祥興記上海生煎包 (樂道)

營業中

休息中

小編試過幾隻味，最好食都係招牌生煎包！⚠️⚠️⚠️注意要非常小心地食⚠️⚠️⚠️⚠️會爆噴汁喔，或者大口食會辣嘴喔⚠️最小心食法係係頂咬一小口，吸晒d湯汁等冇咁熱再咬個肉肉🙈呢個生煎包冇得頂😋超多肉汁湯汁，好鮮而且個底做到好脆即買即刻有得食唔洗等雖然少邪惡，但非常好食！周圍都唔少旅客慕名而來～可見米芝連之名並唔係浪得虛名😎

想食生煎包/窩貼類既時候都會諗起附近既祥興記，次次黎食都係揀返佢既招牌生煎包~ ($3x)提醒大家：超  級 多 汁 ！一口咬會爆射出黎，所以我通常會先咬一啖，啜減d肉汁先繼續食會方便d (除非你可以一啖啪晒入口，但係小心入面真係好熱……)買咁多次生煎包，祥興記每次出品都係咁穩陣，多汁多陷，外面脆口，熱辣辣新鮮煎起。 食完4大粒幾已經好飽，試唔到其他野 haha，不過食完feel到都有d頸渴(應該有d味精)未試過既，真係可以試下，推介~ 👍🏻👍🏻👍🏻咬左一半太熱放返低，啲肉汁漏晒出黎個紙盒上🤣🤣🤣

如果心思思想食上海生煎包祥興記絕對係首選！🤩唔知其他分店有有堂食位置但尖沙咀呢間分店冇堂食但側面有長枱可以立食，企到大約5-6個人招牌生煎包 ($34)一盒四個生煎包，送一包醋熱辣辣，個皮唔厚又唔會好薄👍🏽個底係煎到少少脆嫁！😭😋咬嗰下要好小心！因為好！多！汁！同好熱😂肉好夠，汁都好好味😭👍🏽推介！除左招牌生煎包仲有其他例如鮮蝦生煎包都好好食！總括而言，味道方面好出色👍🏽性價比唔算高，但如果好想好想食生煎包就揀祥興記啦！😂

招牌生煎包 $34用熱爐持續加熱，生煎包拎到手仲係熱辣辣嫁🔥皮薄底脆🤤面皮薄薄的，口感似小籠包既皮。生煎包既底其實好厚，但又可以煎到金黃香脆，出色👍🏻湯汁超多，輕輕咬一下個皮就湧曬出黎🌊食果陣一定要小心啊❗️會爆汁嫁味道稍鹹，但唔算超油膩。豬肉餡🐷份量足，肉質保持到鮮嫩、唔過熟。薄面皮+豐富湯汁+飽滿豬肉餡+香脆包底所有野一啖食，口感層次豐富，滿足😇總體而言，水準唔差，但未到勁好食🍴

偶爾會想起這間米芝蓮生煎包，有天經過尖沙咀，就專門去食一個，鋪面有點難找，但如果去過一次，便會記起位置鋪面還有其他食物選擇生煎包一客四件，熱辣辣新鮮煎起，所以好熱好熱！另外加了一點醋汁，更帶出香味包內充滿了湯汁和肉汁，肉汁好熱，要小心燙咀。包外脆卜卜，煎得好香，但因為太多汁，又太熱，都要咬一口啜少少湯汁，而有更多湯汁都流了出去。食到最後一粒湯汁一下子噴射式噴了好多出來，整到成張枱都喺，旁邊還有外籍遊客，真尷尬好彩遊客無側目我食到最後剩了好多湯汁在盒中。雖然味道唔錯，但衛生尚有進步空間，有隻烏蠅也到場支持米芝蓮推介，雖然也明白小食店衛生極都有限度。下次有機會再食啦！

