Library Restaurant and Bar

營業中

休息中

同個姊妹慶祝生日，黎左間近期好hit 既bar 食好西餐廳裝修型格又典雅，以圖書館做主題，燈光昏暗，氣氛好好，座位都寬敞舒適。室外位置更睇到對面清真寺，實屬稀有景色，好適合同朋友飯局傾計白酒忌廉煮藍青口$168忌廉汁夠哂creamy, 加左少少白酒味道更為香濃，蘸麵包食一流。青口肥美冇沙，啖啖肉紅菜頭意大利飯$128每粒飯都掛住creamy 既紅菜頭汁，味道甜甜地，食得又健康。配合埋啲脆片一齊入口，更添口感慢煮加拿大豬鞍$248豬鞍厚身但食落軟熟，保留香嫩既肉汁。慢煮後再煎得剛好，更為香口，唔會過咗火喉。配菜都新鮮美味，莎莎醬又唔會蓋過豬鞍既肉味白蘭樹下$140用Gin 做底，加左青檸同水果味，甜甜地易入口。另外mix埋碟豆花既藍同柚子既黃，就溝到呢隻靚靚淺紫色彩，配埋滿天星，襯得好靚春秋$150老窖白酒做base,加咗竹葉青，malibu,檸檬汁，蛋白調製出黎，入口較為剛烈，適合男仔飲。似芫荽，青瓜味，有夾雜着檸檬味，味道特別overall, 呢間餐廳打卡玩味度極高，環境氣氛又好，食物同酒精飲品都好出色，會encore

呢間餐廳近排真係勁hit啊，因為佢外面個景係對住清真寺，無論日頭定夜晚影都別有一番風味❤️印象中book枱時可以request裡面定外面既，但考慮到如果全程食飯都係outdoor好似會好熱咁，而店員又話出面其實係有一張枱會空左可以比人影相的，所以就決定都係入面舒舒服服涼冷氣算🫣而當日亦係第一晚食肆既晚市堂食放寬返去到12點既大日子，明顯見到大家既心情都好hyper😚-🎈松露醬炸薯條 $78成日覺得Bar裡面既小食係特別好食🤣呢間都係！炸薯條係超脆，上面仲舖滿哂芝士，送酒一流😌-🎈煙燻蛋黃卡邦尼意粉 $168Carbonara味道總不會太差的😳超多芝士而且意粉的軟硬度適中～-🎈慢煮加拿大豬鞍 $268豬鞍好厚身，食落去一啲都唔韌好軟諗，還能保留著肉汁，煎得剛剛好🥰同埋店員係會超貼心咁等我地食完一個主菜先上另一個😎-🎈金字塔文本 $150是signature cocktail的一款✨真的想不起金字塔文本背後具體的故事及靈感了嘻😳店員是有說的只是我已通通忘了🤦🏻‍♀️但整體係幾得意既，有類似檀香既物體係杯cocktail附近煙燻住🤔-最後都想讚下呢度既店員每個都好好，因為我係同朋友係後尾先轉出去

尖沙咀美景酒吧餐廳🍸餐廳距離地鐵站好近 對面就係清真寺 日落時分去到夜晚都好靚好chill 環境舒服🍟松露醬炸薯條🐙炸魷魚圈雞肝醬小食🐚意式辣炒蜆一行7人所以幾樣小食都叫左黎試 不過份量上都比較少 適合2-3人聚會 炸物不過不失 辣炒蜆唔會太辣 蜆肉夠大粒又有鮮味😋🍝煙燻蛋黃卡邦尼意粉蛋黃混合芝士碎同豬面頰肉既香味 入口仲會食到煙燻既味道🍲鮮蜆蒜油辣椒扁意粉蜆肉俾得好足 夠晒新鮮 加埋蒜油既香味 唔會太辣亦都夠晒惹味🍛紅菜頭芝士燴意大利飯入口唔會太大陣紅菜頭既味 反而食到好濃既cream cheese 不過呢個risotto煮得有d偏硬..口感麻麻 🐖慢煮加拿大豬鞍全場一致認為最好食👍🏻經過慢煮既豬鞍完全咁保留左肉汁 表面輕輕煎過變得更加可口 蘆筍同莎莎醬既配搭都恰到好處😋🍸杜康 To Kong米酒既味道聞落好香 加埋荔枝同蜜桃既淡淡既甜味令杯酒更易入口﹋﹋﹋﹋﹋﹋﹋﹋﹋﹋﹋﹋﹋﹋﹋﹋﹋﹋﹋﹋﹋﹋食物🌟🌟🌟🌟環境🌟🌟🌟🌟性價比🌟🌟🌟✨打卡指數🌟🌟🌟🌟 ✨