二世祖

營業中

休息中

˙˚ 𝐄𝐚𝐬𝐲 𝐉𝐨𝐞 ˚˙ 幾年前飲完二世祖杯朱古力一直都念念不忘(冇誇大🥹)～幾年後再回訪，試埋主食都好高質，店內的玩味插畫亦加咗唔少分，經過大角咀值得試試👍🏻 ࿐ 🍕墨汁芝士軟殼蟹燒煙三文魚海鮮薄餅 $𝟏𝟓𝟖💫 薄餅配上芝士、煙三文魚後咸香味重，面頭的軟殼蟹大隻又多肉，超滿足～批底係薄底，入口香脆，所以食完都唔會滯🥳 🍝明太子櫻花蝦配青瓜絲扁意粉 $𝟏𝟑𝟖💫 明太子味道濃郁，偏向𝗰𝗿𝗲𝗮𝗺𝘆，店員特別提醒要撈埋青瓜絲食，真係清新好多，面頭灑上的櫻花蝦亦令整體味道更香🆙 🍋檸檬牛油蜆 $𝟗𝟖💫 蜆肉鮮甜、厚肉，清香的檸檬加上淡淡酒味，食落感覺清新，做開胃菜都幾啱🍫凍二世祖特濃朱古力 $𝟒𝟖💫 必點的招牌朱古力🏆朱古力味濃郁，質地濃稠，苦味較突出，唔會死甜，飲晒成枝都唔會覺得好膩🤫 🌹山楂玫瑰梳打 $𝟒𝟐 山楂味道酸酸甜甜，入口清新，解膩一流！

大角咀美食好似大家都會介紹佢，出名在於佢地嘅特濃朱古力今次約咗兩個朋友聚下，就揀咗佢一早book咗枱，但因為佢有限用餐時間(入座起計)，就算入面有吉枱，都要等齊人先入雖然今次冇試到杯朱古力，但佢其他野食都幾好味，但價錢係偏貴~自家製芥末洋蔥醬炸雞窩夫講真唔太食到個芥末洋蔥醬，可能係因為我地加埋蜜糖一齊食不過幾樣加埋一齊食口感都幾好明太子櫻花蝦配青瓜絲扁意粉意粉好好食，個汁好濃厚，加埋面頭青瓜絲就可以平衡翻唔好太膩而且啲櫻花蝦都落咗好多，每啖意粉都掛到好多蝦係面🍝原隻軟殼蟹龍蝦汁蟹肉海鮮意大利飯個意大利飯個人覺得比較濕，本身鍾意食乾身少少嘅不得不讚嘅係個龍蝦汁好濃 啖啖飯都吸滿晒啲汁🦀總括黎講地方幾好坐，食物都ok 但佢有限時，就算外面冇客等緊都會趕離座如果係約朋友吹水就會比較趕💨

之前經過都好想試既Cafe《EASY JOE》人氣高所以太多人排隊，今次專登訂位同朋友食 🍽 門口位置有落地玻璃高台位，如果日間坐喺度有自然光影相一定超靚，環境走工業風路線牆上有塗鴉，有各種得意玩具做擺設 🤖🥗 蟹肉蜜桃中東米芝麻汁沙律沙律份量超大，日式芝麻汁配上蜜桃味道好夾，沙律菜上有蟹肉絲加入中東米令口感豐富🍕 薯蓉黑松露雜菇薄餅薄餅有好香濃黑松味，係鍾意嘅薄底款餅邊烤得香脆，配上薯蓉、雜菇加埋芝士，非常足料又大份，好好味🍝 明太子櫻花蝦配青瓜絲扁意粉明太子醬汁包住每條幼身扁意粉，每一啖口感都好Creamy，櫻花蝦帶點有咸香味，加入青瓜絲非常清爽，建議先一口意粉，之後再混倉青瓜絲一齊食，味覺二重奏 🍹蝶豆花蜜糖青檸梳打又靚又夢幻嘅蝶豆花，顏色賣相已經超吸引，蜜糖同青檸味啱啱好，炎炎夏日最啱飲，每一啖都透心涼 🍵 特濃宇治抹茶白朱古力奶玻璃樽賣相好有特色，尼支係Easy Joe首創自家人手每日製作飲品，以明治4.3鮮奶沖製而成，配埋日本宇治抹茶粉，倒出嚟已經感覺到好濃厚，抹茶味真好香濃又滑 😌 玻璃樽分量好多，抹茶控必定要試 💕 因為要保持飲品品質，所以尼支只限堂食，不設外賣 每一

