ねずみの王冠 喫茶店

營業中

休息中

🇭🇰 Hamsta Crown Coffee觀塘隱世日式食堂餐廳位於巧明街 空間感大 日式風格 燈光柔和 有仲有精品可以睇感覺舒服 幾岩朋友黎chill 下🍙明太子蟹肉炒飯(💰$118)份量唔小 明太子蟹肉味適中唔會太鹹 味道行清淡路線 🍙原條蒲燒鰻魚炒飯 (💰$148)⁣
鰻魚炒飯相對之下味道濃醬油味重 炒飯調味不錯 佈滿醬油鰻魚份量都唔細 腍身少細骨 整體不錯
🍘炸豚肉流心蛋(💰$32) 流心效果不錯 炸衣薄脆🐃和牛串 (💰$39) 有4粒牛 油香味十足 👍🏻推薦🍢炸冬菇串(💰$28) 冬菇大件 都juicy🧀炸芝士和牛串(💰$43)加左芝士牛味冇咁出 但依然好邪惡-🍇巨峰葡萄梳打(💰$38)清新唔太甜 有解膩作用

又去觀塘食好西！這間在巧明街的樓上餐廳，裝修充滿日本風情，燈光昏黃，氣氛寧靜，適合與閏蜜聚會聊天。座位可選榻榻米或一般梳化座位，座位間以高身木蓆分隔，保留私隱空間。特別的是，小店裡不難找到日本Leo Lionni's Friends可愛小田鼠的縱跡，也有它的商品和其他日本彩妝品出售。整晚有小田鼠毛公仔陪伴用餐，很Relax寫意。汁燒八爪魚丸10粒 $82熱辣辣上桌，外脆內軟，還有彈牙的八爪魚粒，重點是蛋黃沙律醬、燒汁、木魚碎和紫菜碎的份量夠多，一啖一粒好滋味！自家製宮崎唐揚南蠻雞 $86大大件熱辣辣的南蠻炸雞，雞肉嫩滑Juicy，外皮鬆脆，本人喜歡有一點點厚度的脆皮，這個就恰到好處，還有畫龍點睛的沙律醬，即使吃到最後稍為冷掉，但依然美味，超級滿足！鹿兒島豬軟骨野菜鍋 $128全程有小火爐保持鍋物的熱度，本來以為豬軟骨只會有兩三件，但結果差不多鋪滿整個鍋面，而且煮得軟淋有膠質，比想像中還出色！其他配料包括豆腐、菇菇、野菜和薯粉，全部都吸盡湯汁的味道，整體性價比不錯。明太子蟹肉炒飯 $118一絲絲的蟹肉融入在粒粒炒飯中，明太子味道可以更突出，整體味道較清淡。

炸粟米片喺任何日本餐廳都好少見，所以見到就即刻叫尼試。等於鍾意食粟米嘅人來講佢真係炸得唔錯，但係佢上面落既粉太多搞到好咸。如果叫嘅話下次可以叫店員落少啲粉，味道就可能會適中d。炒飯就普通，有明太子味但係都係偏鹹。呢杯士多啤梨沙冰就有啲驚喜，佢唔係平時好人造嗰啲果汁味，而係好似真係用新鮮士多啤梨打出尼而成。值得一試。最後就係呢個炸墨魚咀。佢係比嗰個炸粟米更加咸，佢上面應該落咗好多嘅係日式調味粉，食完一兩粒已經覺得好頸渴，而且好油。呢個覺得一般整體食物質素其實都可以嘅，只不過係調味方面就太鹹啦。最後店員見我哋有食淨，都有問我地覺得好唔好食，最後俾咗個九折我哋。其實係調味方面做好啲，呢間舖頭都係一間可以試嘅小店。

