岳川串揚

營業中

休息中

餐廳：岳川串揚地點：銅鑼灣摩理臣山道菜式：日式居酒屋餐牌：平日午市有午市套餐，一共有19款主食揀，價錢都算經濟。招牌足料沙白湯烏冬 $102 呢款足料沙白湯烏冬足有連殼沙白10隻，肉質嫩滑，算鮮美。其他配料有日式魚蛋片兩片，爽口啖啖肉鮮冬菇兩大隻同昆布，加上蔥花。烏冬非常滑溜又有口感，個湯好清，呢道菜好健康又美味。日式咖哩雞扒飯 $75 雞扒一客五件，煎得皮脆肉嫰，好香口呀，面頭加上紫菜絲，好好味，算好出色。下底墊有唔少珍珠米，好有咬口，撈辣辣地咖哩汁真係好味道，咖哩汁仲有薯仔，紅蘿蔔粒同洋蔥。跟餐包汽水4選1同熱玄米茶。今餐兩個餐食物質素都幾好。平日午市滿座，可能要等位。希望下次可以試試晚市串燒。