前家樂餐廳火鍋店 (已結業)

天氣開始凍，又係打邊爐的季節。大角咀打邊爐選擇甚多，豬骨煲、港式火鍋、日式涮涮鍋、雞煲應有盡有。有朋友竟然從來沒有食過雞煲，就讓他到前家樂試試。這晚是平日的八點多，店舖面積不算大，訂了枱但我們一行四人還是要等了約20分鐘。進入店內，不花巧的裝潢，但尚算企理乾淨。明顯這實而不華的風格真實地反映在價錢上， 比起那些裝修華麗的火鍋店，我更喜歡這實力派。朋友唔食得辣，所以叫了一個不辣的雞煲，麻度要了微麻。雞煲就食得多，唔辣倒是第一次。由於係即叫即整所以等了一會兒。過了約十多分鐘，終於來了，餓昏了的我們老實不客氣你夾一件我夾一件。店主採用了三黃雞，雞肉極之嫩滑，炒得很香很惹味，還加入了我至愛的洋蔥，大讚！洋蔥完全吸收了雞煲的精華！這個唔辣嘅雞煲完全是意料之外的驚喜！雞肉吃到差不多，店員幫我們加湯打邊爐。肥牛份量相對價錢都算係幾多，肥瘦度適中，吃落有咬口。日本蠔肥美大隻，不過上枱時未完全解凍，略嫌扣分。不過$78有成6-7隻，咁嘅價錢仲想點？芝士竹輪 $48店長自家創作，獅子狗卷外型但内裡注滿了芝士，建議等一會涼一點先食，因為芝士會爆出來，記得睇熱呀！蔬菜拼盤實屬超值之選！必叫！自問是邊爐迷，港九

等了又等，到了十二月中香港終於開始凍，今天市區只有十一度呢 淘寶雙十一時添置的冬天衫也正式啟用！臨近聖誕，朋友及家人聚會一浪接一浪，這夜就與舊同事一行四人在家附近打邊爐，店外寒風凜冽時吃著暖笠笠的火鍋實在倍感暢快！大角咀食肆確是不少，E小姐提議試「前家樂」，店名滿有趣的，就決定這間。Weekday八時也是全店滿座，幸好訂了位~雖然我想試烤魚鍋，但最後3票對1票，飲恨敗給了麻辣雞煲（一隻）！好吧~ 他們都是無肉不歡的食肉獸，我這海鮮怪今天就讓步！搞笑的是D小姐不嗜辣，所以我們竟叫了個不辣的雞煲...！雞煲吃過差不多十次，第一次試不辣，也不失為一個新嘗試~【麻辣雞煲(一隻) - 不辣 · 微麻 · 走芫荽 · 正常份量洋蔥】($228)因為這裡雞煲的雞是新鮮即炒的而不是事先炒好，所以會等久一點點，沒關係，正好讓我們有多點時間catch up呢。終於來喇，大家已很肚餓，立即密密食，雞鮮嫩而且炒得很香，也沒有油膩感，我覺得我們點的微麻對重口味的我來說真的不夠麻，下次來一定點小辣大麻！雞吃得差不多，叫店員呀姐加湯開始打邊爐啦。【鮮嫩手切肥牛肉（小）】（$158）手切肥牛比較厚身有咬感，又有濃厚肉

行過大角咀想食雞煲見個店名幾得意<錢家樂>，就入左去搵食呢間野就喺大角咀君匯港天橋落去隔離，好易搵我地好早黎到，所以未有客人不過到我地走，店內已坐滿客人黎到之後店員再清潔張枱，確保乾淨先比我地坐開左爐之後又會問我地洗唔洗開大d個冷氣服務都好貼心個menu都幾多選擇，海鮮嗰d都有我好怕食好辣既雞煲佢呢度有得揀BB辣/微辣/少辣/中辣/大辣所以我揀左BB辣辣度啱啱好，食得辣既可以揀辣少少麻辣雞煲(半隻) $138一打開蓋已經好香麻辣味食落好開胃，入面好多蔥，莞茜等香料，好惹味，仲越食越麻辣煲內雞肉選用三黃雞有好多肉，件件都好厚唔會好肥而且肉質好嫩滑食完雞，店員幫我地加湯底等佢滾左之後就開始打邊爐以為落左湯底就開始冇味啦點知繼續食都係咁滋味鮮嫩手切肥牛肉$158片片都好大塊，食完好滿足好新鮮，牛肉味濃郁，好好食黑豚腩片$58呢個就不過不失因為牛肉實在好味所以焦點放哂落牛度松葉蟹棒$30好新鮮，蟹棒煮完唔會變左滑散散唔係平價貨日本蠔$78新鮮，有海水既鮮味一品花膠$58花膠好大片，咬落好彈牙不過同麻辣不相配試下自家制作雙併滑(蝦，墨魚)$88呢個推介，好好食蝦滑食到有蝦既味道而