呢間餐廳一入到去個感覺係好warm好relax☺️ 走日系風味的餐廳～ 不過呢間餐廳係工業入面 唔係男朋友帶我黎 我都唔知 佢係十五樓 但搭𨋢只可以上到14樓 所以要行一層樓梯先到！✨ 雖然位置真係好偏僻 但都好多人黎食 果然都幾出名☺️Milk Chocolate Hazeinut $36有濃濃的棒子味 聞落又好大陣朱古力香味😋 飲落亦好香滑👍🏻明太子蟹肉炒飯 $118份量都唔細 可以兩個人share黎食 一上枱已經好香明太子味😍 食落唔會太咸 同埋有蟹肉伴住令口感更加豐富😋七味墨魚咀 $68炸得岩岩好 皮亦唔厚 配埋沙律醬更加滋味🥰神戶野菜牛肉鍋 $118 + 雜炊 $25牛肉份量亦算正常 裏面除左肥牛仲有金菇，野菜 口感幾豐富 食完再將雜炊（飯）放入鍋內煮 等佢索曬啲精華更加好食😁牛脷串 $35厚度適中 不過有小小韌 但鹽燒味道不錯😬

又黎試下在觀塘工業大廈上既cafe,樓下要到保安處登記先，由於只到14樓，要行上一層，有少少僻靜，建議女仔既話，有人陪一齊好似安全d。黎到當然嗌呢度既特色飲品富士山特飲啦！好靚呢！會變色的。其實有種感覺，應該當係飲品定當甜品呢？因為佢係梳打，但上面有一大球雪糕。飲品份量其實真係唔多。前菜，左口魚芥末沙律，幾特別。明太子蟹肉炒飯，比想像中略為普通。串燒:菠蘿串，汁燒牛脷串，兔治雞肉串，紫蕃薯串。串燒都幾出色。最推介是這個神戶野菜牛肉鍋，個湯好香好濃，真係連湯都飲得清光。坐位闊落坐得幾舒服，門口收銀位仲有少量日本產品售賣，都幾精緻幾靚。

一入呢間餐廳超驚喜！因為張凳超大，好chill 慢慢傾計勁舒服，係日系和式的風格，唔會人迫人。一入來就比杯冰水，好貼心！上菜都好快，4個人食呢個分量都多左🤣左口魚芥末忌廉沙律沙律超級有驚喜！因為本身唔想再食一成不變嘅蟹籽沙律🥗而特登叫左口魚沙律，左口魚魚肉好滑，分量都幾多片，芥末忌廉口味超清新，少少倉鼻的芥末好正！口感好好，蔬菜爽脆新鮮，非常之值得一試！日本鮮海草沙律因為朋友食素，所以就叫左一個海草沙律俾佢，一般餐廳都幾少見，口感唔錯爽脆，醋味清新，但係由於全部都係蔬菜，所以就比起左口魚沙律稍微單調，但係對於食素嘅朋友來講都係有選擇！明太子蟹肉炒飯明太子分量多，味道10分搶眼，唔腥得來好海鮮風味🤣 蟹肉相對淡味左少少，但都食得出，整體炒出嚟香口，乾身而唔會太濕軟！炒飯分量好足料～原條蒲燒鰻魚飯估唔到鰻魚竟然有咁大條！三四個人分享食，每人都食到好多，好鍾意佢個燒汁唔會死鹹，甜得來又帶出鰻魚嘅鮮味，饅魚夠肥美又軟滑，無骨入口即化，十級好食！呢個價錢食到咁大分，真係好抵！淮山醬油漬淮山超級爽脆，開頭仲以為粉粉的～唔會話好軟爛，淮山因為本身冇乜味，所以都好睇佢調味調得好唔好，醬油微甜微咸入易口