約左朋友去尖沙咀睇戲，點知佢話要遲少少😪我見有D肚餓，就搵D嘢食下，行下行下，就見到祥興記😍😍（而且呢個時間未有人龍）我order左個招牌生煎包，生煎包堅係好食，不只外皮脆薄，豬肉餡料亦非常多，咬一口，真係不得了，因為佢係會爆汁😚（食既時侯一定要小心啊)怪不得被選為米之蓮街頭小吃之一今次係食招牌生煎包，下次試試其他口味先🧐佢既位置都算易搵，不過由於店面不太大，得幾個位坐，如果大家想即刻食到爆汁既生煎包，就要企下啦！

知道呢間好耐，但平時lunch多數叫外賣多，而且平日好多人排隊下，今日有時間落去買仲要無咩人排，good!聽人講黑松露無原味咁正，當然就買份招牌生煎包試一試先。一盒4件細細隻，但其實食晒都夠晒飽。生煎包睇落色澤賣相不錯，食既時候要好小心，因為一不小心d汁係會飛出黎。🙈我就係食到整污糟晒喇～生煎包表皮厚度覺得適中，底係脆既，內裡湯汁超豐富香濃，我就攤凍左少少先食，如果即食真係要小心辣親咀。價錢方面我就覺得尚算ok既👌🏻

冷鋒襲港，多天不散，越來越凍。天寒地凍，最好吃點熱食來暖肚。夜了下班，不想吃太多，加上年近歲晚，四處都人頭湧湧，只想快點吃完快點回家鑽被窩。嚴格來說，祥興記沒有堂食，只能說是在店外有少少位置，讓你放著食物盒來站著吃。他們的生煎包是新鮮包製的。女工們默默的在包，煎的時候，餃子的封口位向下，煎得金黃香脆。每天限量供應，這晚我來的時候已差不多到要關店的時候間，職員都已經開始收拾廚房，只餘招牌生煎包，其他味道都已賣光了。雖然要立食，但只不過是吃幾粒生煎包，需時不多，最重要是皮厚薄適中，包內肉汁豐盈，咬一小口包皮，啜一口溫熱的肉汁，是冬日的幸福滋味，足以彌補站著吃的累。

見難得唔多人等就走去試下$30/4粒生煎包，價錢尚可。一口咬入去，真係好多汁好豐富，肉都幾多，皮亦香脆，唔會太厚 。份量夠, 食完四粒都好飽下！唯獨湯汁太咸太重口味，食完勁口喝！輕手啲好嗎？味精會好好多！第一口吞已經覺咸得誇張！啲湯咁重手，食左咩肉都唔知，完全食唔到乜嘢肉汁,招牌仲話SELL 鮮味,完全食唔出味，除咗味精如果只係叫生煎包，這個質素合格。如果叫米芝蓮，就真係名過其實！生煎包皮重要，湯多重要，但味道先係主打！一試可以

又係再回頭食第2次既食店祥興記近排開左幾間分店，而我食開既都係尖沙咀依間第1次食叫左招牌生煎包($28/4隻)+黑松露生煎包($15/隻)因為覺得黑松露果款無咩黑松露味今次直接叫左2盒招牌生煎包價錢亦都加到去$30/4隻(但仍然會再去食🙈)生煎包超多超多超多汁‼️‼️而且皮薄肉多每次食都係岩岩煎好，熱辣辣(不過要小心辣親個嘴)絕對完勝其他香港既生煎包🤣🤣有時唔太肚餓過去食返盒就岩哂啦

🏅這店是外賣店，名氣源於之前拿到了米芝蓮推介，人氣爆升，這夜路過見無人排隊，把握機會買一份即場品嚐。🏅店外有一張長枱，方便顧客站立品嚐食物。🎈招牌生煎飽 $30 四隻🎈🏅果然是招牌力作，皮薄底脆鬆化。🏅咬穿生煎飽的頂部，可窺視了內裡的肉汁澎湃，香氣飄逸，肉在湯中晶瑩潤澤，口感一流，大家要小心肉汁好燙，慢慢品嚐不用心急!🏅總體來說，正如門面的廣告所說: 汁多、餡鮮、底脆、皮薄，完全符合廣告商標說明條例，好吃!

