英皇紅酒扒房 (已結業)

近鰂魚涌有間西餐廳, 除左有酒飲之外, 仲有各款西餐供應~Dinner set供應時間: 3:00 to 9:30p.m 包括餐湯,炸薯角,烤雜菜,咖啡/茶【新西蘭自然放牧草飼牛柳(6oz)】HK$158【美國穀飼牛肉眼(10oz)】HK$228今次我order左3成熟, 切開都見到有少少血色, 兩款牛既味道其實差不多, 只係牛柳肉質感偏林, 而肉眼就偏硬, 比較有趙口...薯角炸得好脆, 唔好諗住好似好細份, 其實成set dinner食哂都夠飽啊~

King’s Wine & Dine雖然話係晌北角，但其實較近鰂魚涌地鐵站，出站後行咗大約五分鐘左右就到。餐廳嘅格局乾淨企理，仲有我哋最愛嘅卡位，當日所見座上嘅食客大部份都係外藉人士。聖誕節將至，餐廳入面都擺放咗唔少節日裝飾。用牛皮紙印製嘅餐牌，某啲菜式仲有參考圖。原本想叫兩份扒類晚餐，最後只係試咗一份扒加一份意粉。是日餐湯有兩款，大蒜薯蓉湯，我都係第一次晌西餐廳飲呢款西湯，因為坊間大部份餐廳嘅白湯都係忌廉湯居多，呢款湯嘅質感較粉，味濃偏鹹。雜菜湯，湯入面有洋蔥、西芹同胡蘿蔔等等，飲落微酸，相對起嚟味道較大蒜薯蓉湯溫和。另外，伴湯嘅蒜蓉多士都幾脆口。脆煙肉卡邦尼意粉，灑上巴馬臣芝士碎同香草，同埋用咗菊苣同紫生菜襯托。意粉煮得彈牙，表面沾滿醬汁，當中嘅煙肉絲、煙肉乾同洋蔥粒令佢更惹味，仲食到少少蛋香。想試美國穀飼牛肉眼，可惜當日已經售罄，於是就改叫新西蘭自然放牧草飼牛柳，餐牌寫住牛柳有六安士重，根據平時食牛扒嘅經驗嚟目測，都幾足料。伴碟有炸薯角、黑橄欖、蒜頭、番茄、意大利青瓜黃瓜同胡蘿蔔，蔬菜經香烤過，食起嚟有焦香，同埋灑上黑椒粒、辣粉同香草等等作調味同點綴。牛柳肉質軟腍唔韌，切開後肉汁