黎過大角咀搵食一定會知道「二世祖」哩個名，初訪嘅時候已經被佢地嘅「濃朱奶」同「滑蛋鰻魚飯」征服🤤 今次再訪有新野，試到濃朱奶嘅抹茶版本🍵 好有驚喜😍 加上食物質素仍然好有水準，實屬難得🥴👍🏻《 明太子櫻花蝦配青瓜絲扁意粉 》 $138 5 / 5 🌟🌟🌟🌟🌟鮮綠同粉紅嘅配色相當colorful 😍食之前忍唔住要餵下相機先📸明太子忌廉汁煮得又香又濃，配合掛汁嘅扁意粉好滋味😝青瓜絲嘅清爽中和返濃汁嘅細膩，撈埋香脆嘅櫻花蝦🦐絕對係今餐嘅MVP⭐《 原隻軟殼蟹燒菠蘿漢堡配薯條 》 $168 4 / 5「畫包點睛」令到成個漢堡都活潑起嚟😆 原隻軟殼蟹夠晒酥脆多汁，加埋原片燒菠蘿好有夏威夷風味😋 而成個漢堡最精華嘅地方係佢地嘅秘製酸辣醬🤤 提鮮又惹味～《 二世祖招牌窩夫配雪糕 》 $108 4.5 / 5巨型窩夫🧇擺盤好有心機好美觀😳 窩夫唔係脆卜卜嘅類型，反而較煙韌同更有蛋香，軟熟嘅質地亦更吸收到旁邊嘅玄米茶雪糕、抹茶醬同士多啤梨乳酪醬🤤 而雪糕茶味突出，乳酪酸酸甜甜刺激味蕾😋👍🏻《 特濃宇治抹茶白朱古力奶 》 $48 4.5 / 5初頭一睇「白朱古力奶」就有啲卻步，好怕甜得滯會好漏🤨

預約左8點但仲未有枱 大概8點3左右先有人埋單 太肚餓咩都無理坐低即刻叫野食我地5個人 前後叫左 2個小食 3個主菜 3杯飲品有朋友介紹話佢既三級風暴薯條非常好食！當叫店員黎時 佢地話平日用開既薯條無哂喇 所以轉左另一款薯條 本身係薯角咁樣 而加變左直身薯條 但因為我地太肚餓 唔理佢咩形狀 都話咁照要啦另外想叫既特式炸雞翼 店員又話無哂雞翼 轉左雞鎚 呢個即刻無哂興趣 所以無叫喇取而代之叫左一個pizza 芝士辣肉腸薄餅 雖然係普通左啲 但佢係最好食最唔膩既一款 批底相當有水準 薄得黎唔會太乾 非常好食！然後朋友話原條鰻魚蛋包飯都好值得試 所以我地都點左 一黎到我朋友就話「嘩 細左呀個飯」佢話之前好大碟架 然後我地發現佢好少飯 但好多蛋 的確係好大條鰻魚既 明太子櫻花蝦配青瓜絲扁意粉好在有青瓜絲 唔係真係唔知會膩成點 係好味既但可能我地叫得太多 食食下就算撈左都唔夠青瓜絲去平衡番 食到最後 都係膩得制 要帶走片皮鴨醬鴨肉意大利飯呢個本身真係充滿期待 但 嘩 同片皮鴨醬一啲關係都無 最多係洋蔥燒汁 佢係好慷慨咁比好多好多汁 但當好咸既洋蔥燒汁加埋好忌廉既意大利飯 成件事真係好錯🤣真係食唔

位於大角咀的特色多國菜cafe幸好12點開舖就來到因為食食下發現越來越多人在門外排隊🙈原條鰻魚蛋包飯：嘩!! 好大條鰻魚，成塊鋪係蛋包飯上 ! 碟旁仲有木魚碎，燒鰻魚汁加上滑蛋，好好送飯而且份量幾大，可以兩個人share食明太子櫻花蝦配青瓜絲扁意粉：食前要先撈勻青瓜絲同意粉我諗可能係明太子醬較咸，青瓜可以平衡返個味道。意粉味道不錯，醬汁有啲杰同濃味，食食下會有點膩同樣份量都不少，食完兩個main好飽。🟩宇治抹茶白朱古力奶 🟫二世祖特濃朱古力 十分推介呢兩款飲品‼️用玻璃樽裝住，個樽比我手掌還要長haha抺茶白朱古力奶好creamy，抹茶味濃得嚟唔會苦亦有白朱古力的甜味中和返～都係幾出色的抺茶奶!特濃朱古力真係好特濃! 夠rich又唔會太甜午市無得訂座，而且限食90分鐘雖然lunch不設加一，但要俾現金，大家要準備好!

餐廳位置有少少偏僻, 但係熱鬧既中心地段行過去都唔算難去🚶🏻之前聽朋友介紹話好食, 上openrice睇完就比佢個特濃朱古力吸引左, 的起心肝要出黎試下🤡<特色炸雞翼(蜜糖芥末)>雞翼有幾個味可以揀::麻辣/避風塘/蜜糖芥末💁🏻‍♀️怕辣既我地叫左蜜糖芥末, 出乎意料芥末味重到攻鼻😹第一次唔想雞翼咁掛汁咁重口味, 但其實整體黎講係好食既~ 炸到少少香脆, 未脆到食完個口要爆炸既程度, 我個人覺得脆度岩岩好👌🏻<明太子櫻花蝦配青瓜絲扁意粉>This is good!!!🤤🤤明太子加忌廉已經好正, 加左櫻花蝦多左啲野咬下之餘仲香左👐🏻個意粉好creamy, 有青瓜絲解下膩感覺非常好(成世人第一次多謝青瓜🥒)有左青瓜我可以自己啪哂成兜意粉😎<墨汁芝士軟殼蟹燒煙三文魚海鮮薄餅>好鍾意食呢種薄餅, 過到薄餅口癮但又唔會飽到食唔落其他野😋墨汁芝士唔會太膩, 亦都唔係太濃味, 所以加埋煙三文魚食岩岩好👍🏻舊軟殼蟹肢解完放上薄餅到食, 如果唔跌哂落街既話我恭喜你🙆🏻‍♀️最後我一啖薄餅一啖軟殼蟹塞哂落口🥱軟殼蟹有膏, 好正!! 而且佢炸得好脆, 欣賞佢炸粉唔

