牛石料理 (已結業)

有幸得朋友推介，可以有機會大享口福，佢推薦左一間日式燒肉比我，搵下間野估唔到係九龍城入面。冇幾耐就同chicken入黎食個飯，就係依間「牛石料理」。九龍城最出名就係泰國菜，但估唔到除左泰菜之外都有唔少值得推薦既餐廳。內在環境帶淡淡日本和風，水吧位擺放大量日本酒，餐廳以卡位為主，每個卡位都有一個鐵板，大家自助式燒肉～因為種類太多，搞到唔知嗌乜好，好想咩都試下但又頗貴，所以同chicken最後一齊嗌左二人套餐，包括有5款和牛，前菜、刺身、炒雜菜、天婦羅、飯同甜品，感覺相當豐富，一於決定嗌佢!呢間日式燒肉既鐵板係用左「麥飯石」呢個材料，可以有更多礦物質之餘仲可以令食物更有營養～食燒肉緊係唔少得個沾醬，左至右：枝豆醬，芝麻醬，燒汁三種選擇，味道從淡到濃。蟹籽沙律，蟹籽好新鮮，顆粒感強，同埋沙律一齊食夠fresh又開胃～刺身拼盤(3點4切)，隨機分配3點刺身，刺身色澤望落幾鮮艷，三文魚肥厚鮮甜、八爪魚煙韌多汁，整體唔錯。雜錦天婦羅，由瓜類到虎蝦，外脆內暖，虎蝦口感彈滑，熱辣辣最好食，感覺炸粉適中，唔會過多或過少。日式炒雜菜，炒得比較油所以要扣啲分，chicken試過用黎放落「麥飯石」到炒，有少少

一提起九龍城美食, 好自然會想起泰國菜, 但原來除了泰國菜, 現在開了好多不同種類的食店, 早前便在友人的介紹下去了牛石料理食飯. 來這裡, 當然要試下牛. 我地點了牛石精選盛盒. 一共有八款不同款式, 包括日本佐賀和牛, 澳洲霜降和牛, 澳洲霜降和牛牛舌, 美國頂級牛小排, 美國頂級牛仔骨, 鹿兒島咲雞, 熊本產白豚和熊本產豚腩. 店員並除上三款醬汁. 我地第一時間燒牛. 牛舌偏向厚身一點, 幾有彈性. 牛小排帶有少許咬口. 澳洲霜降和牛肉質幾腍身. 佐賀和牛脂肪分怖較多, 入口較澳洲霜降和牛鬆軟, 但不會感覺好油膩. 這幾款牛對於我來講較為淡口, 相對下, 我自己就鍾意點醬汁一齊食, 更能帶出牛的味道. 另外, 雞肉夠嫩滑, 雞味不錯, 這個有點喜出望外. 對於我來講, 熊本產豚腩較為肥. 我地也點了兩款串燒試下. 雞翼串. 燒得外層夠香脆, 初時見到以為好乾身, 但估不到內裡的雞肉保持嫩滑, 外脆內嫩, 燒得好味道. 雞腎串. 雞腎完全不覺得乾和硬, 入口時仍有少許爽身, 師傳控制時間和火喉技巧相當不錯. 最後, 還送上啫