南小館Plus (已結業)

襯住限聚令還未收緊，同親友短聚都要嘅～ 中菜上海菜都係老人家鐘意食嘅，大家都唔想飲茶所以決定食上海菜！希慎廣場好多餐廳，記得南小館都幾好味所以再黎食 ！疫情下門外探熱就可以就座，餐廳內座位開揚而且寬敞，冇膠板相隔，我嘅坐位喺餐廳偏中間嘅位置，可能餐廳大嘅關係店員比較忙碌！食物上桌快！🍜老重慶擔擔麵 $48 : 湯頭好濃郁，麵幼細煮得剛好！麻辣味均勻配碎肉同花生碎好味！小籠大滿貫 $78 ： 5種唔同口味嘅小籠包，賣相一流，皮薄餡多！招牌生煎包 $48: 我最鐘意呢度嘅生煎包，包底部煎脆，包裡面仲有熱辣辣嘅湯汁！薺菜肉絲炒年糕 $78 ： 薺菜肉絲同年糕份量適中，年糕偏淋身 雞絲粉皮 $48 ： 太多麻醬！如果鐘意食醬嘅就啱哂！4個人埋單$400 真係快靚正之選！

那天放工後與她手牽手的來到希慎廣場南小館，為的是吃一頓開懷的晚餐。一來到門口，她已經被這兒精緻的門面設計美得駐足觀賞拍照。既然是上海菜，便試試一些比較傳統的款式啊，進去然後我們分別點了數款食物，分別有招牌生煎包，鮮肉帶子小籠包，脆炸蝦卷和回鍋肉。第一碟來的是生煎包，一盤4個的包包都是圓圓的，口感豐富，肉香四溢，底部炸得又厚又脆，滋味無窮。再來的是賣相討好的帶子小鮮肉小籠包，白與綠的外表有別於一般，湯汁鮮甜，肉料香噴噴，但外皮卻比想像中的厚，還有改進的空間，但帶子配豬肉感覺變新鮮。薯絲脆蝦卷是脆脆的而且不算熱氣，幾好！但那個標語上説著送飯一流的回鍋肉則一般，回鍋肉無乜味，而且肉和菜的比例是4:6, 感覺上沒有鑊氣，對於想有個餸伴飯來吃的我，失望。不過不失，但感覺上比從前失色不少。

因為無得訂位關係，南小館响我個waiting list度好耐，難得今次老公可以去攞位，幾大都要老點佢去排下隊，點知星期六6點幾去到只需等10分鐘，咁我諗下次我都會再翻兜糖醋排骨排骨醃得入味，但唔會太醋酸，入口骨肉分離，呢個餐前小食幾唔錯招牌生煎包雖然外表好似煎燶咗咁，但食落一d都唔覺，仲好香脆可口；而裡面好多湯汁，肉又夠嫩，必食之選鮮肉小籠包一籠有5隻水準參差，其中兩隻無穿但無湯，好彩皮薄肉嫩搭夠松子魚呢個好味又抵食，賣相又靚，又唔係周圍有得食。魚皮炸得好香脆，魚肉一d都唔鞋，汁唔太酸好開胃，但建議4人以上先好叫，因為魚SIZE都唔細架，值得推介咸肉菜炒飯味道偏淡，但我鍾意佢飯炒得乾身同多菜，同埋當日既餸大多濃味，食番一味淡身嚟中和返後記：3個人每人二幾蚊都唔駛，超抵食！要挑剔係呢度無得訂位，好彩六點幾到等咗幾分鐘啫。

一直以來對中菜都有份「情義結」，相對其他菜式中菜多了一份細膩度是我極為喜愛。南小館開宗明義走年輕人路缐，開業至今分店不斷可見吸引力。很久沒有到訪它，大概已有一年有多。雖然與傳統上海菜館小南國的姐妹店，但感覺大為不同。餐廳天花的舊式吊扇、百葉簾的窗；高身的檯椅，令人感覺置身在異國悠閒自在。牆身有老式的自行車並放有小盆栽與板牆壁上的小插畫，大為喜歡。C小姐是我的好友亦是老闆娘；午飯時間真的隨你鍾意，今個下午特意與她再次前來重拾這份情懷，全因她也是一個「中菜迷」。都市人總是公務繁忙，老闆娘永遠都是例遲。早到的我被店員安排高檯的位置，落地玻璃的設計能遠眺鬧市的景色；舒適的環境是我極為喜歡。枱上仍舊有我喜歡的蕎麥茶，其他菜式可能只有一杯清水。蕎麥茶容易入口，不苦亦不澀，旁邊更提供小前菜。一會兒，C小姐終於到了，多客程度機不離手。點菜永遠是我包辦的環節，幸好深知她的口味。愈香脆愈喜歡，特別雞翼是她的最愛。翻開餐牌已與從前截然不同，換上了綠色的硬皮簿更耐用，食物的種類亦增添了不少。夏日炎炎，完全不想吃甚麼醉辣湯、擔擔麵等。倒不如試蔥油開洋拌麵 ，拌麵就是最合適的選擇。濃烈油亮的蔥油香氣，蔥香的味道甚

