犇道 (已搬遷) 新店位置

今日因為呢間餐廳，我學多咗一個新嘅中文字，就係個犇字，讀音同奔放個奔字一樣，餐廳主要嘅賣點就係用咗西方烹調嘅技巧同埋日本精緻嘅菜式，餐廳就一直奔向呢個信念餐廳小小，數埋可能差唔多得10幾個位，估唔到食物水準係非常之高一埋枱已經非常吸引一個五顏六色賣相咁吸引早晨全餐，的確令人食慾大增炒蛋非常滑上面仲有黑松露醬，撈埋一齊食影真唔錯，隔離仲有好新鮮嘅沙律菜、粟米、車厘茄吉列豬扒勁大塊，仲要切好晒食落唔算乾，點埋個蛋黃醬簡直一流仲有個番茄湯烏冬添，非常健康呢款就係慢煮牛肉套餐啦，我要左220g，所以份量會比較多，牛肉採用美國最高級usda prime牛肉，慢煮嘅方法其實係要將食材抽真空再烹調，咁食材嘅肉汁就會被充分咁鎖住，又唔會失去左營養價值午餐時段仲可以以優惠價加配小食添，我就要左款珍寶吉列大蝦$18同雜菜薯餅$13

今日同事心血來潮話想食好西，於是就提議食牛牛牛道（佢話唔識讀嘅字有邊讀邊）。其實龍門一帶都唔少嘢食，而犇道主打日本雞蛋同食材，仲貼埋係門口當眼位，店內裝修都好Grand，符合到食好西嘅條件。可能太多人唔識讀餐牌名稱，所以餐牌有教你中文正確讀音（即奔道）餐牌選擇多到要諗好耐張枱亦有教學說明慢煮熟度，對於唔常食嘅人有好大幫助！先黎前菜+飲品，栗米係冷盤個種，咬住黎等嘢食上，過下口癮柚子沙冰 (原價$38, 跟餐半價$19) & 鮮檸檬紅茶 (午市跟餐免費)檸檬紅茶個茶底好純，只有個茶膽唔重覆使用太多次先做到呢個效果，檸檬片亦切得好工整，加上用不鏽鋼杯盛載令我覺得細節位有花心思。細節決定成敗，我有預感今餐唔會差。慢煮美國極級嫩肩牛排(150g) $92同示意圖一樣條理分明，嫩肩牛排已切好一片片，而每件牛排都沾有燒汁，入口即溶，仲要無渣，極度推薦溫泉蛋白裡透紅，將蛋汁撈飯食真係正。配菜用沙律菜、栗米，唔會喧賓奪主，食落幾Fresh。小食：明太子手羽$12、珍寶吉列大蝦$18蝦嘅size比我兩隻手指仲要大，難怪叫珍寶吉列大蝦。炸粉感覺唔明顯，反而感受到啖啖蝦肉，炸得脆又唔油膩，配合千島醬食真係一