大勝軒丸一 (金星閣) (已結業)

成日覺得太古城中心嘢食嘅選擇唔係好多，前幾日喺OpenRice見到原來太古城附近有呢一間沾麵店，同太古城中心距離好近，所以就嚟咗試吓。餐牌嘅選擇都算多，沾麵同拉麵都有得食，但佢哋主打沾麵，所以我叫咗個辛野菜沾麵。麵條嘅份量有得揀，我揀咗普通但係份量依然好多，女仔未必食得晒。唔知大家知唔知正宗嘅沾麵嘅麵條通常都係凍上嘅，呢間就有得俾我哋選擇凍上定熱上沾麵嘅麵條多數都係粗麵，呢間都唔例外，可以吸到更加多湯汁之餘，口感亦都會更加緊實彈牙。呢個辛野菜沾麵係湯底上亦都令我幾驚喜。大部份我食過辣嘅日本拉麵湯底其實都唔算好辣，但呢一個絕對滿足到我對食辣嘅期望。湯頭唔算特別濃厚，所以麵條可以全部放入去都得，辣味好出眾。湯頭入邊亦都好多野菜，拉麵入邊我最鍾意食嘅配菜筍都有好多日式炸雞$30有五大舊，全部都係皮薄肉嫩，值得一叫。呢間絕對係水準以上嘅沾麵店，價錢公道，以後去太古唔怕冇嘢食啦。

疫症之下外出食飯，要做足措施，小心為上，最重要既係搵間環境整潔舒適既餐廳。俾哩個拉麵吸引左，決定一試。整體來講，出品嘅拉麵都好唔錯，店內裝修好有日本特色，環境舒適企理，店員親切有禮，值得一試。沙白蜆拉麵實物與圖片一致湯底係清湯，配上沙白蜆嘅感覺係好清新，一D都唔怕腥。沙白蜆都幾大粒同鮮甜，鋪滿面，店員仲好貼心咁拎多個碟仔俾我裝D殼。我最開心係上面有好多蔥，我最鐘意食拉面上嘅蔥XD 第一次食到哩個口味嘅拉麵，係唔錯嘅新嘗試~~特製沾麵朋友分咗少少俾我試下，湯底好濃好好味都幾多餸，放滿滿，日式叉燒都唔錯湯入面仲有好多配菜，筍、蔥、菜等等日式炸雞哩個真係正，性價比又高，推薦！熱辣辣上檯，真正外脆內軟，點沙律醬好好味！ 煎餃子--係豬肉餡嚟嘅

去到太古城，食左呢間日式拉麵店。首先門面好靚，好有日式既風格，呢段時間又咁岩唔洗排隊，非常快捷。店面環境好乾淨，背景音樂係播住一j pop music，令客人有置身日本既錯覺。服務方面，店員亦非常有禮貌，上菜非常快，下單後不到5分鐘便上菜。食物: 特制沾麵 $95，可自選麵份量，我叫了多麵，真係比好多，差少少食唔哂。肉既入量亦好多，性價比高。沾麵湯係有d似台式魯肉既味，唔錯。沙白蜆湯麵 $85，好鮮味既海鮮味湯底，沙白好大粒，同樣份量都好多。日式炸雞 $38，十分推薦。好香口。

最近成日入太古搵朋友食飯，因為太古城中心朋友已經食慣哂，就拉左我去食新開既哩餐廳本身我都幾中意食日本菜，所以陪佢試下哩間可以選擇個人口味亦主打沾麵，睇下有乜新意哩道係我個人點既味噌沾麵，凍同暖湯中我揀左熱食，同埋多葱，再加左隻蛋，望落都好食麵條偏粗，湯味幾濃幾足粗，有一件倒既日本叉燒伴食，不過湯我個人口味會想熱d，同埋有d特別湯有少少辣味，可能唔食辣既要小心揀，或者食前問一問不過味蛋真心煮得幾好食，流心蛋配味噌湯絕配但係因為食得太齋，我地嗌多左碟炸雞拌食炸雞推介，炸粉唔厚，而且岩岩炸起，配埋檸檬汁掉味熱食真心正總括而言，餐廳野食雖然冇話比到驚喜我，同埋偏細間等得有d耐，但品質都幾唔錯的