Zeng

營業中

休息中

呢日放工約咗個朋友去Chill下，本身想食完晚飯先去飲嘢，但點知放工晏，就直接搵個地方可以一次過兩樣做埋。朋友帶咗我去Zeng，一上到去發現餐廳好滿座👏，好犀利啊呢個時世。可惜呢晚落雨，無得坐出面。🦀軟殼蟹天婦羅(2件)($108)，軟殼蟹炸到好酥脆，夾埋紫菜同沙律醬食唔錯，一人一隻啱啱好。🍣新鮮醬油漬三文魚手握壽司(6件)($128)，本身問店員比碟豉油我哋，但佢話三文魚已經浸咗喺醬油幾個鐘好夠味，真係唔夠先再畀我哋；果然食落已經有味。龍蝦沾麵($168)，呢個麵幾有驚喜，因為個沾麵汁十足龍蝦湯咁濃，而且個麵真係有龍蝦肉😋。🍟松露薯條($78)，薯條係偏幼身、似麥當勞嗰種，松露味幾香，送酒一流。飲品方面，朋友要咗杯白酒，我就要咗杯🍎Apple of My Eye($148)。我杯Cocktail非常唔錯，因為有我最鍾意嘅肉桂蘋果，好香好易入口🤤。酒吧仲有得食Shisha($390)添，我哋問店員哥哥有無乜介紹，佢就問我哋有無食開、鍾意食咩味。我哋食開水果嘅，佢就話不如幫我哋調隻熱情果味。熱情果味幾出，正，整體比較濃😊。環境方面，呢到真係好正，室內同室外氣氛都好好。九點後酒吧仲會調暗啲

銅鑼灣這商業心臟地帶，食肆百花齊放，無論高檔或地道料理均薈萃其中，而當中的登龍街更是近年熱捧的食街之一，兩座簇新的銀座式商業大廈集合了不少特色餐廳，有好菜有靚景，吸引了不少吃貨慕名而至。其中一家座落於30/F的餐廳，居高臨下坐擁維港九龍靚景，菜式糅合了中西泰日的元素，創製出Fusion的特色菜，夜晚更搖身一變成為高級酒吧餐廳，提供特色雞尾酒和各式美食，另外亦備有多款獨特水煙可供選擇，在醉人氣氛和180度露台美景下淺酌嚐珍，別具吸引力。筆者前陣子就和朋友來到一試這店的午餐，店內裝潢時尚中見貴氣，一列對著廣闊維港景色的大玻璃透入了天然光，空間感強之餘亦感覺悠閒自在。這店的午餐可點一set 6道菜，又或按Menu散叫。Set lunch以日式外賣便當的形式呈現，吃完一層再一層，賣相精緻特色。第一層分別為北海道帶子夾海膽和意式紅蝦薄片。北海道帶子夾海膽，帶子鮮甜Q彈，夾上甘香的海膽，充滿著濃厚的海洋氣息。意式紅蝦薄片，紅蝦裁成薄片，鮮美彈牙帶點漿口，盡啖原鮮味，為之後的美饌打開序幕。第二層是新鮮醬油漬三文魚手握壽司，以醬油醃過的三文魚鹹鮮醇香，點點蛋黃醬和黑魚子帶出了當中的肥美，配上軟糯分明的

登龍街有很多食肆，今日試了一間可以睇到超靚海景的“Zeng”，裝修西洋化之中帶點中式風格，好以窗前的雀籠裝飾，中西合璧，感覺幾特別，但我最喜歡的還是他們的空中露台，270˚維港海景盡入眼簾，美景當前，未飲已醉了幾分。二人各點了DELUXE 6 COURSE LUNCH SET $198，加了$38芝士餅及雪芭，人均消費$260，不算太貴。套餐包括北海道帶子夾海膽、和牛他他、新鮮醬油漬三文魚手握壽司、意式紅蝦薄片、慢者煮鹵水豬腩肉、日式鰻魚飯。食物很精緻，帶子和紅蝦都很鮮甜，海膽沒有腥味，但味道略淡，剛好一口大小，和牛他他，朋友話好有牛味，三文魚壽司，加上山葵醬油漬，造型更活潑，味道不錯，鹵水豬腩肉，看以很肥膩的樣子，食落一點都不肥，很好味！鰻魚飯醬汁甜甜哋，同樣好味。甜品方面，芝士餅芝味濃郁，雪芭味道清新，正！海景超靚，相信夜晚景色會更加美麗，下次再來會選擇夜晚，順便試試賣相靚靚的雞尾酒。

