去滾

營業中

休息中

終於知道點解咁多人鍾意 「去滾 」懷舊香港壁畫，卡拉OK房正宗陀地 霓虹燈牌勁盞鬼去滾夜報餐牌，戶外海景天台三國演義座位，玩味十足！！行到熱辣辣，坐低即點2 杯消暑飲品！🤣睇下報紙先～～～🍴秘製沙爹湯 $168沙爹火鍋湯底落足料，香濃惹味～打邊爐時配上煙靭吸味紅薯粉，超香濃！🍴頂級靚肥牛 $288肥牛滿佈油花，輕灼至半生熟，肉質滑嫩，同超濃郁嘅沙嗲湯底味道好夾！🍴哈波子 手打蝦丸 $88蝦丸鮮味十足，有蝦肉鮮甜彈牙口感！🍴牛B子 手打牛丸 $88同樣是新鮮手打，鮮紅色牛丸肥瘦均勻，咬開食到啖啖牛肉，牛味好濃！🍴黑松露餃 $88黑松露醬混合豬肉，食極唔厭！🍴鮮蝦餛飩 $78雲吞皮薄餡靚，煮好脹卜卜，有粒粒蝦仁口感，去滾必點！🍴繽紛鮮果涼粉鍋 $108水果涼粉色彩繽紛，上枱時煙霧離漫椰汁香甜，滋潤清涼，好有夏日感覺！戶外夜景真係好靚，冬天仲可以玩露天打邊爐，勁正！

去滾到滾一滾，聽落去係咪好似急口令呢？實際上去滾係我哋今次去嘅呢一間邊爐餐廳的名字嚟，餐廳入邊每一項菜式都好有創意，好符合到我哋成長時候會認識到嘅香港特色，入邊不論菜單、環境佈置、背景音樂，例如座位上面嘅雀籠燈🏮係採用左香港舊時好多人都鍾意手拎住一個雀籠去飲茶作為構思等，都可以感受到佢滿滿嘅本地心思。跟住落嚟要同大家介紹既就係嘅邊爐體驗！💁🏻‍♀️.我哋今次同朋友一齊揀咗秘製沙嗲湯底🥘湯底勁濃勁惹味，沙嗲愛好者萬物錯過！🌟.邊爐嘢食黎之前我同朋友先嚟咗兩個小食分別係金甲脆魚皮同埋蝦膠釀油炸鬼，兩款都係非常高質嘅小食，若然大家嚟到都好推薦大家試吓！🌟.整餐邊爐，不論係肥牛、丸定係其他嘢都令我非常滿意！用料上乘價錢合理，當中嘅蔬菜拼盤用嘅蔬菜，更加可以俾你選擇喺出邊好貴價既豆苗、芥蘭苗、冰菜！真係樣樣都好高質啊！.完咗餐邊爐之後最後嚟咗一個造型滿分既繽紛鮮果涼粉鍋💯上邊用咗好新鮮嘅生果，加上涼粉做咗我哋平時細個好常見嘅放學必食甜品，下邊擺咗啲椰絲加上紅豆，全部都係我哋兒時嘅味道，成件事真係滿滿嘅情懷！正！

今次食呢間新派粵式火鍋，環境非常特別。一去到未有位，餐廳安排咗露台位置畀我哋等。露台好正，有維港景，呼吸新鮮空氣，再有啲梳化坐，等多陣都唔介意。餐廳好特別，環境佈置就好似海洋公園哈囉餵咁，以男人去滾作為主題，夠曬特別。侍應嘅服飾好有現代感，座位坐得幾寬敞，餐牌設計得唔錯。 金甲脆魚皮 (⭐⭐⭐⭐⭐)係鹹蛋黃整成嘅脆炸魚皮，少少熱氣，不過作為火鍋前菜係唔錯嘅選擇，啲蛋黃好香。鞭鞭有力湯  (⭐⭐⭐⭐⭐)個湯底名堂夠曬特別，其實係魚頭湯。大大個魚頭放咗入去個鍋度，好快就散發出香濃嘅魚味。A5野崎牛肩肉 (⭐⭐⭐⭐⭐)啲牛都幾正，質感唔錯，同埋有牛嘅鮮味，值得一試。日本廣島蠔 (⭐⭐⭐⭐💢)廣島蠔大大隻，食落感覺都幾香滑。手打蝦丸 (⭐⭐⭐⭐⭐)不嬲都鍾意食丸類，蝦就更加係我至愛。 打邊爐不容錯過。雜菌拼盤 (⭐⭐⭐⭐💢)呢款拼盤叫做長生不老雜菌拼盤，哈哈，都幾，頂癮。食火鍋食返啲素菜，感覺冇咁熱氣。最後加埋個甜品，麻花加甜醬，味道同埋賣相都唔錯。~~~~~~~~~~~~~~~~~~~~~~~~ 去滾 銅鑼灣登龍街1號金朝陽中心2期Midtown27樓推介菜式：手打蝦丸、金甲脆魚皮👍🏻環境特