How To Live Well (K11購物藝術館)

營業中

休息中

🌻熊妹一早聽聞過《How To Live Well》呢間休閒Cafe，以前係‪觀塘工廈總店‬，同傢俬品牌聯成一齊開店，時代變遷，搬到而家喺‪銅鑼灣希慎廣場‬、尖沙咀K11同埋荃灣廣場做自己嘅獨立Cafe店，實行港九‪新界都有一間分店‬，三個區域都有，想食又唔洗話過海咁麻煩，絕對係屬於香港人的餐廳。📌今日同瑪姬皇后喺尖沙咀行街🛒，諗到K11有呢間久違了又未試過的《How To Live Well》Cafe，一於去試吓。📌《How To Live Well》K11分店位於2樓，環境好大，以木系🧱同埋黑白色的裝修為主，樓底好闊落，感覺好似入咗一間Studio入面。有好多張梳化枱，🛋，有靠場邊的四人枱，有靠窗邊望窗的二人自修室枱，中間有張好大的多人工作枱💻，真係過嚟休閒嘆杯咖啡又得，過嚟聚吓舊食吓飯又得，過嚟工作都得，🉐咗。📌餐牌入面大路Cafe美食通通有，意粉🍝、漢堡包🍔、咖喱飯🥘、封門柳🐮、西冷、Pizza🍕、小食🍢、沙律🥗都有齊。想輕食又得，想飽肚食又得，齋飲杯咖啡都得。Classic Pizza，$193瑪姬皇后話佢啲Pizza幾吸引想試下。要試一款Pizza，食classsic就最好

一家集結了咖啡美食、衣服、傢俐、工藝品的店。設店於尖沙咀ᴋ11 ᴀʀᴛ ᴍᴀʟʟ，採用簡約木系為主調。落地大玻璃設計採光度十足，整體感覺柔和舒適。全店座位均用上日系傢俬。餐牌方面，有肉扒，如慢煮厚切豚肉。亦有意粉、意大利飯。想來點輕食亦可選和牛漢堡、ᴇɢɢ ʙᴇɴᴇᴅɪᴄᴛ sᴏᴜʀᴅᴏᴜɢʜ，還有供應薄餅，有傳統ᴍᴀʀɢʜᴇʀɪᴛᴀ ᴘɪᴢᴢᴀ、也有微酸帶辛的泰式肉碎薄餅、還有邪惡之最4重芝士薄餅等，當然還有不小種類的前菜小吃。
∗ 日式甜泡菜炸雞配日式芥末醬 $88 吃起來外皮相當酥脆，肉質相對軟嫩。醬汁的部分甜辣適中，開胃又解膩。日式芥末醬有畫龍點睛的效果。∗ 煎北海道帶子 伏特加蕃茄奶油長通粉 $178伏特加番茄奶油酸度相當濃郁夠味，略帶刺激的酒精感，充分包裹住長通粉。再搭配鮮甜大粒的北海道帶子，美味！
∗ 海鮮披薩 $88一整個一出爐香噴噴超吸引。茄汁醬鋪底，擺滿三文魚、墨魚、蝦滑、蟹肉棒、蘑菇、洋蔥及起司。餅皮ǫ彈、外圈薄身略為焦脆，不會一口粉∗ 玄米茶ʟᴀᴛᴛᴇ $48∗ ʙᴏᴏᴢʏ $58

第一次嚟餐廳好難搵，原來係近The Natural位置裏面，有啲隱蔽🤣，今次預先同朋友訂咗位嚟到K11呢間好木系嘅餐廳，估唔到都好多人客人等位入坐，好彩預先book定唔係有排等😂。明太子忌廉汁煙肉意粉鍾意食明太子嘅我一定必點，明太子同忌廉嘅份量都多，食落好creamy帶有少少辣，意粉好掛汁啖啖都食到明太子忌廉，意粉口感煙韌唔會太硬，略嫌明太子唔太出味，不過整體都好好食，值得一試。南瓜素芝士意大利飯南瓜味好出，意大利飯相對食落有啲硬身，如果個飯多返少少鹹味就好啲。日式甜泡菜炸雞配日式芥末醬炸雞好推薦要試試佢，嚟到熱辣辣，一入口外皮炸到好酥脆，外脆內軟，連埋芥末醬一齊食好正，泡菜唔會太辣，食落帶點甜味幾好食。Old Rubbish 飲品叫咗一杯old rubbish，裏面有益力多、西柚汁、橙汁同切好嘅西柚果肉，飲落酸酸甜甜幾好味，而飲到尾段帶點西柚嘅苦味。Peach Fruit Tea呢杯熱茶好香水蜜桃味，飲落好有果香，食完油膩嘢，飲返一杯水蜜桃茶，好似幫你消除油膩感覺。

終於開返晚市堂食，當然要去食下好野😍收工就即刻去尖沙咀食個飯先。餐廳整個環境都係日式木系🪵設計，空間感非常大，佢仲設有唔同嘅座位，無論你想獨處定係一班朋友聚會都非常適合，令人覺得好舒服☺️炸薯角配黑松露醬 $78好鍾意呢度係用薯角唔係薯條，薯角炸得好香脆，係即叫即炸的👍🏻加埋香噴噴嘅黑松露醬真係一絕日式甜泡菜炸雞配日式芥末醬 $88🐔雞肉唔會鞋口，泡菜味道本身帶甜同少許辣，配上炸雞味道出奇地夾，再加上芥末醬，味道更加提升。慢煮厚切日本四元豚肉🐖 $248慢煮令到豚肉保持滑嫩，切開仲有肉汁，淡淡的肉桂香配上蘋果蓉，可以一解豬肉嘅油膩感覺。香烤澳洲羊肩肉 $188羊肩唔羶，熟成度啱啱好，伴碟仲配有香草煙肉薯粒和鮮蘆筍，令到整個菜更fresh。Classic Pizza🍕 $158Pizza非常大個，係脆邊厚底批，啱啱焗起芝士仲可以拉絲，配料包括蔥油腸、煙肉、白菌、洋蔥，配埋個蕃茄醬，非常嘢未，食唔停口。整體來講，環境開闊，座位舒適，食物質素中上，非常適合三五知己去聚餐👫🏻👭🏽👨🏻‍🤝‍👨🏽