影片
更多
2020-09-30
49 瀏覽
睇住和富中心商場裝修，知道會開Food Court都好期待！Food Court改咗個有玩味嘅名叫Wor The Food，不過最特別嘅都係佢嘅裝修，有異國風情好colourful嘅民族風設計，又有粉色調嘅花牆同充滿少女心嘅裝潢，同普通美食廣場嘅用餐環境好唔同。去嘅時候適逢lunch hour，依個新熱點吸引咗好多北角街坊，現場好熱鬧。入去就見到依間食南洋特色美食嘅餐廳，決定試吓佢夠唔夠正宗。海南雞飯配咗三色醬同椰子雞湯－雞肉好嫩雞皮夠滑，最好味係點黑醬油，油飯偏硬但充滿油香。椰子雞湯好濃郁，奶白色嘅湯入面係足料嘅椰子肉同雪耳，滋潤養顏。肉骨茶亦都好豐富，除咗排骨、五花腩、豬肚外仲有豆卜同菇，第一次配油炸鬼食，原來係咁夾嘅！依款潮式肉骨茶湯頭顏色較淺但重胡椒味，我個人就比較鍾意藥材味濃啲深色啲嘅馬拉肉骨茶～見鬼馬釀油條個名幾得意，其實就係油炸鬼釀墨魚滑，再撒上木魚絲，唔使點旁邊嘅蛋黃醬都已經好香口。店員推介我飲紅毛榴槤特飲－紅毛榴槤原來又叫刺果，因為生得似榴槤先有依個名，味道酸酸甜甜。特飲仲加咗百香果同椰果粒，好refreshing啱晒夏天。餐廳嘅喇沙同美祿恐龍都好吸引，要去多幾次先試
去嘅時候適逢lunch hour，依個新熱點吸引咗好多北角街坊，現場好熱鬧。入去就見到依間食南洋特色美食嘅餐廳，決定試吓佢夠唔夠正宗。
海南雞飯配咗三色醬同椰子雞湯－雞肉好嫩雞皮夠滑，最好味係點黑醬油，油飯偏硬但充滿油香。椰子雞湯好濃郁，奶白色嘅湯入面係足料嘅椰子肉同雪耳，滋潤養顏。
新加坡無骨海南雞飯
$68
2 瀏覽
0 讚好
0 留言
肉骨茶亦都好豐富，除咗排骨、五花腩、豬肚外仲有豆卜同菇，第一次配油炸鬼食，原來係咁夾嘅！依款潮式肉骨茶湯頭顏色較淺但重胡椒味，我個人就比較鍾意藥材味濃啲深色啲嘅馬拉肉骨茶～
星洲潮式肉骨茶
$62
7 瀏覽
0 讚好
0 留言
見鬼馬釀油條個名幾得意，其實就係油炸鬼釀墨魚滑，再撒上木魚絲，唔使點旁邊嘅蛋黃醬都已經好香口。
鬼馬釀油條
$28
7 瀏覽
0 讚好
0 留言
店員推介我飲紅毛榴槤特飲－紅毛榴槤原來又叫刺果，因為生得似榴槤先有依個名，味道酸酸甜甜。特飲仲加咗百香果同椰果粒，好refreshing啱晒夏天。
紅毛榴槤特飲；青檸梳打
3 瀏覽
0 讚好
0 留言
張貼
