豬手工房

營業中

休息中

今晚同朋友約左一齊試下喱間豬手工房，係大圍站大概行10分鐘倒，再係工廠大廈搭lift上去。上到去佢門冇開貼住左只招待會員既，但其實普通人都應該照入得，直接推門入去就得。餐廳有除左有平時西餐野食之外，我見佢遲啲好似會有shisha，幾適合同朋友黎傾下計。不過因為我地晏就食得太多野有啲飽，所以就淨係叫左招牌銅鑼灣第一脆爆鹹豬手同泰式香脆炸雞。我地7點幾去吾算多人見到佢仲有網上外賣平台服務，住附近可以叫外賣～招牌銅鑼灣第一脆爆鹹豬手$228豬手係佢間店既招牌，所以我地幾飽都叫🤣即叫即整，大概等左15分鐘倒。佢份量都幾多下，個豬手皮焗得幾脆，啲肉都幾林，我覺得真係吾錯。泰式香脆炸雞翼$68有五隻雞翼，佢炸得幾鬆化，再配埋個泰式辣醬最後餐廳有比張卡片我話下次過黎可以book定位先

今日朋友帶左黎大圍工廈入面間餐廳, 話呢到啲豬手好好食.門口清簡, 不過你會知呢間係餐廳.小食要左魷魚圈, 新鮮炸出黎, 炸粉同魷魚無分開證明唔係現成買返黎炸, 配沙律醬減低油膩感.前菜叫左份自家製沙律, 啲菜好爽囗, 火腿唔算咸, 鍾意佢係落醋而唔係落醬, 真正健康.主食就叫左個辣肉腸pizza, 餅底唔厚, 而邊位都脆脆地, 芝士味唔太濃無掩蓋到辣肉腸既味道.主角鹹豬手終於到了, 望落塊皮幾硬, 但食落超脆, 而肉好腍好嫰滑, 唔係好咸好好味.

假日晚上去工廈，真係好有探險感。住了大圍多年，真係好少會行去工廈個面，交通城大廈唔難搵，最難搵係個入口，以為搵到有水牌個個電梯位就去到...？少年真係太年輕了😵唔知係咪因為假日外面個2部𨋢係唔郁的，要再行前去車場入口，入面另外有2部類似貨𨋢先用到。講真上到2樓出𨋢後都真係凸左眼，係咁嘅環境竟然有餐廳，真係綠中一點紅😳唔靠口碑廣告，應該好難會有街客搵上門🤷‍♀️。店內環境都唔錯，應該都有3-40個坐位，不過今晚有雨，所以露天位就無開。講返食物味道，今次只試2樣食物試下水温，怕中伏嘛🤭，來到豬手工房當然食豬手啦，再加左個田園沙律。豬手真係無得輸皮脆肉嫩，個人覺得鹹味正好（話明鹹豬手嘛，如果無鹹味先叫難食呢），但個田園沙律真心唔推介，份量唔算大都不重要，所謂嘅巴馬臣火腿味道一般都唔梗要，最難接受係咁油，每片菜都好似浸左油咁，唔知今日整個位係咪重手左，沙律個人喜好清爽感的，沙律醬/油真係少少點綴下就夠。今次小試牛刀先比個好評。最後提醒一下，晚餐時間最好預約先喔！walkin客，好多都撲空。

放工後陪朋友去大圍車行整車，意外來到了這家隱世西餐。餐廳的門面都比較隱秘，大門處於關著狀態，全金屬面的大門密不透風，外人完全窺探不到裡面。沒想到打開門，裡面竟然是滿座。餐廳採用清新的森系裝潢，木檯木椅，吊燈圍上了膠綠草。名叫「豬手工房」，顧名思義豬手是主打。豬手成了必點之選，幾乎每桌客人的桌上都有這道菜式。這道「招牌銅鑼灣第一脆爆鹹豬手」果然名不虛傳，單是視覺效果已經感到它如何脆爆。豬手肉嫩滑，皮炸得脆卜卜，非常不錯。另一的著眼點，是伴碟的酸菜。一般德式酸菜我都敬而遠之，因為口味實在不是我喜歡的。但這家的酸菜調味比較貼合本土人口味，不會太酸，味道不錯。除了豬手外，我們還點了香辣肉絲橄欖油意粉。意粉炒得很香，辣度屬於老少咸宜的小辣。兩人共點了兩款菜式已經捧腹而回，畢竟鹹豬手甚是肥膩。建議二人用餐，可以鹹豬手做膽，另加一款主菜便以足夠。

早前見好多朋友仔大推位於大圍的豬手工房，係火炭返工的我，早早已經Plan好同埋同事係放工後去大食一餐。餐廳雖然位於工廠區，但其實超近大圍火車站，只要係A出口一出轉右，行3、4分鐘就會到。餐廳分為室內及室外的用餐區，大家可以按自己的喜好去揀位置坐。雖然餐廳新開唔係好耐，但Weekday都有10枱客到，認真唔可以低估。脆炸魷魚圈配沙律醬炸得金黃，魷魚幾有咬口，可惜個粉厚左DD，不過整體都算可以的。係香港真係唔係好多餐廳有意大利雲呑，見餐廳有波菜雜菌意大利介子雲呑，諗都無諗就照Order。一食就知無叫錯，雲呑的雜菌餡料好香，同我係英國食的味道好相似。加上好Creamy及香濃黑松露味的忌廉汁，再加埋洋蔥粒，令到呢份意大利雲呑的味道更昇華。餐廳共有兩款香腸拼盤，餐廳推介為精選德國香腸拼盤。共有5款腸仔，可以令你次過試曬所有味道。最上個條大腸味道香辣，而且份量十足；最肥個條腸應該係司華力腸；幼長的腸的皮較脆；白色個條釀左香草係入面，味道會較為豐富；雙連的幼腸的油脂較多，所以都係5條腸最香口的一款。富有甜味的燒烤汁，可以平衡腸仔的咸味。雖然唔知同銅鑼灣有咩關係，不過呢客招牌銅鑼灣第一脆爆鹹豬手果然同

呢間豬手工房龍地鐵A出口約十分鐘路程，係工廈區，係大廈就會清晰見到水牌！上到去好surprised! 因為有好舒服露天位置，秋天有啲風真係好舒服，而且座位分隔得幾開，有好多私人空間同朋友傾計，環境安靜，非常適合同朋友慢慢食。 有一部分嘅廚房就係露天位置，可以見到新鮮嘅豬手係度焗雖然呢度適合同朋友飲兩杯，但就未見Menu有酒水精飲品。一黎先食黎咗小食-脆炸魷魚圈，份量都幾多，襯沙律醬都會食食下食咗好多。豬手係此行嘅目的，但果然冇白黎，豬手非常出色，即叫即整，所以要餓妳一陣但質素非常好，皮夠晒脆，肉都唔少！兩個人食都幾大份闊條麵一黎到我同朋友都嚇親，因為份量真係好多但醬汁同黑松露味都好夠出