隨變燒烤麻辣雞煲

營業中

休息中

今日喺柯士甸附近放工，唔入商場嘅話附近冇咩好嘢食。同事帶咗我去文匯街嘅地舖，有一間雞煲火鍋專門店，原來又想食辣嘢刺激味蕾驅趕疲勞😂這裏的雞煲有分湯鍋和乾鍋。惠顧乾鍋則同時贈送精選湯底。今次又即管試吓湯鍋上。小店模式也有調味九宮格😋回味香辣雞煲（半隻）$153 有點驚喜店家採用了砂鍋（必須配合電陶爐使用），零舍有風味😋 湯底大滾之後就可以食雞件。😋雞件嫩滑入味，唔會斬到好碎，湯底清甜又有一般雞煲嘅香味，紅洋蔥芫荽辣椒等香料香氣撲鼻。選擇了微辣但食落都算小至中辣。手切本地新鮮牛頸脊$148好耐都冇食手切嘅本地新鮮牛。刀工一流！切得厚薄適中，大細相若，口感豐富有嚼勁，而且越嚼越有牛味，配這個有點香辣嘅湯底真係冇得輸！👍🏻😋 蔬菜🥬油麥菜爽脆嫩口、粟米超甜冇渣👍🏻隨變粉$25貌似烏冬實質係紅薯粉類別，如放在麻辣湯底即時變了重慶酸辣粉！煙煙韌韌的非常美味！西洋菜餃（1份）自家手工製作，西洋菜味道突出。芹菜木耳餃（1份）芹菜木耳餡料爽脆鮮香。火鍋配料可以逐份點，份量大概係全碟嘅三份一，兩個人食都可以試多啲唔同款式。除咗雞煲仲有多款風味串燒，啱晒放工嚟啤一啤。

確實有一段時間冇黎依間隨變食雞煲，因為排隊實在排太耐，不過宜家多左好多間鋪仲可以訂位，又可以考慮反（不過好食過佢，又平過佢既雞煲已經越開越多）超正～ 重牛味而且好新鮮，牛頸脊既好味，唔洗我多講初頭對隨變粉依個名好有興趣， 點知原來只係粗薯粉 鮮蝦雲吞都叫得過，好多蝦喺裡面，而且D蝦冇屎腸，好乾淨如果閣下自問自己係唔食得辣既話（連小小都唔得）千祈唔好去食，店員姐姐好好，見我地唔食得辣，特登同廚房講小小辣，但係原來係會唔好食傢（我之前食過明明唔係咁…）

朕對雞煲可為情有獨鍾，一日朕既隨從幫朕Check到，佐敦有間隨變雞煲，隨左有雞煲仲有燒烤，可以一次過滿足哂兩個願望，放是朕就一行四人黎到試佢一試！一入到去，朕就當然揀左個冷氣當風位坐啦，個阿姐聽到之後就陰陰咀笑，然後同朕講邊度都一樣啦，吓！一樣，唔係化！朕當然無理會佢，繼續坐冷氣位啦！呢度用電爐，無火煮食，雞煲上枱睇落比較稀，唔似一品個汁咁杰，個味就係偏辣，唔夠麻，個雞煲啲雞唔夠味，食落似煲湯雞。而手切本地新鮮牛頸脊，因為牛頸脊郁動較多，肉質細緻，結實，肥瘦適中，咬落質感同埋味道都比普通手切肥牛好得多。另外崩沙腩，牛味香濃。珊瑚蚌新鮮爽口。響玲卷同埋炸魚皮就有啲過氣，冧冧地。而鮮魚卜就最緊要記得篤爆，如果唔係當你一口咬落去既時候，你唔篤爆佢，就佢爆你架啦！！！燒烤方面朕就叫左燒煙肉蕃茄，煙肉香脆可口，蕃茄仔燒熟後依然多汁，而多春魚加左麻辣，一口咬落香脆，入面既春子在口內一粒粒爆開，加埋個麻辣既辣在口裏由內而外咁擴散，辣HIHI！最終，同個阿姐既預言一樣，坐邊度都無用，成頭大汗，亦都証明左食雞煲係幾大冷氣都無用既！！！（況且呢度既冷氣根本就唔夠！！！）－－－－－完－－－－－