星期日豬仔帶我去希慎嘅南小館嘆tea 淺嚐上海菜！南小館~曾經聽返來嘅評語，係好壞參半，口味嘅嘢好個人化， 唔親身試試，又點知龍與鳳 呢~我倆shopping完過到去希慎廣場，大慨晏晝3點几，客人唔多，環境清靜，簡約嘅佈置，帶點文青風格，感覺舒適寫意！一於點几款小巧菜試試喇 : -1.招牌生煎包 : 賣相精緻 ，形狀小巧輕盈，有別於一般化嘅懷舊大包。外表漲卜卜，咬落發現皮薄香脆 ，肉汁香溢，肉饀非常正斗 ！2.排骨擔擔麵 : 排骨厚切, 外層酥脆，肉質鬆軟啖啖肉 ，yummy！至於嗰血色地獄湯麵 ，令人太失所望 ！口感辛辣，唔係咁對胃囉 ！皆因我倆對有花生醬+沙嗲醬嘅擔擔麵，一直情有獨鐘 ！3.手抓餅 : 熱辣辣，外脆内軟 ，美味可口！4.南小館甜甜拼 : 賣相靚仔 ，由客人挑選自由拼，我地揀咗芒果凍布丁+細沙南瓜糰+桂花蜜拉糕。芒果凍布丁~芒果肉多，食到啖啖芒果蓉 細沙南瓜糰~小南瓜好Kawaii , 雖然無咩南瓜味，但内饀載有滿滿嘅紅豆蓉，甜而不膩 ！桂花蜜拉糕~淺淺甜味，軟軟嘅糯米糕，太common嘞！整體唔錯，但略嫌價錢偏高，唔多抵食

珍惜與舊朋友聚會，雖然唔常見面，但係感覺最真、最透明、有講唔盡嘅話題……有好嘅朋友，要配舒適嘅小館……生煎包，比起小籠包更多汁鮮甜，包底微微煎得金黃，更香口，不愧為金牌，我鍾意太辣唔啱我朋友話好開胃，有種唔知係酒定醋嘅味道同其他上海店嘅水準差不多，好味道雖然係小食，不過都係覺得少咗啲，酸酸味味夠開胃皮薄多汁，okay雞翼微辣，香口，蒜香夠惹味鍾意佢嘅炒菜，唔會煮得太腍，夠爽口香甜年糕一向唔係我“飛佛“，嫌佢淡，大白菜同肉絲都唔太多*整體感覺還可以，waitress主動斟水，不過似乎收碟速度太快太頻密，如果喺冇人等枱嘅情況底下，稍為調節一下，會嚟得更舒服

大約晚上7點到來，店外己有大堆人圍等候。有良好的用餐環境的確加分不少，眼見南小館仿似一間精緻台式cafe格局，窗邊座位可享有海景，門口放有單車擺設，給我感覺有點像護膚品店Kiehl's 見它環境舒適，即使等待人圍眾多，也吸引我耐心等候。餐廳採用open kitchen 設計，抽風系統做得唔錯，油煙沒有波及店中。裝潢新潮時尚，給人年輕活力的感覺，open kitchen 上設有層架，但上面放的都是珠江橋牌生抽王及美極鮮醬油，有點搞笑南小館四小拼(HK$68)﹕我們選了花雕白雞、冰宮肴肉、四喜烤麩和涼拌彩絲，其中花雕白雞酒香味濃，但雞肉偏鞋，冰宮肴肉是最好食的。招牌生煎包(HK$48) ﹕ 之前見好多人推薦生煎包，亦是店中招牌，所以點了。生煎包以平底鍋奉上，雖然明知不是用這個鍋煎的，但感覺好像新鮮熱辣點，包皮上灑有芝麻及蔥花，包底的確香脆，而且肉汁豐富，咬下去真的會爆汁，但是次豬肉有點不新鮮吧，有點不討好的豬味啊~ 正當我們討論生煎包有豬味，小籠包應該都不太好吃，因為都是同一樣的豬肉吧，但同時隔壁枱正吃蟹粉小籠包吃得律律有味，還加單多叫鮮肉小籠包及生煎包，或者是我地不夠幸運吧。今次抽起了

希慎廣場開張，當然要一試各間食肆打頭陣的就是南小館十月的時候還算是新開張當然乘人少時先光顧一頓很快就已經入座，雖然有入座時限選了幾款想一試之食物：雞絲粉皮($38) - 細碟，味道不錯，粉皮及醬汁比例剛好招牌生煎包($38) - 用煎鍋上，但其實只是裝飾；生煎包內灌肉汁，而且熱度足夠，值得再嚐鮮肉小龍包($38) - 沒生煎包吸引，但仍可再嚐，皮及鮮肉的質素算是中級之上大良炒飯($58) - 原作飽肚之選，但想不到炒得夠乾身，有喜出望外之感老干媽年榚($58) - 味道沒名稱吸引，炒年榚一份甜品拼盤($58) - 本次期待作品之一，兩個榚都是有咬口，黏身；芒果布甸一進口已有很香的芒果味道，不過最好吃的仍算是茉莉花茶，只是放近點已經嗅到陣陣香味，放進口中夾雜著茉莉花及像是奶茶的味道，於是大家一起用匙羹證明這個是四個甜品中最好吃的一個。

南小館裝潢大體上切合希慎廣場較年青及自然的主調，半開放式廚房及淺木色的佈置，感覺悠閒舒適。美食以上海菜為主，碟頭不算大，可多試幾款點心菜式。麻醬羅馬：翠綠爽口的羅馬生菜，配上惹味麻香汁，實在可口！腌篤鮮燒賣：糯米餡料，泛着淡淡糯米獨特的香氣，入口帶點黏牙煙韌，屬較特別的燒賣款式。蝦肉紅油抄手：麻香辣味輕，皮滑餃肉味道對辦。招牌生煎包：生煎包包底煎得脆口，包心肉餡豐富多汁，值得推介。蒜蓉炒菜心：菜心選料細嫩甜美，好吃！大良炒飯：炒飯上色色水平均，不會過鹹，餡料簡單有豬肉粒、蝦仁、冬菇及炒蛋等，只作點綴，味道不算突出。