來佬餐館 (已結業)

最近見IG幾多人講來佬餐館既秋日滋味套餐 ,  今日收工約見約得成朋友就一齊去試試! 呢個套餐每位$348 起, 最少2 人成行先食到, 店員有介紹進食次序, 整體進食體驗良好! 前菜一共有4 小碟, 香草煙肉芝士焗蠔, 食得出蠔肉新鮮, 亦唔會俾芝士味道蓋過。蟹粉蟹籽一口酥外皮炸得鬆脆, 包著惹味蟹粉同金黃蟹膏，好食!烤美國露荀沙律 露荀爽甜冇苦味同草味又爽嫩， 加埋松露蛋黃醬又增添一番風味。蟹肉蘋果沙律沙律以紅及青蘋果混合而成, 爽甜又開胃, 食落發現原來仲撈入新鮮蟹肉, 好鮮甜!餐湯我同朋友都揀了來佬酥皮海鮮湯 (+$20) 用匙羹打開面頭焗得香脆既酥皮, 一陣帶海鮮香氣既霧氣直衝出來, 熱騰騰的海鮮濃湯配上厚身酥皮, 正到想再encore 多一碗!主菜方面, 我地揀了 慢煮香烤鴨胸，  以慢煮方式整鴨胸果然係超軟冧又保留到鴨肉既鮮味, 再煎香表面迫番鴨油的香味出來，非常好味! 我地聽店員介紹後加了$40 試試鮮拆蟹粉天使麵， 原來可以仲單點， 一上碟就見到澎湃蟹粉同蟹膏多到蓋住哂天使麵， 食落口鮮味直程爆發出來，絕對回本之選!食到甜品都已經好飽, 我地揀了自己最愛, 我先試芒果

果日同朋友咁岩行過灣仔、本身想上Red Mr 唱番個happy hour先再食飯、點知個肚仔係度叫、就發現左同層既轉角位有間環境清幽既中式fusion 餐廳來佬、呢間同朋友一齊黎吹水絕對係一個好好既地方。咁黎就之後經理哥哥Ryan 就好快咁帶左我地坐低、重好專業咁介紹左今次呢個秋日滋味餐牌比我地聽、聽完之後就即刻二話不說叫左呢個餐同朋友一齊食。一黎到頭盤說分別黎左四樣野食：香草煙肉芝士焗蠔 （鮮甜既燒蠔配埋芝士真好邪惡🤤🤤🤤）蟹粉蟹籽一口酥（酥脆既雲吞皮連埋蟹肉包埋一齊好香口、想食多幾粒🥟🥟）烤美國露荀（清甜爽脆、食落好新）蟹肉蘋果沙律 （估唔到蟹肉原來都可以同沙律係咁夾😆）來佬酥皮海鮮湯（+$20）由細細個都一路好鐘意飲既酥皮湯、呢度加$20蚊說可以飲到、出面好香脆既酥皮、入面裝住濃濃既海鮮湯、諗起都流哂口水😛慢煮香烤鴨胸聽經理Ryan講呢一道係必叫既主菜、黎到之後舊小小粉紅色既既鴨胸好吸引、用刀細細力就切開左舊肉、入面重好juice 添😋、下次再黎呢個係一定要叫😎鮮拆蟹粉天使麵意大利野就成日都食到、但加左蟹粉落去煮天使麵又真係估唔到可以咁夾、蟹味完全係包住成個意粉、好鐘意食蟹既你呢

又到星期五，放工緊要去食餐好嘅！頭盤款式好多，樣樣都好吸引！我最鍾意就係蟹肉蘋果沙律同埋蟹粉蟹籽一口酥黑松露野菌湯同酥皮海鮮湯都好好飲呀，同埋好夠熱！到主菜鮮拆蟹粉天使麵,有蟹粉加少少蟹醋調味,正呀! 慢煮香烤鴨胸超腍, 又唔會蘇喎！最後梗係要有甜品，咁先至完美同滿足架嘛！甜品有西米奶凍同朱古力心太軟, 同朋友岩岩一人揀一款Share食，岩曬選擇困難嘅我!!

好耐無黎來佬餐廳，聞說新菜式入面有我鍾意既鴨胸同焗蠔，就同sis一齊黎試下👭其中2道前菜有驚喜😚😚波菜同煙肉份量岩岩好，唔會太咸，同蠔味好夾👍記得下面啲藍色鹽係唔食得（但好靚😍😍）蟹粉蟹籽一口酥，估唔到上左枱30分鐘，一口酥依然可以食到「chop chop聲」，堅脆！！蘋果沙律略嫌太多醬，蓋過了蘋果味。黑松露湯好夠松露味😊松露迷必揀🙌🙌🙌鴨胸上枱粉嫩，慢煮肉味係重啲😎😎個莓醬一定要試！！同個鴨胸好match， 畫龍點睛感。如果可以熱多少少就好喇！可能個鴨胸好食，就覺得羊架失色左啲🤭熱度唔夠，羊味略淡。又到我最鍾意的甜品環節🤤🤤🤤心太軟一切開就聞到好香朱古力味。側邊個雲尼拿雪糕岩岩好，軟軟地，又唔會太溶，可以中和返朱古力甜味。西米奶凍不過不失，但芒果雪糕要放到最後食先軟少少🤏略嫌太硬秋天，尤其係女性，有機會就要飲紅棗水。咖啡都ok同朋友chill下傾計食飯，我都鍾意揀來佬❤️起碼唔會嘈生晒🤭🤭