今日帶阿媽黎呢間30/F高空嘅餐廳食午餐。環境非常高雅，有室內有室外位置，仲有個搖籃個以打卡，景色由九龍到山頂都見到，非常高質。呢啲午市都算抵食，$198有6個course，$138有3個course，不過就未包甜品同飲品。我地叫左各一。6-course包左五個餸加鰻魚飯。紅噹噹嘅禮盒出現，有六格，好精緻咁。北海道帶子夾海膽，肥厚嘅帶子。但入面嘅海膽有少許腥。和牛他他，酸酸地，好厚肉又有咬口，因為係生食，唔會腥，配上蛋漿非常可口。新鮮醬油漬三文魚手握壽司，因為係處理過嘅三文魚，個質感係有啲布丁黏黏地嘅feel。意式紅蝦薄片，生蝦一半，調味係酸酸地嘅。慢煮滷水豬腩肉，好厚好正，好似東坡肉，就算有啲肥，但一啲都唔油膩。日式鰻魚飯，上面細細條鰻魚，已經足以令呢個迷你丼好美味。3-course我地揀左以下。巴馬火腿沙律，有啲芝士粉，仲混有柚子醋。紅蝦天婦羅，炸皮有啲厚，蝦肉不太彈牙，比較似平時食嘅魚生飯上面嘅熟蝦。三文魚炒飯，有少少松露香，幾香幾美味，不太油。另外做緊優惠有$20兩隻生蠔。宜家冬天已經係生蠔當造季節，當然試番兩隻，果然厚肉鮮甜。

年尾到聖誕加近新年，總會想去酒吧食野飲酒chill下，今次呢間集齊靚景美酒佳餚同水煙應有盡有，同三五知己去就岩曬喇～😎飲酒當然要食多d野打底，我地叫左壽司、烏冬同薯條，樣樣精品。對住個靚景你都咪話唔正🌃🥰新鮮醬油漬三文魚手握壽司$128三文魚用兩小時醬油醃過，所以唔做再點醬，而且咸度鮮味都好夾好適中，食完呢味其實都平飽🤔松露薯條$68夠脆口，松露亦都落得夠多，點埋個濃郁香滑既松露沙律醬，絕！意式明太子烏冬$128好creamy,比起意粉咁更滑，鋪左唔少新鮮明太子係面，用個醬汁用黎點薯條都正🤤Vampire Bubbles $138甜甜地易入口，用兩種新鮮莓果汁，包括cranberry juice🥤 乾冰製造既煙霧瀰漫既效果又好岩打卡。水煙我地交左俾staff幫我地配，我地中意清新d既，所以推薦左Kiwi加mint既口味。p.s. staff全部都好好傾，會細心介紹同主動幫影合照

之前喺社交平台睇到廣告見到「Zeng」又有好嘢食，又有夜景睇。今日一早收工就去咗「Zeng」。7點鐘就到咗餐廳，仲未算人多，餐廳環境好寬敞舒適，加埋外面嘅無敵大維港夜景，真係好正。和牛卷海膽：一塊靚攪嘅和牛，卷住鮮甜嘅海膽，和牛卷上有海鹽、辣根醬、魚子醬同金簿、微微帶出和牛卷嘅鮮味，又喎會搶過和牛同海膽嘅味道。新鮮醬油漬三文魚手握壽司：三文魚用醬油淹漬咗，壽司唔使再點豉油都好夠味。三文魚厚切，壽司放入口啖啖肉。三文魚面放有淹漬蒜粒、辣根醬同魚子醬，同三文魚好夾，帶出咗三文魚嘅鮮味。和牛他他：賣相吸睛，光憑賣相已經攞咗好高嘅分數。望落去好似好raw，入口卻非常好食。他他和牛好有口感，將蛋黃撈埋和牛，味道一流。Peach Hawaii：一杯好好味嘅水果mocktail。「Zeng」雖然有好多酒水選擇，但有開車，唔方便飲酒精類飲品。依杯無酒精成份嘅Peach Hawaii作為餐飲係非常好嘅決定。Fruit Punch Shisha：「Zeng」另一個特別之處就係有提供Shisha。Fruit Punch Shisha顧名思義係Fruit Punch底、再配上唔同嘅果汁、所以強度唔會太高，入喉

喺銅鑼灣V-Point新開嘅bar & restaurant - 《ZENG》。身處於高樓層，露台一望出去就係一望無際嘅維港景色。環境舒適、放鬆，非常適合同親朋好友嚟chill一chill，喘息一下。《ZENG》嘅菜式好創新，揉合中西式烹調技巧，使用高檔次材料，而且賣相仲好吸引添。首先， <SHIIIIISHAAAAAA>!Fruit punch ($420)呢個係佢哋嘅special mix，用上Cali peach/twisted, lychee blueberry and arctic lemon。味道帶生果味、甜甜地，無煙灰嘅味道。食落好smooth。<SMALL BITE>Truffle Fries 松露薯條 ($78)送shisha／酒就最啱喇。配松露沙律醬。<DRINKS>第二日要返工，飲酒就不了🤣 Mocktail都唔錯👍Blueberry Smoothie ($88); Blackberry Smoothie ($88)Peach Hawaii ($98)<FOODDSSSSSS>呢到有非常多種類嘅菜式，