影片
開飯介紹
生活概念店當中的餐廳，供應咖啡及多款西日Fusion美食，旨在創造一個讓人擺脫日常工作，放鬆身心的空間。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關獎賞計劃
相關文章
如果朋友唔係帶我嚟，我都唔知呢間係K11 Art Mall嘅傢俬店，裏面竟然有間咁高質嘅西日fusion菜呀🤩！🐟青蔥芝麻拖羅蝦片 $108脆卜卜蝦片上面加入拖羅蓉，撒上芝麻粒同青蔥，入口充滿拖羅嘅鮮味同麻油嘅香氣！超級過癮呀！🥩牛腹肉配精選時菜 $188牛腹肉煎至五成熟，外面有輕微焦香，入口肉質軟嫩帶有嚼勁。淋上肉汁一齊食，味道更加豐富。旁邊配菜有車厘茄、西蘭花同豆角，中和返食肉嘅膩感。🍝黑松露野菌波菜扁意粉 $128扁意粉充滿濃郁嘅野菌味，仲有好多大啡菇同菠菜，入口就滿載黑松露味，炒得好香口！而意粉煮得軟硬度適中，食落有嚼勁，推介！🧀自家製焦糖芝士蛋糕 $58芝士蛋糕上面有層用火槍燒過嘅焦糖脆皮，芝士蛋糕質感超級軟滑，搭配焦糖脆皮，令蛋糕提升咗一個層次！🍵Wonderland $58上層係濃郁而唔苦澀嘅抹茶奶泡，底下係清新嘅椰青水，再加埋少少椰絲，口感好平衡！☕️Floating Fantasy $62咖啡同菠蘿汁嘅混合，再加埋Calpis氣泡水同忌廉泡沫，味道超有層次！📍 How To Live Well尖沙咀河內道18號K11購物藝術館2樓201-01號舖
繼續閱讀
約朋友喺尖沙咀敘舊食飯，朋友介紹咗呢間係K11嘅木系傢俬店X餐廳concept store，環境好舒服，仲有好多款創意 Cocktail同咖啡，無論飲唔飲酒都好正🍤✨ 青蔥芝麻拖羅蝦片 $108驚喜度爆燈！蝦片脆口，上面鋪滿咗拖羅蓉同香脆芝麻，仲有青蔥提鮮，鮮味同脆感雙重夾擊，送酒一流！🥩🌿 牛腹肉200克•精選時菜 $188牛腹肉煎得啱啱好，外層微焦，內裡粉嫩多汁，肉質軟淋得嚟帶少少嚼勁，配埋新鮮時菜同秘製醬汁，食落完全唔膩，牛魔王必點！ 🍝🖤 黑松露野薗波菜扁意粉 $128黑松露香氣撲鼻，每條扁意粉都掛滿creamy醬汁！野薗同波菜增加口感，素食者都大滿足～味道濃郁但唔會過膩🍮🍨 焦糖芝士布甸配雪糕 $88布甸芝士味濃郁，襯埋雲呢拿雪糕，口感真係無得輸～🍹 Wonderland $58 ☕️Golden Heart Tea Latte $68Wonderland係椰子水做base，飲落好清新Golden Heart茶味醇厚，加埋燕麥奶同肉桂條，好啱冬天飲！兩杯都係打卡able之選～
繼續閱讀
尖沙咀How To Live Well, 係其中一間我幾鍾意嘅cafe. 餐廳以木色為主，簡約得來好有型格，我幾鍾意呢類型嘅餐廳。好有文青感覺。座位闊落舒服。嗰日我同朋友平日去食晚餐，好多食客，生意好好。頭盤叫咗煙三文魚薄切。配上香橙忌廉汁，好開胃清新。扒日本豚肉。豚肉扒好厚身，但係咬落去肉質係好爽同腍身，旁邊有肉桂蘋果醬，蘋果粒帶點甜味，好開胃。黑松露野菌波菜扁意粉。意粉軟硬度同味道都剛剛好。好多野菌。好足料。焦糖芝士布甸配雪糕。佢嘅雲呢拿雪糕好好味，有雲呢拿籽。