Pancake House HoiHoi (荃新天地) (已結業)

我們於8/11（二）約下午兩點到達餐廳，內裏客人不多，我們叫了一個午餐及一個班戟。午餐：淡忌廉南瓜汁羽衣甘藍合桃意粉（$98）：意粉🍝好吃，份量不多，南瓜汁剛剛好，羽衣甘藍應該氣炸或焗過，挺crispy，但合桃真的不多。抹茶忌廉梳乎厘班戟（$148）：要等20分鐘，有3塊梳乎厘班戟，有很多抹茶忌廉，略嫌太多，暖暖的班戟加上冷的紅豆😜下午茶時間，午餐可7折，埋單要加一，只收現金。另外，我們本身有熱奶茶，一位侍應拿了糖罐在我們桌上，另外一位沒有穿制服的男士約5分鐘後便收走糖罐，然而我們並未加糖😨之後吃完意粉，等待班戟時，該名沒有穿制服的男士未有提示一聲，便收就同行友人的餐具🍴及碟子，又沒有收我的😨（該名沒有穿制服的男士也有收走其他桌的餐具也沒有告知食客，挺沒有禮貌的）接著，上班戟時，該名沒有穿制服的男士拿了過來，我們表示share的，提醒他重新拿餐具🍴及碟子及友人，該男士居然又想收起我的餐具🍴及碟子，無耐😓😡

位於荃新天地既呢間Pancake House HoiHoi係由日本過嚟既分店，據聞係日本係人氣爆燈既，而今次黎到香港就當然要去試一試啦～今次算係比較早去食，所以人流未算太多，入去食果時都唔洗等位～而入面既裝修偏向走日式田園風格，感覺都幾舒服～而餐牌上都有好多野食選擇，有主食亦有主打既pancake揀，而pancake既味道款式亦幾多，而今次就揀左抹茶梳乎厘班戟，同一杯雲呢拿味咖啡試試😋😋抹茶梳乎厘班戟（$138）呢份班戟都等左大約30分鐘先上到，不過都知道班戟係即製係需要等得耐啲既，而一上到就見到抹茶醬實在太多，係多到有啲膩咁😅而班戟既鬆厚度都唔錯，厚度適中，而一切落去果下亦感覺到果種鬆軟，而佢既抹茶醬亦唔會太甜，配合紅豆簡直係一絕👍🏻而雲呢拿咖啡味道都唔錯，係食甜品果時飲返杯咖啡的確係唔錯既選擇😋總結呢間餐廳既梳乎厘班戟味道同賣相都唔錯，唯一就係抹茶醬太多導致有啲滯😅😅

餐廳座位唔算多，大多數客人坐1小時。假日5點半左右入座，已經要排隊。大約等10mins就有位，主要睇彩數。叫左抹茶忌廉梳乎厘班戟($138)，夏威夷果仁忌廉夏威夷班戟($118)。抹茶味好濃烈，帶抹茶既苦味。梳乎厘班戟既蛋香味好重，空氣感唔算好強，個人接受到，因為自己唔鍾意太多空氣感。一客有3塊，份量好足。仲有甜紅豆中和抹茶苦味。食到一半，覺得好飽。夏威夷果仁切成小粒狀，有口感。忌廉非常稠綿厚身，好重牛奶味。夏威夷班戟厚身，係pancake口感，所以好飽足。每塊都印有餐廳名，不過疊起左可能見唔到。整體，除左甜食，都有鹹食款班戟及鹹食。食物大約等10mins。賣相靚，個人食一次就夠，因為2款班戟都食左，除非想食埋其他口味。