Food Garden ETC (已結業)

望下門口menu有咩食😌竟然有自由組合既set🤩🤩啱晒我呢d貪心仔咩都想試👍🏻👍🏻👍🏻入到去環境好大好浪漫好高級既感覺～約朋友黎食個lunch嘆個tea都好有情調🫶🏻員工熱情有禮讚👍🏻👍🏻👍🏻💜餐湯濃稠適中,好飲~💜胡麻豆腐+慢煮雞胸+慢燴牛小排+麵包💜溫泉蛋+新鮮帶子拼大蝦+慢燴牛小排+麵包四品Set自由選擇~特別推薦牛小排😋燴得好淋牛肉味香濃~唔想食飯麵又有得揀麵包👍🏻👍🏻💜鮮果冰茶(蜜桃🍑)淡淡既蜜桃清香,唔會太甜~💜咖啡雪糕咖啡味濃郁~咖啡控必點~

💮嘩，自從瑪姬皇后要閉關生產後，幾難得再次從出江湖，出來飲飲食食，今次就去到文青之地《D2 place》慢慢歎個休閒午餐先。📌去到《D2 place》三樓美食層，行嚟行去都係呢間食西餐嘅《Food Garden》睇得上眼，因為地方闊落啲，傾偈都舒服啲。📌有多人嘅沙發枱，二人同四人嘅方形枱，午餐時段都幾爆喎。📌午餐餐牌有主食嘅豬、牛、魚配田園時蔬、意粉同漢堡包，都係大路嘅西餐款式，另外包田園沙律或者是日餐湯，仲有一杯鮮果冰茶🍹，如果想飲其他咖啡或茶，就要再額外加$10，價錢都係大路價錢。是日餐湯瑪姬皇后想飲下啲熱湯暖下胃，是日餐湯係忌廉湯🍵，仲有塊烘過嘅麵包仔🥯送上，湯質感濃稠嘅，味道正常。田園沙律熊妹不嬲都喜愛沙律🥗，餐前梗係食個沙律開下胃啦。沙律都幾大兜喎！有最愛嘅蕃茄仔、新鮮沙律菜、仲有青瓜片🥒，用上紅莓汁，酸酸地真係好開胃。美國牛肉漢堡配芝士、煙肉、薯條，$108熊妹不嬲都係漢堡包控，見到漢堡包多數都會變必點既。漢堡包🍔份量都幾大個，包皮內搽上牛油看過，香香脆脆鹹鹹的，好多時熊妹都會放棄包皮，但食落又好有味道，食哂。入面有溶溶的芝士同煎到脆脆地的煙肉片，兩者鹹鹹地都非常吊味，牛肉

D2 Place係荔枝角其中一個蒲點，因為裏面除咗有好多小店俾港人創業機會之外，亦不乏好多非連鎖式嘅優質食肆，今日就同一個朋友去到位於D2 Place嘅西餐廳Food Garden食lunch。呢度嘅午餐雖然只有好簡單嘅七款食物，但係已經包含咗有牛、豬、雞、魚，又有漢堡、意粉、仲有素菜可供選擇，跟餐嘅鮮果冰茶仲冇額外收費添！我就最鍾意食沙律，呢度嘅沙律除咗有一般常見嘅各類沙律菜之外，仲特別加入咗藜麥，配上少許橄欖油同黑醋汁，好味得嚟又份外健康。朋友就揀咗要餐湯，呢個係南瓜甘筍湯，仲配埋一塊卜卜脆嘅多士，牛油係軟身牛油，所以非常香滑。我哋就揀咗牛扒，餐牌話牛扒係八安士，但唔知點解我覺得好似特別大塊咁😅，仲有焗新薯同雜菜伴碟。餐牌上書名呢度嘅牛扒一般會烹調至五成熟，如果有其他要求亦可以主動提出，所以我就有要求要七成熟。切開牛扒係我心目中想要嘅生熟程度，肉質仍然粉嫩，起初切嘅時候見到有一條根，都有擔心過佢嘅肉質，但食落牛扒仍然係十分淋身，又有肉味，我就好喜歡！餐牌上有龍蝦意粉，我以為都係類似小龍蝦仔再加龍蝦汁之類嘅意粉啦，原來一上枱真係勁有驚喜，竟然係有半隻龍蝦，仲要個頭勁多膏，食到我哋心心

難得週末同先生一齊放假，決定過返個休閑嘅假期，第一步當然係食返個休閒嘅午餐，先生揀咗位於D2place嘅呢間西餐廳。餐廳嘅午餐選擇雖然唔算多，但各款肉類選擇都有，總揀到一款啱心意，而且價錢已經包餐湯、餐包同飲品，非常合理。是日餐湯味道有啲似甜薯湯，質地微稠，味道清甜。餐包烘到微脆，配上放軟嘅牛油，味道唔錯。牛肉漢堡配薯條份量唔細，厚切薯條新鮮即炸，又香又脆，內裡係香軟嘅薯蓉，非常滋味。牛肉漢堡尺寸雖然唔算大，但勝在夠厚身，麵包烤得夠香脆，夾住煙肉、芝士、美國牛肉漢堡扒、蕃茄、酸瓜同西生菜，實在冇辦法一啖咬哂所有材料，令人滿足。美國牛肩肉有八安士，尺寸雖然唔算巨型，但夠厚身，表皮煎得夠香，無論配上自家製醬汁抑或岩鹽都非常合適。先生揀咗五成熟，色澤粉嫩，而且冇血水，入口軟嫩，牛香味重。鮮果冰茶冰涼爽口，配上新鮮檸檬味道清新。餐廳食物質素唔錯，價錢合理，想喺週末忙裏偷閑，逃離呢個石屎森林，絕對係一個好選擇。