賞島咖啡屋

營業中

休息中

呢日同媽咪辦完年貨，當然要去醫下肚hea下。見呢間cafe shop係附近，於是就入去試下。我地兩個每人叫左杯野飲同意粉，唔洗加一，共4百蚊有找，以食物質素、環境同份量黎講，都算合理。Hazehut coffee有好經典既心形拉花，嗅同飲都feel到有榛子味，叫左少甜，甜度岩岩好，咖啡有陣陣果香，同榛子味好夾。Long coffee呢杯比Hazehut latte果更加飲得出咖啡原本既果香，但唔會過於濃厚，唔識飲咖啡既我，覺得比Espresso易入口。海膽味噌蟹肉意粉砌到成碟畫咁，睇落材料好豐富，d紫菜帶到d日式fusion西式既感覺。個意粉醬真係有海膽味，配埋蟹肉蟹籽，海鮮既鮮甜味層次好突出，鐘意海膽既人應該會幾岩食。意粉清爽有質感。明太子櫻花蝦意粉又係一幅畫咁，可以打卡呃like。明太子份量充足，有櫻花蝦雜菌紫菜做配料，無講顏色同味道都十分豐盛。明太子配意粉真係無得輸，有口感得黎，又鮮甜。意粉都係一樣咁彈牙有質感。雖然野飲同野食選擇不多，但有好多都幾吸引。