網上見到大家話依間餐廳嘅朱古力好正，終於有機會一試！我同男朋友就無訂櫈，差啲無得入坐，建議大家晚餐想去可以預先打電話訂位，以免摸門釘啦！不過店員好nice，我哋係門口企咗一陣諗緊去邊好嘅時候，佢哋安排咗我哋坐bar櫈！主菜我哋點咗蘋果菠蘿醋汁豬肋骨配爆谷同明太籽櫻花蝦配青瓜絲扁意粉。飲品就當然要試下大家都讚嘅熱二世祖特濃朱古力啦！主食嘅配撘都好有意思！平時食西餐好容易覺得太膩，但豬肋骨同意粉食到最後都唔會覺得too much🤣🤣🤣朱古力真係好啱鐘意dark chocolate嘅大家！個晚我真係飲一啖就幸福笑一下！可能OT太多要啲好嘅飲品獎賞下自己😝最後我哋甜品叫咗朱古力心太軟配雪糕！好味！不過我覺得朱古力心太軟通常都好食😂整體來講，我都好滿意依個晚餐！店舖唔係太大，但好有空間感，坐得好舒服😌食物質素高，睇得出係有花心機去設計整個餐單！

作為朱古力控嘅我，一見到個72% 特濃朱古力即刻吸引咗我過黎。記住要book 位呀，我地食完出面仲好多人等位, 同埋呢到無得雪蛋糕架原條鰻魚蛋包飯 📍$158上枱已經覺得好靚，成條鰻魚好長好多汁，見到都想食呀 😍泰式軟殼蟹香烤菠蘿酸青瓜漢堡配薯條 📍$168原隻軟殼蟹 😱😱 好大隻 😍 基本上遮蓋哂成個包。其實仲介有烤菠蘿片，好清甜，再淋啲泰式甜酸醬，好開胃二世祖特色沙律 (巴馬火腿) 📍$98沙律份量好多，岩哂我地呢啲平時叫咁少菜嘅人手打牛肉芝士酸青瓜漢堡配薯條 📍$158個包係有烘過嘅，芝士都係半溶狀態，不過食落就無咩特別啦，仲有少少乾明太子櫻花蝦配青瓜絲扁意粉 📍$138醬汁好濃好稠，明太子分量都唔少。本身覺得有啲heavy, 不過原來個青瓜絲咁大幫助， 令到成碟嘢清新咗好多二世祖特濃朱古力 📍$42為咗佢黎架嘛，當然要即刻叫啦... 每日新鮮整個朱古力醬，再加鮮奶落去溝，啖啖都好有心機

大角咀近太子靜中帶旺的小社區，近年多年小少小店進註，喜歡小店的原因是有人情味，有個人特色，有風格。這間小店新開，店內裝修幾舒服，便決定一試。夏天太熱了，一坐低就忍不住叫左野飲先！檸檬茶沙冰比較少見，58蚊勁大杯！完全係可以一路傾計一唔飲都足夠，不太甜，岩晒喜歡少甜的我！另外，朋友叫左二世祖特濃凍朱古力，48蚊，十分濃郁！香滑！口感勁rich！勁足朱古力，又飲唔到粉一粒粒既感覺！明太子櫻花蝦配青瓜絲扁意粉，重芝士重櫻花蝦重明太子，重口味，但配上青瓜絲，令整個感覺中和番，清爽晒，有d似蟹子沙律既感覺，138蚊，十分推薦！辣肉腸芝士pizza，118蚊，見到相都見到d辣肉腸差唔多係密鋪平面，勁足料，配埋芝士，又係重口味三級旋風薯條，108蚊，配上3種重口味醬，包括藍芝士、蟹子同埋黑松醬，呢種薯條好少食到，好厚實，3種醬都好好食！個人黎講中意蟹子，因為未試過呢種配搭！二世祖特色雞翼，麻辣同蜜糖芥末，蜜糖芥末正常，但麻辣就好驚喜，朋友話有d老乾媽既味道，而家好辣，仲有d似譚仔麻辣湯既感覺整體黎講，呢間小店野食質料真係十足，屬重口味，最後飲番啖檸檬茶沙冰，可以掃走膩既感覺，又開始再食過。不過兩個人