金飯館

營業中

休息中

金飯館主打炒飯，一直喺牛頭角人氣高企🥇今次終於有機會試下🤭.✨ 金飯館開正喺牛頭角平民區，裝修都好貼地，一般冰室餐廳裝潢。餐廳雖然係主打炒飯底，但都設有免費改為白飯底🍚而且仲有泡飯、有汁飯咁，總有一款啱你心水😜🍛 即叫即炸椒鹽豬扒飯 $78炒飯底的確炒得夠乾身，粒粒分明，仲每一粒上曬色😍有淡淡蛋香味，連埋炸蒜、香蔥一齊食，味道已經不錯😋而主角椒鹽豬扒十分足料，有成5、6嚿，食落肉質厚實，全部都連骨生炸🍖所以食落仲有濃厚豬肉香味，而且無用鬆肉粉過份地醃到淋曬👍🏻咬落有嚼勁👍🏻 跟餐仲有一個黑色兜，入面有幾粒菜脯，可以連炒飯一齊食，口感再豐富啲😝🥤 手攪檸檬茶（凍）跟餐加 $8用咗不鏽鋼保溫杯🧊冰粒無咗易溶，唔會溝到淡曬，值得一讚👍🏻聲稱手攪檸檬茶，所以檸檬茶上枱已經督咗檸檬🍋如果想自己調酸度嘅話，可能就未必適合你🙊✨ 總結唯一扣分位，喺晚市繁忙時間，啲豬扒可能一早炸好，溫度略為唔夠熱☹️炒飯嘅份量又無想像咗大份，但侍應話每個餐已經係多飯嘅份量嚟，所以無得加底多飯🤷🏻‍♂️ .⭐整體︰7.5/10⭐食物︰8.0/10⭐環境︰7.5/10⭐價錢︰8.0/10

最近屋企樓下開左依間炒飯專門店，每次經過都見門外總好多人等位或等外賣，今晚無煮飯和屋企人一試，食出其滿分誠意。店子雖細枱櫈排列工整，座位有一定空間唔算好迫，環境光鮮無油煙味。而炒飯係即叫即炒，炒飯需時但值得一得，真心覺得好味，足料又好味道，價唔經濟ＣＰ值高。是街坊飯堂的不二之選，難怪平日夜晚店子都慣常坐滿人啦～即叫即炸椒鹽豬扒飯 $78豬扒五大塊厚身，份量相當多，無骨半肥瘦，食起來啖啖肉，肉質鬆軟保留肉汁。以椒鹽炸蒜花椒爆炒，醞釀著避風塘風味，欣賞其香口惹味，味道也不會過濃，配以黃金炒飯底，飯粒粒分明，水準不俗，加埋菜脯粒，多份口感和味道。炒飯都幾大碟女仔未必食得晒。秘製沙嗲牛肉雙燶邊蘭王蛋飯 $78沙爹汁味道香濃好多汁，牛肉嫰滑大片好多片。配以燶邊蘭王蛋，蛋香非常濃郁，蛋液撈飯食超正，加埋菜脯粒，好味好味。蜜汁雞翼 $48雞翼五隻大隻，外皮脆沾滿蜜汁，內裡充滿肉嫩充滿肉汁，小食都值得一食。手攪檸檬茶 熱飲 +$6，凍飲 +$8，用黃檸加青檸，味道清新無澀味。

今晚放工經過金飯館， 順便入去食晚飯。 店內環境光猛， 店員服務貼心，非常有禮，值得一讚。 餐廳以炒飯為主， 價錢適中， 我就點了🥢🍚秘制炒牛肉雙燶邊蘭王蛋飯(沙嗲汁) 、 即叫即炸豬扒飯、 椒鹽雞翼和手攪檸檬茶。 🔸秘制炒牛肉雙燶邊蘭王蛋飯(沙嗲汁) ～ 嘩！ 蘭王蛋的蛋黃橙紅色🍳， 亮麗吸引， 蛋香味濃， 用作拌飯特別好吃😋。 沙嗲味道香濃，配牛肉就更加滋味， 牛肉份量多又軟嫩。炒飯底更加是重點， 粒粒金黃色的炒飯😍，晶瑩通透又乾身， 必吃推介👍🏻。  🔸即叫即炸豬扒飯 ～ 有幾塊大大的豬扒🥩，厚切酥香惹味， 肉質新鮮又入味🥰。 🔸椒鹽雞翼 ～ 椒鹽雞翼很香口🤤， 有肉汁。 🔸手攪檸檬茶 ～ 凍檸茶味道正常， 帶點微甜。 用心製作的食物， 絕對值得推介👍🏻。