布甸甜味適中，味道香濃。好鍾意佢哋新推出嘅兩款飲品，顏色好靚好吸引！所以我哋都叫咗呢兩杯。Strawberry & Peach Oolong, 桃味烏龍茶味道清清地，唔會好甜。烏龍茶上面有一層奶蓋，好幼滑。Ice Cream Lychee Soda, 荔枝糖漿加入梳打，味道調較得剛剛好。雲呢拿雪糕好好食。飲品好淸新，好啱夏天飲。整體來講呢食物、飲品同環境都好好，下次都會再去。
繼續閱讀
📍朋友成日都好鍾意去呢一間日式木系餐廳😽 由外觀已經感受到文藝氣息❤️ 行過傢俬店，首先會見到coffee corner，再行多兩步就會見到餐廳😂 成功將簡約生活概念融入餐廳之中，自家製日式傢俬散落於餐廳不同位置，成個環境寬闊舒適，空間好大👏🏼🌀煙三文魚薄切脆香橙忌廉汁煙三文魚帶點微煙燻風味，三文魚鹹香幼滑口感配搭酸酸甜甜香橙汁，是相當適合做開胃菜👍🏼 香橙忌廉汁食落有d似蜜糖橙香🍊🌀 日本豚肉扒 配肉桂蘋果醬. 烤南瓜豚肉火候控制啱啱好，切開豬肉中間帶點嫩粉色，肉質軟淋唔乾好Juicy 配搭蜜糖醃漬蘋果粒食，肥膩感減半。如果烤南瓜可以多2塊就好啦，超甜超香🫶🏼🌀 黑松露野菌菠菜扁意粉雖然係全素🙉 但我同朋友都勁鍾意食呢個意粉! 扁意粉有口感，拌入大量大啡菇及菠菜，個醬汁菇菌味超濃郁～🌀 焦糖芝士布甸配雪糕presentation都幾靚🤩 呢款布甸口感比較實在，濃烈芝士配埋帶有焦香的黑糖漿～🌀 Ice Cream Lychee Soda & Heart Tea Latte推出咗兩款同Shinri 插畫家聯乘飲品，兩款顏色都好搶眼! 我哋揀咗好似藍水晶既荔枝梳打。荔枝梳打微甜清新，放上帶有雲呢拿籽的雪糕，夾埋幾有層次～ Heart Tea Latte 以焦糖、蘋果、肉桂配上燕麥奶，combination幾新奇🙋🏻♀️
繼續閱讀
🚇尖沙咀 K11 Art Mall 入面呢間🪵木系慢活生活Cafe🥰「How To Live Well」真係好有特色🍴，一入到去就聞到陣陣木香🪵，佢哋提倡一種遠離繁囂嘅慢活生活主義☺️，佈置充滿禪意。入邊揉合咗傢俱店🛋️、咖啡店☕同埋餐廳🍽️，來呢度食野真係可以👍直教你「如何好好生活」的哲學。呢期🎊佢哋有 HOW X Shinri 聯乘🍹飲品：🍧雪糕荔枝梳打「嗞嗞」冒晒泡💦，睇見都透心涼，雲呢拿籽雪糕🥄放上去似浮島融化，荔枝糖漿唔假甜，飲完成個喉嚨涼浸浸❄️。🍑蜜桃草莓🍓烏龍頂層奶蓋綿過梳乎厘☁️，底層草莓果肉多到吸唔起🍓，蜜桃烏龍茶好香好清新，🤤飲完成個人都爽晒。 麻辣🌶️青花椒肉醬玉米片邪惡度爆燈💥，脆片掛滿四川麻辣風味肉醬，加上🧀芝士牛油果🥑同埋沙律醬，超級香脆🌽味道勁有層次。扒日本🇯🇵豚肉厚切過手指，外脆內軟好 juicy💦，配上肉桂蘋果醬甜中帶辛🍎，烤南瓜勁糯甜🎃，爽脆嘅法邊豆，👏真係幾高質。 黑松露🍄野菌波菜扁意粉一上枱就聞到🍝松露香，加上野菌嘅鮮味😋，同埋菠菜嘅香氣融入醬汁入面，🥬真係健康又美味。 焦糖🧀芝士布甸配雪糕賣相充滿日式復古風🏯，芝士布甸🍮味道濃郁到黏喉嚨，配上有🍨真雲呢拿籽喺入邊嘅雪糕，😍真係令人滿足！
繼續閱讀