熾工房 (已結業)

今晚冇煮飯，就落去屋企附近嘅Wow Lab試吓佢嘅炸雞。店舖裝修簡潔帶有少許文青氣息，餐廳面積雖不大，但樓底夠高空間感十分一啲壓迫感都冇，整體都坐好舒服。Menu以炸雞為主，亦有少量其他食物如意粉、飯或burger。今次我哋就叫左份炸雞set，一個包，同一個雞亦拼盤。本來只係打算醫肚，但食完真係wow一聲😲，估唔到原來普普通通一間快餐店嘅食物原來可以咁出色👍🏻👍🏻 每樣食物都超出預期，樣樣都有質素誠意推介👌🏻👌🏻招牌雞翼拼盤 WoWLAB's Wings Platter $98拼盤有12隻單骨雞翼🍗，雞翼有醃過好入味，炸粉適中唔太厚，炸嘅時間都啱啱好，鬆脆得嚟冇overcook，肉質依然保持嫩滑，出色！雞翼有2款滋味，1款（應該）係士拉差醬，少少酸又帶點辣好惹味，另一款係原味，另有兩個醬汁可以點，一個係茄汁另一個係蜜糖芥茉醬，兩個都勁好味！拼盤仲有炸洋蔥圈🧅，我想講好耐冇食過咁好食嘅炸洋蔥圈，鬆脆唔在講， 炸粉下嘅洋蔥🧅係啖啖肉非常飽滿，原因係佢哋會切頭切尾同只選用洋蔥中心較厚肉嘅地方，可見店主對食物質素係有要求。另外薯條🍟都炸得好香脆，點埋啲dips又再度加乘🤤滋味脆雞套餐 WoW

熾工房 (西環)📍西環高街111號地舖高街自從地鐵通咗車之後越開越多唔同嘅食肆！呢個鋪位歷年來都轉換過唔同嘅菜式，而WoW Lab 嘅氛圍係最為年輕，炸雞漢堡日本啤，加埋打卡彩繪牆，絕對係可以吸引到附近一班大學生嚟幫襯！所以晚市時段亦都比較full！👩‍🍳WOW PORK CHOP BURGER 豬扒包 $78Order時職員已經同咗我哋講，大約要等15至20分鐘，係一款精心炮製嘅菜式！外表脆脆嘅黑炭漢堡加甜甜辣辣小許咖喱味嘅豬扒 （醬汁味有少少似辣魚蛋醬味，超惹味），配料仲有醃甘筍同青瓜絲，係一個出色韓風味濃嘅豬扒漢堡！有驚喜！伴碟仲有幾個洋蔥圈，香脆外皮入邊包住飽滿嘅洋蔥。洋蔥圈食得多，但係有誠意嘅洋蔥圈已經好耐冇遇過！👍🏻👍🏻👍🏻👍🏻👍🏻👩‍🍳 WoW Fried Chicken Set 滋味脆雞套餐 $66套餐包括原味滋味脆雞兩件，薯條/牛油粟米，同埋汽水一罐。炸雞熱辣辣，外脆內軟又多汁，絕對係高質炸雞！👩‍🍳 WoW LAB's Wings Platter 招牌雞翼拼盤 $98拼盤裏面有兩款單骨滋味雞翼、薯條、洋蔥圈，亦都包括兩個醬汁 （茄汁，蜜糖芥末）。單骨雞翼方便又容易食

📍 𝗪𝗼𝘄 𝗟𝗔𝗕 熾工房 @ 西營盤/長洲ღ 滋味脆雞套餐 $66ღ 原味烤雞套餐 $68ღ 招牌雞翼拼盤 $98終於唔洗次次都淨係可以食 kfc 喇！套餐有兩件雞同薯條包汽水～（男仔食唔算太飽我哋仲 +$5 將薯條轉做細磨菇飯🤣但係個飯份量一啲都唔細 好大盒！而且食落好驚喜 蘑菇味濃又夠多 醬汁creamy好食過kfc嘅好多囉（雖然我一定係叫雞皇飯😂炸雞正常發揮 冇乜油溢味 我就鍾意佢嘅烤雞多啲 因為食到有用香草調味過 味道特別（≧∇≦）雞翼拼盤除咗12件單骨雞翼 仲有薯條洋蔥圈～值得一提仲有個墨西哥辣椒幾特別！但真係好辣 食咗一舊頂唔順（我太廢 (￣▽￣)細心就係呢個拼盤跟咗4款醬 等大家可以試多啲不過除咗芫荽檸檬係幾清新嘅配搭 酸酸地 其他就都係啲正常味道啦～回頭指數😼3.5/5（值得返兜但唔會特登去(*´꒳`*)