可以止止渴嘅日式Cafe 上次去左日本旅行，全程最掛住嘅食物係個度既牛肉同埋係上野公園食既燒蟹棒，因為質素同口感同香港食到既其實真係有好大分別（當然仲有好多野好好食XD）之前晏晝係觀塘游游下，想搵間Cafe坐低食下野抖下，見到有間日式Cafe叫ねずみの王冠喫茶店， 天真無邪既我就咁衝左上去😂所以好明顯係食檸檬啦😥深深不忿見佢咁多人，就即管訂位去試下因乜事晏晝都咁爆場🐰入到去，全間Cafe都係以木做主題🤩仲有好多日本既小擺設做裝飾，最特別既係，原來除左食野，仲有一個角落放左一D日本既小物同化妝品等係度賣☺基本上我夜晚上到去已經滿座咁濟，好在訂左位，今次我當然要食下我一直好掛住既日本美食，就係和牛同埋蟹棒 （死心眼XD）🤣本來都無話抱太大期望，但實在不得不讚下個神戶野菜和牛鍋！！和牛真心焾身，唔會鞋口，佢既口感係同我係日本食既一樣（因為香港好多和牛其實口感都始終同日本有唔同），唯一係我叫個陣有加芝士，我覺得個芝士出黎效果無想像中咁拉絲（可能份量問題）。其他野菜，好新鮮無HEA場😋另外我念念不忘既蟹棒，我叫左蛋黃醬燒松葉蟹棒串，果然無點錯，同上野公園個檔食到既一樣！鮮甜得黎，放入口蟹肉好豐富

今次在觀塘揾食，約了2位舊同事，想食得有特色，結果選了這間日本餐廳。餐廳位於工廈，因可能是晚上，入去時要登記。一入去餐廳，感覺好家庭feel，好舒服。食物方面比較少選擇，但賣相不錯（我都是因為看了別人的相被吸引了），份量適中，味道也不錯，叫了明太子蟹肉炒飯，明太子味不算太濃，另外叫了一個豬軟骨鍋，豬軟骨好淋，味道濃郁，有菜及粗粉絲，串燒雞翼感覺貴了點，還有燒鯖魚，感覺一般，整體不錯，不過價錢不太值，食裝修及環境，鍾意靚野的朋友可以一試。

觀塘係我經常搵食既地方，今次一大班朋友去，諗住揀間環境舒適既地方坐下食下野。 可能因為我地太大班人又有啲嘈，女侍應一開始就對我地黑面，態度都幾差，不過我不嬲對服務無太大要求，最緊要食物。 由於本人係魷魚愛好者，基本上總知係魷魚我都會覺得好食。呢個都炸得幾好，係份量細啲。 呢個芝士年糕既size 超級的骰，目測直徑得4，5cm，似糯米滋既大細。憑良心講佢係好食，皮夠脆同入面腍腍地，但性價比太低，成$24一粒，絕對唔值。 我既評價係... 要食牛肉鍋不如去食吉野家，一樣size，吉野家仲要有烏冬，呢度只可以加飯（$15）。啲肉就比較「鞋」，粉絲彈牙，唔錯。但整體唔係幾抵食。 舊鰻魚煮到好腍，外皮微微燒到香脆，好食。但個飯黎到係凍既，我個人期望每碟食物上枱都係熱既，至少唔好係凍。呢度扣左唔小分。 呢個飯就熱返啲喇，個飯都幾乾身，但唔會話好好食。 呢個應該係全晚最好食既一碟，汁濃肉香，舊肉煮到好腍但又唔靭，好食但得勁小，十幾舊一口肉收成百蚊。 總括黎講，大食既朋友要諗清楚，叫一樣野就一定唔夠食。但公平小小講，佢係有二人餐提供，每人二百蚊度，但我地太多人無叫，可能二人餐會抵食啲喇。呢間坐低傾下計

