桔梗 (已結業)

原來昨日係教主生日，成間桔梗變咗教主主題餐廳🤣🤣🤣誤打誤撞入咗嚟神徒集中地🤣仲有小禮物送，神徒們嘅力量果然好強大💪🏻💪🏻💪🏻入面樓底都幾高，枱同枱之間嘅距離都幾足夠，好有空間感👍🏻好舒服燻鮭魚凱撒沙律👍🏻👍🏻👍🏻👍🏻鮭魚好香好夠味，仲有佢個沙律醬唔係就咁淋上面，係成個沙律都撈得好均勻。嚟到桔梗點可以唔叫佢個A4黑毛和牛三文治👍🏻👍🏻👍🏻👍🏻👍🏻睇落好似好生好紅，但食落一啲都無血味，而且一啲都唔韌，輕鬆咬得開，調味啱啱好。仲有個麵包炸到啱啱好，由內到外都脆卜卜，成件事又唔會油膩，好好食😋炸雞👍🏻👍🏻👍🏻👍🏻雖然比起和牛三文治有啲遜色，但一啲都唔失禮。雖然佢係脹卜卜外皮，但無偷工減料，入面係滿滿的雞肉，炸得啱啱好啲肉仲好滑添👍🏻明太子烏冬配吉列和牛👍🏻👍🏻👍🏻吉列和牛依然冇得輸，咁樣一個餐食完其實都夠飽。我係飲呢個草莓乳酪燕麥奶👍🏻👍🏻👍🏻第一啖飲落好似有啲酸，但攪勻之後好舒服好好味，直頭想encore🤣我諗應該係佢粉紅色嘅關係，所以同今次嘅誕生祭有聯動。一餐點都要有個甜品先至完美😘朱古力心太軟伴雪糕👍🏻👍🏻👍🏻即叫即整，上到嚟熱辣辣嘅心太軟配上凍冰冰嘅雪糕，係雙重滿足😍

好出名嘅良心餐廳，經常都爆滿，都係咁啱因為有預約嘅人no show ，所以先有位，第一次嚟支持吓。第一樣叫嘅係最出名嘅 日本A4黑毛和牛三文治，全份HKD 148，有4件，亦都可以叫半份，2件 HKD 78。 麵包比想像中出色，脆而不硬，和牛就正常level。雞泡魚乾，用嚟傾偈閑聊做小食一流，點沙律醬再上一個層次。台灣牛肉麵，有兩碟小食，之後牛肉麵有兩舊牛肉同埋兩舊牛展，半隻糖心蛋，都唔錯。炸甜薯條，隔籬嗰個係酸梅沙律醬，同雞泡魚乾嘅沙律醬唔一樣，偏酸。佢應該係番薯條嚟，大大條熱辣辣好出色，就算唔點醬都好好食，推薦。仲叫咗杯咖啡，外貌同味道都一流，打卡之選。

對上一次食桔梗已經係兩年前，餐廳裝潢仍然一樣，但餐牌既菜式截然不同，主要係日本菜式包括壽喜燒、和牛三文治等等。餐廳用QR Code落單，非常方便。- 日本A4黑毛和牛三文治三文治烘得香脆，入面既吉列和牛幾厚身，肉質比較結實。旁邊有沙律菜解膩。- 照燒豬頸肉份量好大，賣相似大阪燒🤣，豬頸肉幾香口，加上沙律醬更惹味。- 台式燉牛肉醬意粉配溫泉蛋篤穿温泉蛋嗰下非常治癒😚，意粉軟硬程度適中，牛肉醬帶微辣，入面有大量肉碎，不過口感有啲硬。整體而言，環境依然寬敞，食物唔錯，希望下次光顧可以坐耐啲，順便試埋咖啡🥰

終於試到呢間人氣cafe!! 桔梗💛旺角地鐵站行一陣就到 好大好易搵～入去坐低慢慢睇下menu 午市都有唔少選擇 好多日本A4和牛🤭 自助落單 方便又可以慢慢諗食乜🙈好快就落好單啦～ 加倍情濃 (cappuccino) $38短笛 (piccolo) $36先黎2杯野飲 正常發揮😌 特別一提係個拉花好靚呀 唔捨得飲走隻兔兔🐰 日本A4黑毛和牛三文治(半份) $78麵包烘得香脆 和牛外面係吉列炸 炸完好香脆 但熟度又岩岩好 唔會話炸到個牛老哂 叫半份試試不錯～ 照燒豬頸肉炒烏冬 $88上枱果陣啲木魚仲識跳架🤣 先講豬頸肉 煮得岩岩好 最怕豬肉好靭咬唔開 烏冬好味彈牙 仲有少少雜菜同蛋 加埋佢既醬汁 好好味😋 焙茶芝士蛋糕 $26係巴斯克芝士蛋糕呀😍 仲要係焙茶味 真係必試！焦香表面 好滑身芝士味濃 食落都唔會覺得膩～ 重點係個焙茶奶醬 真係好好味😋 焦糖牛角酥窩夫配雪糕 $78呢個用牛角酥整成嘅窩夫好好食🤤🤤🤤 有啲清新既蘋果粒粒中和返焦糖嘅甜 推👍🏻 整體來講 桔梗💛 環境舒適 食物質素唔錯 我同朋友都坐左成個下午 舒舒服服慢活一下都係個唔錯既選擇😌