星期一跟朋友預祝中秋節，約定了今天一齊食雞煲慶祝一下又可以聊聊天增進感情。店既環境都幾整齊，但有一點不太好既就係張枱有一點細，放完爐之後就放得幾碟食物。麻辣雞煲($138)我地叫左少少麻辣，雞肉十分鮮嫩而且入味，食落去加上麻辣既味道十分惹味。雞煲食過唔少但可以煮到肉質鮮嫩的不算多。烤海鯇魚鍋($178)食雞煲又可以食到烤魚既地方真係唔多，估唔到同一間餐廳就可以滿足到兩個願望。 呢個魚鍋先烤左一面再放係鍋到煮，聽老闆講個湯底由下午就開始煲左幾個鐘完全無加味精，我地試完都覺得幾濃味。魚肉肉質鮮美加埋配菜一齊食相得益彰。食完雞同魚煲當然未夠喉啦，食雞煲一定會叫埋其他食物打埋邊爐，呢到既食物都唔錯，有幾樣值得推介一下。芝士竹輪($48)獅子狗中間夾有芝士，煮熟後芝士有流心效果，跟芝士丸不同既係芝士分佈得更平均，食落去芝士同獅子狗更加溶合。大海蜆($68)蜆十分大，而且無食到有沙，肉質都十分新鮮，$68蚊一大碟算係幾抵食。鮮蝦滑同埋鮮墨魚滑($58)兩款滑都好足料，食落去啖啖都係肉，而且十分有嚼勁，好重蝦同埋墨魚既味。日本蠔($78)蠔有大約十隻，每隻SIZE都好大下，性價比都十分高，煮完之後蠔

以前搵食多集中晌旺角、尖沙咀、銅鑼灣依幾個搵食大區，隨著租金上升，唔少傳統旺區都好貴租，從而有唔少食肆進註一啲二線區域，漸漸變成搵食集中地，就好似天后、大坑、九龍城、大角咀……等等，之前，到過九龍城食人氣嘅韓烤，這晚就造訪大角咀，食嘅喺依然大熱嘅雞煲，再加美味嘅烤魚鍋，雙料滋味，做得不落俗套嘅「前家樂」 ，一個既玩食字，又有心思嘅店名。其實熟路嘅話，由奧運站行落大角咀都喺10分鐘步程之內，挺方便，唔怪之得越嚟越多食店加入依邊戰區。啱啱，又遇著店方嘅「周年誌慶」，免收加一 ，大可讓客人慳番一少筆 ！環境格局唔算有咩特別好講，裝修簡簡單單，似西餐廳多啲，但勝在環境光猛，地方企理。牆上貼有雞煲、烤魚嘅大相，突出番店家嘅主打主題 。雖然話主要賣雞煲、烤魚，都唔喺獨沽兩味，醉雞煲、麻辣雞煲、香辣雞蟹煲外，仲有多款火鍋湯底，如四川麻辣、芫茜皮蛋；此外，烤魚鍋可揀桂花或海鯇，湯底更有蕃茄薯仔、雲南酸菜、四川麻辣或香辣蝦膏可揀，實在多元化。揀好雞煲及魚鍋款式，自然焦點就落在配料紙身上，一大張A4紙，印備晒所有打鞭爐配料，究竟包括啲咩，你睇就好過我講喇。 麻辣雞煲 $138（半隻）/ $228