又黎到觀塘工廈搵食, 今次黎到呢間日式cafe, 環境幾靚, 是休閒聊天的好地方!🔹和牛串 ($39)呢個最有驚喜, 和牛好鮮嫰, 油脂分佈平均, 牛肉味很濃, 一串有四五件和牛粒, 價錢都中規中距, 食完一串都唔夠喉XD🔹神戶野菜牛肉鍋($118)就黎開始轉暖, 梗係要趁熱前再食下打邊爐野啦, 一開蓋就傳來好香牛肉味, 煮得剛好, 唔會過老,店員都好貼心甘提我地煮到幾時會最好味, 湯汁都幾鮮甜~鍋內有娃娃菜，大冬菇，菇，食到底原來仲有d粉絲, 幾彈牙!🔹明太子蟹肉炒飯 ($118)明太子份量幾多, 炒飯粒粒分明, 帶點微辣, 如果蟹肉再多點, 口感會更加豐富~🔹大蝦蟹籽沙律 ($78)有三隻大蝦, 幾新鮮, 連埋沙律菜, 沙律醬同蟹籽, 食起來爽口有層次, 如果份量多點就更好~🔹熱情果smoothie ($42)甜度岩岩好, 熱情果味幾出~總體而言, 價格係觀塘黎講有點偏中上, 性價比一般, 但環境真心好舒服, 坐耐d都唔會攰, 好relax!位置係工廈搭到上14樓再上一層樓梯, 本身見好黑好靜仲以為行錯, 但轉個彎就見到好和式的佈置, 如果大廈許可, 擺d方向提示會更好~店內環境好

山長水遠入觀塘，就係想感受下日式居家風到底係咩玩法。回頭率：🌕🌕🌕🌗🌑環境：🌕🌕🌕🌕🌑服務：🌕🌕🌕🌕🌑份量：🌕🌕🌕🌑🌑味道：🌕🌕🌕🌕🌑價錢：HKD203/Pal【Summary】店鋪有啲偏遠，環境溫馨，服務好。上菜速度快，擺盤靚，味道好，性價比中等偏高。——————————————————————<明太子蟹肉炒飯> HKD118 😍明太子俾得好慷慨，味道頗濃。食落有好香嘅蛋香味。米飯炒得鬆軟，粒粒分明。時不時可以吃到絲絲蟹肉，係微辣嘅明太子襯托下，感覺好開胃。不過如果辣味能夠更強一點，或者蟹肉再多一些的話，口感上會更加豐富，但係當然啦，咁樣價錢肯定就會再高好多我又未必捨得食😅。<神戶野菜牛肉鍋> HKD118😍天氣轉涼，最啱食一煲熱騰騰嘅鍋物。今晚最中意嘅一道菜，成煲食曬湯都飲埋。燃料正好足夠煮熟個牛肉鍋，牛肉煮得剛剛好，唔會過老。一開蓋就聞到好香牛肉味，係壽喜燒的味道。有好多蔬菜，其中金針菇最為出色，吸收左湯汁嘅鮮甜。而最驚喜嘅部分係粉絲，煙韌彈牙，又煮得夠入味。<燒茄子> HKD56 😍今晚最滿意嘅第二道餸。茄子已經貼

是日去到工廈搵食，呢間食店比較特別，上到14樓要再行一層樓梯上去，一出lift會望到鋪頭既易拉架，跟住上樓梯就搵到啦。經openrice訂位，好彩去到有留位俾我地，因為都幾多人，幾乎成間鋪full哂。被安排坐4人位，佢D位係梳化黎，坐落勁舒服，裝修走日式簡約風，有D楓葉掛係到做裝飾。甘岩聖誕，所以都有D聖誕裝飾，最中意佢每張枱都放左露營燈，令人覺得更加relax。野食方面我地點左明太子蟹肉炒飯、左口魚邊裙芥末忌廉沙律、日式他他醬吉烈魷魚、海鮮茶漬飯（忘記左影相﹚，野飲方面我點左青瓜乳酪沙冰，朋友就點左熱朱古力。先講果沙律，我第一次食左口魚邊裙，幾彈牙，不過鹹左少少，至於果沙律我覺得好好食，因為我好中意果醬汁，芥末味岩岩好，唔會話太嗆鼻，D菜都夠新鮮，好食。至於果明太子蟹肉炒飯，見網上好多人推介，料係幾足，不過我嫌佢唔夠熱，不過不失，再熱D會好食D。仲點左另一個飯海鮮茶漬飯，不過忘記左影相。海鮮每樣有兩塊鋪面，包括蝦、青口、帶子同魚片甘，我同朋友每人分左少少海鮮、wasabi同飯，先再落湯食，之前係日本食過茶漬飯，但覺得呢到好食D，因為佢D湯除左一般昆布，仲食到落左少少抹茶粉，令到成個湯

