Bugis@叻沙・海南雞飯 (已結業)

見到有海南雞飯既地方通常都二話不說就行入去試試佢🤙🏽睇哂成個餐牌之後都係叫左最多人點既海南雞飯😹一黎就試下個粟米蘿蔔湯，個蘿蔔再甜d會更好，不過無麥味精都算係咁。跟住到海南雞又真係好夠滑既！個雞皮薄少脂肪，順次序點埋個蒜油、酸汁同醬油，🤤🤤🤤滑嘟嘟既雞掛滿左醬汁！平時最怕就係食到太多脂肪既雞，所以今次真係滿意度十足！油飯反而唔算好香，可以接受😌呢個88蚊既小食拼盤有4款小食： 沙嗲雞肉串、魚餅、炸蝦同炸春卷。個人最中意就係蝦春卷，脆口之餘入面仲有甜甜地既蘿蔔絲，口感不錯。另外炸蝦不過不失，但魚餅同沙嗲雞肉串遜色左少少，雞肉淋到無哂口感

放工後和父親一起到Vcity 用膳，父親經常都藉口年紀老邁行動不便，拒絕出國去太遙遠旅程，於是便到附近Bugis@叻沙・海南雞飯品嚐新加坡美食。餐廳裝修外面有一輛天藍色單車，內裡以藍色綠色為主調，頗有東南亞度假感覺。安排坐在沙發椅上，坐得算是闊落舒服﹗上菜速度頗快，不用老人家等候太久，值得一讚﹗給父親點了新加坡海南雞飯$66:海南雞無骨，鮮黃色油雞，肉質嫩滑，雞香味濃，是水準之作。配上香噴噴嘅油飯，簡直係一絕﹗旁邊有酸菜，另外附上特有醬汁—甜醬、薑茸和辣椒醬，分外覺得開胃。 套餐連湯，十分滿足﹗好辣的我點了海鮮叻沙摻摻$68:份量算多，有鮮蝦、青口、新加坡魚丸、雞蛋、豆腐卜，少許辣，夠惹味﹗內裡粗和幼麵，頗入味和有口感。南洋肉骨茶(2人量)$64:肉骨茶配料有無骨豬踭、豆卜、雞蛋，全部都滷得相當入味；當中無骨豬踭肉質非常軟腍，有脆骨咬下，除骨後啖啖嫩肉。旁邊還有兩小切條油炸鬼和醬料，而父親忍不住吃完入面肉骨，還連聲說肉骨茶好喝﹗凍羅漢果水$26:入喉清涼，潤肺止咳，生津止渴，可以順便清下身體內既熱毒，將垃圾排走！餐廳價格平民，口味亦適合老人家，尤如去了新加坡走了一轉，品嚐當地美食過一過

最近天氣愈來愈熱，總令人心思思想吃些香辣滋味，好出一身汗🤣 屯門Vcity餐廳選擇不算少，午餐時間一般要稍候片刻，這天我和家人到了Bugis品嘗新加坡/馬拉菜午餐共有十多款，還可加配小食，選擇算是繁多。最值一提的是餐飲已包括了一般餐廳常見的「特飲」如黑糖珍珠豆漿、生薑龍眼茶、羅漢果茶等我點選了「海鮮叻沙套餐」 ($74) 一端上桌時，叻沙香氣濃郁撲鼻，尤其滲滲麵條(油麵+米粉)吸附滿滿湯頭後，吃起來帶濃郁蝦香味，還有各種香料先後迸發而出的香氣、椰漿微微的香甜和香辣鮮味，令人忍不住一口接一口叻沙麵上放滿配料— 新鮮青口、大蝦、白魚蛋、豆卜、滷水蛋等，配搭豐富，最讚的是豆卜將湯頭精華完整吸附進去，吃起來香濃中帶點豆香，濃稠的湯頭與單純的豆香形成一種完美的結合!家人則點選了「新加坡海南雞飯」($72) 雞肉肉質鮮嫩、肥瘦均勻，香氣豐沛，配傳統醬汁甜豉油、薑蓉來吃，風味十足意猶未盡的我們加點了小食「南乳雞翼」($22)一口咬下便知道醃肉時間充足剛好，南乳醬汁醃得入味，雞翼惹味鹹香，還加入了少許糖中和鹹味作平衡，雞皮脆香鹹鮮唯一問題是餐廳座位稍為淺窄，不算坐得舒適，但食物味道很不錯呢😝

見週末沒咩野做，就同屋企人黎呢間Bugis@叻沙·海南雞飯食lunch！去到11點幾，但估唔到都幾多人，要等一陣先有位！難得週未都有得食假日午市套餐，所以我地選了新加坡海南雞飯同馬來咖哩牛腩飯一齊share黎食！海南雞飯果然係招牌菜，雞望落有光澤，而且雞肉又白又滑又多，食落好Jucie，好有雞香味，點埋啲醬食，好惹味！配上清甜冬瓜湯同香噴噴的油飯，真的好吃！另外這個是香濃惹味的馬來咖哩牛腩飯，咖喱夠香夠辣，唔太稀，撈飯食好開胃，而且啲牛腩煮得好入味又腍。平時咖哩多數配薯仔，但呢度係豆卜，好有星馬風味，啲豆卜吸左啲咖哩汁非常好食！至於飲品我就加錢飲呢個粉紅救兵的特飲，賣相幾靚，口感好smooth， 而且味道酸酸甜甜，食完辣野飲呢個好啱！