好濃，果然係台灣牛肉麵既味道。牛筋同牛肉各有三舊，牛筋炆得好淋，牛肉都可以。另上三小碟配料俾你自己加，有辣辣哋既牛脂，台灣酸菜同蔥花。牛脂加落個湯度，辣辣哋，又真係幾好味道！飲品叫左兩款。店員介紹呢兩款
熱狗有幾款，都改左好得意既名。當然價錢唔係普通茶餐廳既熱狗價錢，即管試試質素如何先。
台灣士林鴨肉熱狗 $29
叫左個台灣士林鴨肉熱狗。熱狗大大隻，熱狗入面有一條香腸，上面加左鴨肉片，再加上芥末同蛋黃醬，最後撒上紫菜碎，材料豐富。欣賞熱狗包香脆可口，醬汁適量而唔會過多或過少。肉類既分量亦足夠，香腸同鴨肉片毫無違和感。
恩記牛肉麵 $65
另外叫左個台灣味道既恩記牛肉麵。
原來呢個恩記牛肉麵係用空運到港既台灣喜來登酒店大廚主理既主廚牛肉麵即場返熱既，但係食落質素又幾好，唔似包裝麵，唔怪得係全台灣牛肉麵嘅金獎。麵條係短短既刀削麵，都有少少咬口，湯底香料同牛味都好濃，果然係台灣牛肉麵既味道。牛筋同牛肉各有三舊，牛筋炆得好淋，牛肉都可以。
另上三小碟配料俾你自己加，有辣辣哋既牛脂，台灣酸菜同蔥花。牛脂加落個湯度，辣辣哋，又真係幾好味道！
飲品叫左兩款。店員介紹呢兩款飲品係透過公平貿易嘅產品，背後好有意義。
新疆崑崙雪菊 $20
呢個新疆崑崙雪菊係養生茶之一，無添加劑，無色素，無糖，全天然。茶色好靚，味道香甜，聲稱可以改善睡眠。
Americano $20
另外叫左一杯熱Americano。呢杯Americano係用泰北咖啡豆冲既，聲稱味道帶堅果味。我飲落完全唔覺苦。
任何食品加任何飲品總數減$5。
張貼