餵食兵團出動，今次去左一間裝修都幾日式化既喫茶店！亦都係我第一次係香港可以試到既喫茶店，我唸係呢間餐廳既老闆想帶日本🇯🇵文化既喫茶店帶入黎香港！事不宜遲，佢地個Menu 都係走kawaii 風格，所以我就叫左個明太子蟹肉炒飯，個賣相都唔錯，蟹肉都幾多配埋明太子一齊食竟然係咁夾！另外仲叫左個小食；日式他他醬吉列魷魚🦑，炸得好鬆脆，魷魚都好鮮美，佢仲比左一大匙他他醬係面，點左個醬口感更豐富！適合同朋友聚會食飯既好地方！😋++++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

好久沒有到工廠大廈覓食，今次來的餐廳位置不算太難找，但如果公眾假期前來，需要在大堂用證件登記岀入。另外，餐廳位於15樓，但升降機只去到14樓，需要走一層樓梯才到達。雖然前來路上復雜一點，不過看到餐廳門口就忘記復雜的事了！內裏裝修設計十分溫馨，用色令人看上去很舒服，有種居家的感覺，也有點像寵物Cafe的裝修，更設有精品店餐廳食物選擇也不少，Shabushabu也有。燒原隻虎蝦    $48/隻炸得夠乾身，蝦殼也可以吃，能吃岀只用了少許鹽作調味但已很足夠，蝦肉不算太彈牙，肉質還可以燒羊架   $42/件羊羶味很重，是帶點肥膏肉的羊架，如果能加上孜然粉會更惹味和牛串   $39/串灑上了少許蔥花，和牛粒還帶點粉嫩色，肉質不韌明太子蟹肉炒飯   $118份量不太多，大約是家中飯碗的一碗飯多點。蟹肉非常少，不知是因為蟹肉太幼已經炒到飯裡頭去，還是份量根本不多，肉眼是看不見蟹肉⋯⋯不過炒飯炒得頗乾身，味道不錯，唯獨配料太少原條蒲燒鰻魚炒飯   $148來這裏就是為了吃這一個超大的鰻魚炒飯，我本人就真的沒有吃過這麼大的一條鰻魚，非常期待！而味道亦沒有令我失望，鰻魚非常厚身，肉質嫩滑，近乎沒有刺，配上

不少cafe藏身於觀塘工廈，多數以西式為主，今次竟然在這裡找到和風喫茶店，就是這間ねずみの王冠 喫茶店 Hamsta Crown Coffee。店內坐得寬敞舒適，採用日系淺木色調裝潢，加上可愛的小擺設，氣氛份外和諧溫馨。就連餐牌都印刷得特別精美，選擇亦不少。味淋魚乾 $38雞泡魚乾煙煙韌韌甚具咬口，吃時蘸些沙律醬，風味十足。燒得微焦，鮮甜可口，一點也不腥。汁燒八爪魚丸 $58/6粒即叫即製熱呼呼，個子渾圓飽滿，外層十分香脆。丸子口感外脆內軟，不過內餡的八爪魚比較小顆，而且粉漿略為厚了點。日式他他醬吉列魷魚 $68我每次在餐牌上見到炸魷魚都會必點，如此脆卜卜的香口炸物真是令我無法抗拒啊！外皮炸至鬆脆，魷魚肉質彈牙爽口不過韌，而且炸得夠乾身，不會過份油膩。明太子蟹肉炒飯 $118粉橘色澤的明太子沒有腥味，味道帶點微鹹又微辣，鹹香又惹味，只是不太吃得出有蟹肉。飯量不少，足夠兩個人share，炒飯炒得夠乾身，粒粒分明，不會黏作一團。神戶野菜牛肉鍋 $118向來湯底是鍋物最重要的靈魂，以壽喜燒醬油調和出來的湯底，風味甘甜，帶出食物的鮮味。豐盛的材料不但為賣相加分，吃下肚後的滿足感更是滿分。牛肉片