牛極 (通菜街)

營業中

休息中

上個星期已經想試，襯今日放假去食～一入到門口已經覺得好香牛味，首先第一步要係部機買飛同俾錢先，之後有職員帶你去位。枱上面有兩個碗同一個杯，係for你出去個小型bar自行夾沙津，麵豉湯同白飯既，係免費架！！除此之外，仲有三個醬俾你點肉食，我自己覺得黑椒燒肉味果個醬幾好食。重頭戲當然係件牛排啦，我食果個係肉眼黎，份量揀最細果個已經好夠我食，塊牛都好林，因為廚房出塊牛時只有一成熟，客人可以按自己所需烹調，80蚊黎講我覺得都唔錯👍🏻👍🏻👍🏻

早兩個月碌Facebook見到有網媒推介呢間「牛極」，出名食性價比高嘅日本和牛，所以專程嚟過幾次，之不過每次和牛都售罄，失望而歸。不過今日就趁平日放假嚟碰一碰運氣，點知皇天不負有心人，和牛終於有貨，仲要唔洗排隊！咁開心，我嘅減肥計劃都要企埋一邊先得喇！用門口嘅點餐機點完想食嘅牛款/重量以及付款後就可以進內就坐。係和牛嚟之前，不妨夾D沙律食、飲下湯或者預備定調味醬汁，做足準備迎接和牛！等左5分鍾到，和牛終於降臨！店員以「火山石板」載住熱辣辣嘅和牛，切小塊再煎一煎就已經食得！和牛嘅油脂分布得好均勻，肉質鮮嫩，食到停唔到口！提提大家，如果煎到咁上下塊「火山石板」變得唔熱，可以叫店員幫你換過塊熱嘅再煎過！

最近熱石煎牛扒愈開愈多，今日終於有幸試下其中一間- 牛極除咗牛扒，沙律丶湯同飯都係任食同日本食拉麵一樣，入座前先揀好想食ga牛扒同份量👆🏻👆🏻👆🏻，揀好之後，番埋位坐一陣，牛扒就會為你送上👇🏻👇🏻👇🏻300g 牛肩肉眼300g 西冷300g 日本和牛300g 則係有幾大舊？？？300gram其實大概等於平時出面ga 10安士。而三款牛扒，出奇地，我個人覺得牛肩肉眼ga性價比係最高，肉質結實，口感亦都最好。日本和牛都唔錯，肉質柔嫰，而且食到油香，但價錢上比牛肩肉眼貴一陪，而西冷就最普通，肉質偏軟。另外，熱石煎最好ga就係你可以根據自己喜好去決定將佢塊牛扒煎成medium rare 丶medium丶medium well ,甚至well done都得，唔使擔心over cook ga問題。總括黎講，牛扒都係一分錢 一分貨，但最平ga牛肩肉眼扒，性價比絕對高，值得推介👍🏻👍🏻👍🏻