賞島咖啡屋

營業中

休息中

一直好想試位於太子嘅呢間Cafe，每次喺社交平台見到人哋po佢嘅意粉，都覺得好吸引，今日終於有機會試到。明太子櫻花蝦意粉（$128） 呢個意粉嘅賣相就已經非常吸引，見到就已經非常有食慾，意粉規律地捲放係中間，兩邊分別係明太子櫻花蝦醬汁以及紫菜，成個意粉好吸睛，好適合打卡。明太子同櫻花蝦嘅份量都非常多，配料十足，濃郁嘅明太子醬，意粉非常Creamy非常掛汁。PS：佢嘅另外兩個意粉我都見到好多人推介，而且我都好想試：海膽味噌蟹肉意大利麵、蒜油花椒蜆肉意大利麵，下次有機會一定要試吓。西京燒比目魚（$178）比目魚煎得恰到好處，外皮香脆，肉質非常柔軟嫩滑，肉汁仍然鎖住喺魚肉入面，啖啖肉完全冇骨，而且魚肉味好香濃。比目魚作為主角好出色，但估唔到作為配菜嘅大啡菇同樣咁出色，大啡菇肥厚多汁，咬落非常Juicy，調味剛剛好。黑松露薯條（$68）即叫即炸，上枱時非常熱辣辣同脆卜卜，粗薯條食落更有口感，同黑松露醬係絕配，薯條即使食到最後，都仍然香脆。Strawberry Matcha Latte （$45）呢杯飲品嘅賣相幾趣緻，好似一壺魔法藥水咁，未算太好飲，但個味道幾得意，士多啤梨嘅酸甜再混合咗抹茶嘅

餐廳位於太子，第一眼望落去有點復古feel、但係亦都有簡約既element，裝修有好多detail位，例如小擺設等等。裝修細節睇餐牌、選擇款式多、又有沙律、甜品同咖啡。我同朋友分別叫咗一份明太子櫻花蝦意粉、牛油果沙律同Ice Hazelnut Lattee。明太子櫻花蝦意粉擺設好有心機同好靚👍👍。將意粉捲起，在撈埋明太子醬同紫菜一齊食，令人胃口大開。四個字形容「回味無窮」。🤣🤣牛油果沙律，用嚟影相、打卡勁好睇。👍👍當然除咗賣相好睇之外、食物非常健康同可以當一份開胃菜。洋蔥粒碎，配上牛油果、面上仲有一片草莓🍓、細節位做好得，真係好有心思。👍👍Hazelut Lattee - 榛子味🌰、咖啡同牛奶味 三方面既味道非常平衡，唔會太甜。同埋值得一讚既係唔會話淨係飲到榛子或者牛奶味。👍🏻👍🏻😀餐廳個feel真係好啱同朋友嚟Hea同傾吓計。

呢日同媽咪辦完年貨，當然要去醫下肚hea下。見呢間cafe shop係附近，於是就入去試下。我地兩個每人叫左杯野飲同意粉，唔洗加一，共4百蚊有找，以食物質素、環境同份量黎講，都算合理。Hazehut coffee有好經典既心形拉花，嗅同飲都feel到有榛子味，叫左少甜，甜度岩岩好，咖啡有陣陣果香，同榛子味好夾。Long coffee呢杯比Hazehut latte果更加飲得出咖啡原本既果香，但唔會過於濃厚，唔識飲咖啡既我，覺得比Espresso易入口。海膽味噌蟹肉意粉砌到成碟畫咁，睇落材料好豐富，d紫菜帶到d日式fusion西式既感覺。個意粉醬真係有海膽味，配埋蟹肉蟹籽，海鮮既鮮甜味層次好突出，鐘意海膽既人應該會幾岩食。意粉清爽有質感。明太子櫻花蝦意粉又係一幅畫咁，可以打卡呃like。明太子份量充足，有櫻花蝦雜菌紫菜做配料，無講顏色同味道都十分豐盛。明太子配意粉真係無得輸，有口感得黎，又鮮甜。意粉都係一樣咁彈牙有質感。雖然野飲同野食選擇不多，但有好多都幾吸引。

估佢哋唔到份量咁多，羊架百幾蚊有三大嚿，同朋友食真係捧住個肚走味道好Juice，一啲都唔so.. 配菜個薯仔估佢唔到，有口感，有一粒粒薯仔，用真薯仔做 明太子櫻花蝦意粉食得出廚師好用心，櫻花蝦好香口，一定有事先處理過，份量就正常，唔係特別大份。櫻花蝦因為處理過，同明太子嘅海鮮味互相配合，鹹香味得宜莎莎粟米片一定好食嘅嘢 ， 不過洋蔥同牛油果醬都幾夾，我都欣賞有牛油果粒，食完好邪惡，三個人食都好飽。飲品就唔記得影啦⋯下次會再去，環境好舒服好簡約，白色主色，食嘢吹水最好不過⋯⋯