又是一個忙碌的午飯時段！趕忙在尖沙咀辦了些事情，已經差不多中午一時，一路走一路想著去那裡吃午飯的時候，便看到祥興記的店舖，還記得在朋友家中吃過祥興記的外賣，各款食物都很美味，立刻走到店前買外賣！這間尖沙咀店沒有堂食，只有外賣自取。有些客人索性買完食物，就在店前大快朵頣！我點了招牌生煎包、上海麻醬菜肉餛飩和酸梅汁。等侯時間約10分鐘，但在這段時間，不斷聞到黑松露的香味，全因附近有客人正吃著黑松露生煎包。生煎包的外賣盒有介紹祥興記曾獲米芝蓮推介生煎包做到皮薄、肉鮮、汁多，湯汁美味👍🏻麻醬香濃，菜肉餛飩好吃。酸梅汁色澤漂亮，酸甜度啱啱好😋

自從祥興記荃灣店舖抵受不了租金壓力，另覓地點再開舖，好耐都冇食過生煎包了。今日路過，自然要幫襯下，睇下水準如何啦～ 舖頭唔大，裝修同之前荃灣嗰間差唔多，喺出面set有少量位置供客人進食。嗰侍應態度好好。是日因為約咗人夠鐘食飯，所以只係嗌咗一份例牌生煎包，有4隻。望嗰賣相就keep到水準啦，唔知道品質又如何呢輕輕咬開，d肉汁擠、流出來，皮唔會厚更唔會乾，肉鮮嫩。作點綴嘅黑白芝麻&蔥花也起到錦上添花的作用。

約咗朋友係附近食飯, 經過此店時被其他人手上拎住嘅生煎包所吸引, 此店面積細細, 又沒有位置可坐, 只可在店外站著吃, 都能吸引那麼多人, 所以決定先試一試佢!叫咗招牌生煎包 $28 生煎包熱辣辣, 生煎包面上灑上蔥花, 可以自己加醋及豆瓣醬, 一咬落去湯就流出黎, 非常多肉汁而且肉汁清甜。生煎包面鬆軟, 底部又煎得脆脆的, 口感非常好。 難怪咁多人排隊! 下次會再試其他味或者湯粉!

兩年前去過上海exchange半年，最念念不忘既就係個度既生煎包，上海最出名個間叫｢ 小楊生煎」，最好味個間叫｢ 大壺春」（我認為），返左黎香港之後，就冇機會再食到呢種滋味。不過前兩年米之蓮推出左平民版美食指南，其中就包括左呢間｢祥興記 」。而呢間｢祥興記 」既老細係上海人，仲聽講個廚師曾經係｢ 小楊生煎」做過下，味道應該都似上海生煎既，不過d鋪頭係曬九龍，一直都冇機會嘗試，終於grad左後係尖沙咀做野，又咁岩尖沙咀新開左｢祥興記 」分店，唔係唔試啊嘛！尖沙咀店面就靜係得出面一排凳可以坐，即叫即食，食完即走，咪諗住可以坐得耐d生煎包就係排係個大鐵鍋上煎，同我上海見到既鍋係一模一樣咁難得黎到緊係每樣想試下，於是就order左一份雙拼生煎包，包括兩隻招牌原味同埋兩隻鮮蝦生煎包，另外見到黑松露生煎包，12蚊一隻，對比起其他兩款口味特別貴，但都想試下就咬一咬牙order兩隻。生煎包岩岩出爐，熱辣辣食最正。咁我都唔知入面邊隻打邊隻，每個口味既樣幾乎無疑，求其拎起粒黎食，一咬落去底皮特別脆，裡面肉餡有少少黑色，有種特別香氣，應該係黑松露生煎包；然後我再試埋原味同鮮蝦生煎包，原味幾乎就係同我係｢ 小