莆田 (PopCorn 2)

營業中

休息中

打算帶天廚去試新嘢~beans，來到要排隊等位，坐位又窄，所以去隔離此處。我們少揀套餐，因為驚食得飽，揀2款餸都差不多兩百，阿姐話食套餐抵，包茶包加一，所以叫$198，2人套餐。扁肉湯，有紫菜蒜蓉，紫菜香（標榜每年首次採摘，營養價值高），湯鹹微酸， 内有幾粒餃十足似魚皮餃，皮晶瑩煙韌，原來用肉打出來，估你唔到。豬蹄啫喱，细細粒，口感似肴肉，無肴肉肉香酒香，豬蹄腍，但都有嘲口。興化炒米粉，即炒雜錦，粉質像台湾新竹米粉，爽口但無質感.，好幼，放上一小撮紫菜，香芹、大蝦、蜆肉、豆腐乾、燒肉粒， 炸香嘅蒜蓉，小棠菜碎，娃娃菜碎， 有咁多料，不用下盬。金湯時疏~蒜子莧菜苗，金湯蛋黃煮，不見蛋黄，不咸，無渣，軟腍，甜。軟煎黃花魚，豉油糖豆粉芡汁，無豉油味，魚不新鮮，天㕑時常在街市買回來多數新鮮，干煎或薑葱踫，比佢好味好多，隨着我就整色整水，加香草，令晒雪櫃醬汁出來點。蓮子雪耳紅棗糖水，正，清甜，潤肺。如果餐廳張貼莆田照片，更加貼切蒲田。

莆田由新加坡傳入香港，雖然擁有米芝蓮的光環，但依然堅持提供傳統福建菜。曾經食過好幾遍，覺得其手工菜頗有特色。未上主菜前先上小食，炸紫菜碎帶一點油，非常香脆可口。菊花茶潤喉生津，養肝明目。九轉小腸 九轉小腸用新鮮豬腸，向外向內摺出九層而成，手工繁複。小腸肥膏去盡，再而滷製，味道甘香，爽口彈牙。扁肉湯 扁肉湯的餃皮是以棒反復敲打豬肉多次而成，豬肉皮包著豬肉餡，甚具特色，豬肉鮮味濃郁，口感彈牙。湯水以醋煮開，略帶少少酸味。百秒黃花魚 黃花魚開邊以一百秒時間煮熟，只以簡單薑蔥調味，魚肉鮮甜嫩滑，肉厚細骨亦不算多，此道菜原煲上十分原汁原味。興化米粉 興化米粉十分幼細，入口食味有點似新竹米粉，米味清香鬆化。米粉配料非常豐富，有鮮蜆、雞蛋、豬肉、紫菜、花生、乾蔥，味道鮮美。