円相

營業中

休息中

原來尖沙咀嘅韓國街附近有間高質居酒屋！採用木系裝修，餐具配襯好有心思，係令人舒服嘅用餐環境，好適合同朋友飯聚/淺酌！和風紫菜魷魚鬚 $88- 份量多，做佐酒小食一流- 魷魚鬚唔會韌，輕易咬得斷- 炸粉唔會太厚，食到紫菜味自選燒鳥串燒 (3款) $108- 揀咗雞肉、三角雞軟骨串、免治雞肉棒- 雞肉唔會柴，最欣賞免治雞肉棒，口感彈牙- 價錢方面三串嚟講有少少貴🤏🏿明太子玉子燒 $72- 微甜- 好軟綿綿，口感一流明太子蟹籽蝦冷烏冬 $118- 配料有3隻大蝦，蟹籽份量適中- 欣賞餐廳選擇用嚟入饌嘅烏冬，口感煙韌，絕對唔係嗰啲cheap cheap烏冬成口麵粉- 份量都幾飽肚白桃梳打 $48- 正常發揮，唔會太甜- 冇化學藥水味，而且唔會化學元素表咁嘅色，感覺比較天然值得一提呢間餐廳服務態度非常好，已經好少可喺香港地會遇到啲咁主動serve顧客嘅餐廳🥹職員見我哋就嚟食完會主動提供牙籤，仲主動refill配魷魚鬚嘅沙律醬添🫶🏿嚟呢度食飯絕對唔駛受氣～推！

發現原來尖沙咀漆咸圍道有間隱世嘅居酒屋小店，就決定試下去到漆咸圍好明顯見到一間特別有風格嘅餐廳， 入到去見到餐廳嘅擺設都覺得幾有心思， 佢哋有個食辣嘅挑戰都幾有趣。座位附近嘅牆都有啲特色擺設。餐廳仲有個吧枱位， 啱啱影完張相之後就坐滿曬人， 客人一路飲酒一路同侍應傾計都幾好， 我見侍應都好耐心講解介紹酒品。 可惜日有啲唔舒服所以冇飲酒，下次一定要約埋朋友嚟體驗下餐牌上面好多嘢都好吸引不過我哋得兩個人食唔到太多嘢。最後我哋叫咗：🌟 明太子玉子燒個明太子醬做得好好，蛋又整得好嫩滑，有口感！🌟 蒲燒鰻魚飯呢個飯嘅鰻魚真係好足料， 每一羹都可以不到鰻魚🌟提子梳打🌟自家製薑檸黑蜜🌟自家製黃豆粉蕨餅伴黑蜜呢個甜品好好味， 下次一定要再食！仲有啲串燒好似好正咁下次一定要試！

門外留有些少神秘感🫣點知一入到去已經係勁有氣氛😍店舖雖小但五臟俱全，眼前見到嘅係各種不同嘅酒品🍶如果我屋企有個角落係咁嘅真係開心死🫢環境氣氛令我覺得如果有一班人係度飲飲食食吹水，一定會不醉無歸🤭➷🪐 芥末八爪魚好喜歡佢滲出嚟嗰種芥末香，唔會係食壽司時好攻鼻嗰種😌每次見到有都會忍唔住嗌嚟食😆爽口之餘亦係開胃嘅選擇👍🏼佢嘅份量唔少，可以慢慢食🤪§🪐 和風紫菜魷魚鬚要佐酒，離不開各式各樣嘅炸物🍤揀咗個大人細路都鍾意食嘅魷魚鬚🦑新鮮即炸，香脆可口😋粉漿唔會做得太厚，內裏仲夾住紫菜香，多一番風味🤩§🪐 自選燒鳥串食串燒亦少不得呢嗰鳥類自選組合🐔嗌咗雞皮、三角雞胸軟骨、月見汁免治雞肉棒呢三款😍串燒燒至金黃色帶點微焦香😶‍🌫️調味上亦都恰到好處👍🏼特別鍾意食佢個雞胸軟骨，好有咬口🤤§🪐 明太子玉子燒面頭佈滿木魚碎同明太子醬，非常惹味😋切開內裡見到一層層滑嘟嘟嘅玉子🤩味道偏向咸身少少🤏🏼但如果飲咗酒食又會好啲，口味可以食得重啲！§🪐 日式鰻魚炒飯呢個炒飯真係完全夠晒味😍整碟炒飯，粒粒都有鰻魚嘅醬汁黏住，基本上每一口都食到鰻魚香👍🏼而且仲有好多鰻魚肉伴隨住，認真吸引😋➷有過百款酒品俾你揀😍手工啤、sake

唔經過都唔知原來尖沙咀呢條小街都有幾多唔同嘅美食，誤打誤撞發現咗呢間隱世居酒屋，餐廳風格以簡約嘅日系為主，又擺滿咗各式各樣嘅酒同埋擺件，佈置得非常別緻～明太子玉子燒💰HK$72玉子燒本身味道唔太甜，質感好嫩滑而且內裡食到一層一層嘅層次感，再配上明太子沙律醬同埋木魚絲，整體感覺令人眼前一亮，不愧為呢到嘅人氣料理之一～鐵板蒜片牛柳粒💰HK$108牛柳粒即使喺熱辣辣嘅鐵板上放咗一陣都仲係好juicy唔會韌，肥瘦均勻得來每粒都充滿住洋蔥香同埋蒜香～吉列廣島蠔💰HK$72外層炸到好酥脆，內裡嘅廣島蠔亦好鮮甜，一咬落去亦有少少嘅爆汁感～明太子蟹籽蝦冷烏冬💰HK$118冷烏冬口感彈牙，啖啖都充滿住明太子嘅鹹香，另外仲有三隻大大隻嘅蝦同粒粒分明嘅蟹籽為冷烏冬再增添咗不少口感，值得一試～巨峰提子果汁梳打💰HK$48賣相滿分！而且味道唔會太甜，飲落去好清新～

尖沙咀有極多日本菜選擇，今次就來到位置較僻靜的日式居酒屋 - 円相。這裡是小店格局，內裡燈籠高掛，營造出日系的溫暖氛圍。一室木系枱椅與柔和燈光體現極致和風美學，與別不同的是擺放了結他、CD作裝飾，全晚不時播著本地獨立音樂。酒藏齊全多樣，備有多款精選的日本酒及手工啤酒等。菜單包括前菜、炸物、串燒、一品料理、燒物、食事及甜點等，選擇不勝枚舉。夏祭期間還有最新推出4 款限定食品。每日Happy Hour不論假期閒日，只需7pm前惠顧手工生啤或杯裝清酒，一律可享八折優惠。日式居酒屋勝在不拘一格花款多，可以細嘗豐富多樣的小吃料理。月見汁免治雞肉棒串 $42免治雞肉棒將雞肉切碎混合雞軟骨搓成棒狀，口感更有嚼勁。咬下去可以感受到雞軟骨特有的韌度，蘸點日本蛋漿，滿溢濃濃蛋香，入口更滑溜。明太子玉子燒 $72將蛋漿層層捲起，每一口裹滿濃郁蛋香，厚切堆疊的蛋皮帶來綿密彈性。表面灑滿鹹鮮的木魚碎和微辛的明太子醬，更能襯托出玉子的香甜，讓味道更添層次。吉列炸蝦 $52炸成金黃的外層酥脆無比，粉漿亦不會過厚，包裹著新鮮爽彈的蝦肉。特製柚子醬炸雞 $98日式炸雞一直是人氣熱賣菜式，夏祭限定版就加入特製柚子醬和柚子