Le Viet (已結業)

自從五月Last day後，間中都有同舊同事喺whatsapp吹吹水😆但係就冇得再聽佢地嘅笑聲喇，有時都幾懷念😌上星期終於約到佢地出嚟食飯，笑足幾粒鐘，牙骹都軟埋👭👭仲有同佢地食飯嘅指定動作—相機食先📷同事話點都要叫 #扎肉蒸粉包🤣又真係冇介紹錯喎，入面啲料嘅調味偏咸，但係夾埋外層粉包就剛剛好👍🏻可惜下面塊蝦片俾啲水蒸氣搞到淋左，如果唔係就超正喇😬跟住到超吸睛嘅 #超載椰青焗飯👀附近幾檯都有叫，上檯嗰下真係嘩嘩聲😆因為好澎湃‼️想分飯都無從入手，掂一掂都跌落檯😂 面頭係大量嘅椰漿，入面有好多海鮮粒粒，不過味道真心唔夾⋯太甜喇🤦🏻‍♀️如果配芒果就正常好多接住落嚟就有 #牛油雞翼，上檯時新鮮炸起，熱氣度爆標‼️不過叫得炸嘢都預左啦😂食落口都幾香脆嘅，肉都好嫩👍🏻但係就冇乜味😬 我諗可能因為平時食開蒜蓉牛油雞翼，呢個淨係得牛油唔夠濃味⋯某同事成日午餐都會叫雞⋯飯😂 為左佢，我地都幫佢叫左 #去骨海南雞（半隻）😆呢個比起我想像中好食喎，肉嫩皮有雞味🤣份量足之餘仲有好多椰菜墊底，即刻感覺健康好多😂為左均衡飲食，我地仲叫埋 #蒜蓉炒椰菜苗😂油到爆，啲苗又好硬😂早知啲雞有咁多菜墊底嘅話，呢個完全可以慳返

今晚同男朋友碌咗出旺角食越南野， 喺銀行中心發掘到呢間裝修四正既餐廳就入左去😅我哋叫咗個扎肉蒸粉包，火車頭湯粉 ( 由唔同嘅牛組成)， 香茅燒木棉與同埋蒜蓉炒椰菜苗～扎肉蒸粉包有四舊大大舊，面頭有塊扎肉，底下有塊蝦片，裡面有啲菇同肉碎都幾香，清清地，點啲汁酸酸may may唔錯😁蒜蓉炒椰菜苗火喉幾夠，無渣，蒜蓉好香，但份量唔多同略嫌油左啲啲火車頭黎到個湯底熱辣辣，好香濃嘅牛肉味，牛腩牛丸爽口， 牛肉片唔韌，個粉亦唔會太熟太淋😀燒木棉魚就等咗比較耐嘅時間，差唔多食曬先上，不過熱辣辣同埋一放低就好香😃肉質比較實，點佢嘅醬辣辣地酸酸哋都ok店員有禮貌好殷勤，環境裝修舒適光猛，唯一要改善嘅係個菜嘅份量可以多番啲同埋調味可以減返少少，因為都濃味左啲😅

當晚，我跟男朋友走到旅行社林立又集中的旺角銀行中心，為了詢問到澳門自由行的資料！順道找找附近的餐廳醫肚！恰巧！找到一間新開的越南菜餐廳 <Le Viet>，門口仍有花籃！ 印象中，尖沙咀 The One 也有分店！店員們都算多，好可能新開的關係，就算 7:00 入座，大約 8:00 埋單走，這裡大約三成客！絕對是傾計食飯的好地方！一座落，便送上餐牌及水！供應最正宗越南菜，價錢合理！落單後，上菜很快！比預期有效率得多！埋單時，女店員問我們，對食物有什麼意見？有需要改善的方面？我們主要讚上菜很快！店員稱，店方務求15分鐘內送上！依上桌次序！不過，食物送來的次序，如果沙律及蒸粉包這些小食先上會比較好！店方反而先上主菜！香茅豬頸肉湯河 $68豬頸肉及湯河分開上，好處是豬頸肉不會被湯浸腍，同時，其油份不會沾上湯，湯底味清夠味而少油！ 店子細心的做法是以菜絲墊底吸油！值得一讚！豬頸肉大件又爽口，卻是邊位偏燶！河粉份量充足，雪白滑溜又掛湯！無骨海南雞飯 $72我選擇的無骨海南雞方便進食！雞油飯油潤富香氣，味道帶鹹鮮，雞肉好嫩滑，配上辣醬及看似豉油顏色而質感濃稠的醬汁，濃味帶甜，提升雞

約了家姐一齊去食越南菜，這間在銀行中心新開不久的Le Viet有開揚光猛的窗口，對住彌敦道方向。我們兩個人點了幾點小食及推廣的特價菜。先點了一個椰青兩份飲，味道清甜解渴。蝦餅表面沾上炸粉，炸得香脆，裏面啖啖蝦膠肉，結實彈牙。扎肉蒸粉包粉包外皮有點煙韌，裏面夾著些肉碎及木耳等，上面舖上扎肉片及香葱，味道比較清淡健康。咸魚炒油芥蘭芥蘭苗炒至翠綠爽脆，除了有咸魚香味還加了點薑汁燒酒。越式咖喱牛腩鍋配薄餅咖喱味道濃郁帶點辣，還有些椰汁香味，帶點微甜，牛腩炆到很入味而且夠腍，入口鬆化，薯仔炆至入口即溶，配上香甜薄餅，十分惹味。

星期五晚一家人去旺角的Le Viet吃飯團聚。這裡地方很大，坐得舒適，令人好放鬆。家人好喜歡吃越南菜，看見餐牌上很多選擇，我們點了幾款美食。我們被餐牌上的去骨海南雞飯吸引，於是點了一碟細的初嚐。雞肉嫩滑不油膩，配上餐廳特製的甜辣醬，很開胃加埋雞油飯食，提升雞的香味可惜我們叫了細碟，四個人每人分好小，下次來要叫大碟的餵飽肚子我們另外點了餐廳出名好食的火車頭湯河，一來就嘩然，因為好大碗材料勁豐富，有新鮮生牛肉、牛腩、牛柏葉、牛丸、蘿蔔等等⋯⋯食落立即心花怒放因為湯底實在太出色，濃濃的牛骨味，令人想把湯飲清可以為了這火車頭再來再來還有大大件的札肉蒸粉包！！底下是蝦片，一口咬落去很驚喜，熱騰騰的材料加胡椒粉，味蕾被完全滿足好開心食到這個！手撕雞撈檬也十分豐富，小小凍加青瓜紅蘿蔔絲很清新，再淋甜辣汁，吃落好舒服，是解暑恩物。最後是蒜香少椰菜蕾，是小品，味道不錯，但如果一家人分就不夠。下次來要叫多一碟才行。