坐忘

營業中

休息中

午市去開天后就食依間豬軟骨飯，以前喺天后返工嘅時候成日食，印象中係大份夾抵食，仲要啲豬軟骨整得好入味。今次去到我叫左豬軟骨同牛肋條兩份。唔上到嚟嘅時候覺得豬軟骨份量好少比以前少咗好多，不過味道依然係好好食。啲軟骨煮到好張住過嘴，啖啖骨膠原嘅感覺。佢煮得好林好入味，輕輕用筷子夾一夾就可以分開成舊豬軟骨。好少舖頭可以做到咁樣。而醬汁方面，鹹度適中好啱送飯。不過，如果可以多番幾舊豬軟骨就更加好啦！但可能而家食材貴咗所以份量少咗都理解嘅。但相反黑椒牛肋條真係有啲失望啦。啲牛肋條炆得唔係好林，本身以為同豬軟骨差唔多，都係一夾就可以分開嗰啲，呢個牛肋條就要咬好多下，而且啲牛有臊味，黑椒嘅味道唔係好出，不過佢就份量比豬軟骨多，有好多舊牛，但係如果要再揀嘅話，揀返豬軟骨會好味好多。如果未食過依間，真係一定要試吓佢嘅豬軟骨，好好食！

餐牌上全部都係大眾化價錢，幾十蚊有交易 雜菌烏東，好大碗，菇菌全部用牛油炒，好香好入味，下面好多菜，好大碗。 慢煮豬軟骨咖哩飯，豬軟骨用左7小時慢煮，好淋，好入味，我平時絕少食豬軟骨，但呢個真係好好食，仲好大舊，咖哩唔大辣，所以男人食會覺得飯就少左d 門口個牌寫明餐廳著重多菜，green Monday 黎呢度都可以有餐好野食 認住佢啦，天后與炮台山中間，個名叫「坐忘」？我覺得應該係「坐過不忘」先岩，誠意推介