NY Garden (已結業)

以前住喺北角，因為附近無咩大型商場，所以我哋間唔時都會去和富薈行吓，食吓嘢，再去海旁吹吹風。原來都有一排無去過北角，今日嚟到，發覺呢度都變咗好多，連和富薈都裝修過喇！入到商場，餐廳主要集中喺美食廣場，而美食廣場以異國風情為主要裝飾，店內掛滿土耳其玻璃吊燈，配上色彩繽紛嘅圖案設計，充滿住濃厚嘅民族色彩。美食廣場內嘅選擇好多，而我哋就揀咗南洋風味嘅NY Garden。新加坡無骨海南雞飯海南雞嫰滑無骨，啖啖肉，而且雞唔算太肥，最邪惡同最好味就梗係連皮食啦！而海南雞飯嘅重點當然係個油飯啦，充滿雞油咸香，好滋味呀！而套餐配上大大盅椰子雞湯，湯底充滿椰香，仲有好多雪耳，不過，就略嫌個湯杰咗少少。星洲潮式肉骨茶講起南洋菜，當然唔少得肉骨茶啦！肉骨茶勁多料，腩肉同骨都各有3-4舊，睇見都夠晒滿足！湯底帶有淡淡嘅糊椒味，加埋脆卜卜嘅油炸鬼，好滿足呀！紅毛榴槤特飲 + 青檸梳打至於飲品方面，店員推介紅毛榴槤特飲，講真，我都係第一次接觸呢個水果，原來紅毛榴槤嚟自馬來西亞，佢絕對唔係榴槤，反而外型似番鬼荔枝，飲落酸酸甜甜，都幾醒胃架！有時食飽飽，真係好鍾意飲番杯有汽嘅飲品，「嗝~」得夠晒爽。（記住Like同S

睇住和富中心商場裝修，知道會開Food Court都好期待！Food Court改咗個有玩味嘅名叫Wor The Food，不過最特別嘅都係佢嘅裝修，有異國風情好colourful嘅民族風設計，又有粉色調嘅花牆同充滿少女心嘅裝潢，同普通美食廣場嘅用餐環境好唔同。去嘅時候適逢lunch hour，依個新熱點吸引咗好多北角街坊，現場好熱鬧。入去就見到依間食南洋特色美食嘅餐廳，決定試吓佢夠唔夠正宗。海南雞飯配咗三色醬同椰子雞湯－雞肉好嫩雞皮夠滑，最好味係點黑醬油，油飯偏硬但充滿油香。椰子雞湯好濃郁，奶白色嘅湯入面係足料嘅椰子肉同雪耳，滋潤養顏。肉骨茶亦都好豐富，除咗排骨、五花腩、豬肚外仲有豆卜同菇，第一次配油炸鬼食，原來係咁夾嘅！依款潮式肉骨茶湯頭顏色較淺但重胡椒味，我個人就比較鍾意藥材味濃啲深色啲嘅馬拉肉骨茶～見鬼馬釀油條個名幾得意，其實就係油炸鬼釀墨魚滑，再撒上木魚絲，唔使點旁邊嘅蛋黃醬都已經好香口。店員推介我飲紅毛榴槤特飲－紅毛榴槤原來又叫刺果，因為生得似榴槤先有依個名，味道酸酸甜甜。特飲仲加咗百香果同椰果粒，好refreshing啱晒夏天。餐廳嘅喇沙同美祿恐龍都好吸引，要去多幾次先試