餃餃餃子 (已結業)

無論煎 炸 蒸 烚都一樣得嘅餃子係豬先生最愛 簡單美味又飽肚我地今晚尼到來自日本嘅日式餃子專門店 「餃餃餃子」店舖環境寬敞 有bar枱卡位 裝潢帶出冷艷感 紅黑雙剎 配合柔和射燈 感覺係至「型」格調食物選擇方面頗多的 主打嘅餃子有成十幾款除左餃子之外 大胃嘅我地當然要叫番啲麵呀飯呀 仲叫左小食添先上大盛咖哩吉列豬扒丼配精選餃子咖哩屬於帶微辣嘅甜咖哩 入口偏甜帶甘 有薯仔及紅蘿蔔 係傳統嘅甘口咖哩汁夠多 夠豬小姐撈哂成碗飯吉列豬扒碎上夠大件 炸至漂亮金黃 食落皮脆肉嫩帶肉汁 幾高質喎精選餃子係椰菜豚肉餃子 餃皮被輕輕煎過 香口足餡 椰菜爽脆清甜另一款麵食係每日限定嘅日式牛筋沾烏冬 湯底一睇樣就覺得濃 橙紅色加一層油光面層 望落肥膩感都唔惹少 飲落又點呢？味道果然濃郁 夠哂重口味 係一種似層相識但又講唔出嘅味道(廢up哈哈) 少少辣配合偏肥牛肉 蒟蒻粒 豆腐 芽菜 蔥粒等等 成件事係好惹味豬先生已經直接將沾烏冬變湯烏冬 連丁點湯都唔放過 不過有扣分位 就係湯嘅溫度唔夠熱 絕對係美中不足係時候講番主角餃子啦餃子4種盛合包括係puri puri海老餃子 mochi mochi蘑菇餃子 日本京都

屋企附近開左依間餃子店已經好一排了，但一直都無機會試，今次一試真係覺得相逢恨晚！依間餃子店係日本好多地方都有分店，所以店內裝潢都好有日本風架店如其名，餃餃餃子賣既七成以上都係餃子，還有少量烏冬及飯類食品，先睇餐牌👇我就點左Chao Chao 餃子優惠套餐，包括16粒鎮店名物Chao Chao 一口餃子、小食同埋Asahi 生啤一杯🍺日式餃子成排一齊煎，煎到起左一大整板咁既樣，其實夾開就係一粒粒架啦店舖聲稱每日人手包製，脆薄多餡，我食起上黎都認同仲有幾款醬油用黎點餃子👇另外，為左唔同令成餐飯都食餃子，我地叫左分店限定既日式牛筋沾烏冬黎食👇烏冬彈牙而個牛筋汁微辣，牛筋亦爽口味濃，但就數量少，印象中得四粒，味道就幾好既。食完以上兩味仍未夠喉，叫多兩款特色餃子試試分別係雞肉芝士餃子（煎）同埋日本京都九条蔥餃子👇雞肉芝士餃子有分煎同炸，我揀左煎，依款餃子我特別推介芝味濃，雞味夠，整體可口日本京都九条蔥餃子味道無咁出眾，味道尚可。其實我都想試埋佢地既拉麵同埋咖喱飯既，不過唯有等下次👀成餐飯250蚊有找，有酒飲，尚可接受既

平時的中式餃子已經滿足唔到我啦，加上本人屋企都包餃子食，所以難得對餃子店有興趣，呢間來自日本的過江龍餃子店，聽個名都知多餃子食，叫餃餃餃子。餐牌有多款煎餃，還有小食，而特色餃子最為吸引我。好似拉麵店的日式裝潢，原來食餃子的。紅卜卜的牆身和枱櫈，同朋友黎傾計食野最岩，仲有啤酒飲。食餃子當然唔少得醬油，呢度有幾款醬油，分別有餃子醬油、味噌醬油、辣油、辛子味噌。Chao Chao 一口餃子 $22/8隻，人氣第一的餃子，皮與餡料以2:8黃金比例，煎得餃皮脆卜卜又香，一口一隻剛剛好，肉餡濕潤加上餃皮脆中帶Q感，味道不錯，飲埋啤酒一流。一口餃子當然沾醬油食啦，餃子醬油微酸清減餃子膩感。而味噌醬油有少少辣，味道較咸較突出，加上辛子味噌更加惹味香辣。蟹肉海老特長豪華餃子捧 $38/1本，其中之一的特色餃子，有180mm長的餃子，好有氣勢，一個人食都要5-6口先食完，所以同朋友分享就岩哂。同樣煎得脆皮，內有蟹肉及蝦肉，嫩滑鮮甜啖啖肉，點沙律醬好滋味。Shake Shake餃子 （香港限定-粟米濃湯味）$38/5隻。有3個口味可選擇，分別是梅子鰹魚味/醬油牛油味/香港限定的粟米濃湯味。我地揀了香港限定，