Oggi (已結業)

剛完成的日本之旅是帶兩老出走，足足相處了一星期多，是時候俾返啲私人空間給自己，讓自己抖一抖，因為今次的旅行其實都幾累, 首次自由行踏足東京, 還要帶着兩老, 真係幾緊張和有壓力...今晚獨個兒，不想勞動，決意獨自快樂，讓自己在這間小店靜靜地嚐一頓晚餐。店子門面招牌以翠綠的假葉子製成, 配上燈光的店名, 看起來又fresh又醒神又搶眼。而大型的落地玻璃門亦可讓客人清楚看到餐店內的環境, 看來內裏很舒服喎! 走進內裏, 一邊牆身同樣舖上綠色的假植物, 帶有田園氣息, 滿有生氣, 讓大家有貼近大自然的感覺, 很舒服; 而另一邊則掛上不同國家名勝畫, 沒有太多花巧的裝飾, 裝潢簡約舒適。餐店地方不大, 左邊設有三四張四人卡座, 右邊則是一排長沙發配四人枱, 而枱與枱之間也有一定的距離, 故都坐得幾舒適。最入處便是廚房重地, 客人還可透過大型的玻璃窗看到大廚們的努力情況。餐牌設計簡單, 純文字, 採用牛皮紙張, 跟店子的田園設計很對應。食物有七大類, 包括Appetizer、Soup、Risotto、Entrees、Burger、Pasta和Desserts。至於飲品則有Coffee、Tea、S

男朋友轉左工之後我們都唔再係TST搵食。而加多數都去返觀塘天后北角果頭，近返佢放工。今日都落雨，所以收工就拿拿聲隨便一間有位就入。餐廳出面裝修得幾靚，綠油油咁，原本呢間我有朋友食過，口風唔錯。西餐黎講都叫做精緻。主菜類全部都係加$60 就可以變成set，都幾抵食。而我地就只係叫左一份set，我細食呀嘛!先上左D前菜先。有餐包蕃茄餐湯同沙律。蕃茄湯好濃好濃呀，如果再酸D既會更好。餐包鬆軟沙律都新鮮。(而且有大大塊煙三文魚!驚喜呀!)男朋友不嬲對意大利飯都係情有獨鍾。仲要咁岩餐廳做緊優惠$99，點可以唔叫?個賣相真係幾呃到like架。大隻龍蝦就坐正正係你面前。而龍蝦肉夠厚，very nice。而我呢只係少少地叫左個香蒜煙肉意粉。唔好睇樣好似好普通咁，一樣都咁正架，所謂愈普通愈難keep住水準。最近既係普你茶奶凍，聽朋友講佢地上次黎係食左烏龍茶奶凍。呢間餐廳特別既地方就在於呢到，每次黎都有小小驚喜嘛。總括黎講到呢環境又舒服，餐廳乾淨，食物都幾有特色。下次會再黎~ 

今次又同女兒去天后吃晚飯，見到有一間新開的餐廳，竟然有$99龍蝦意大利飯，決定試一試。餐廳光線充足，加上牆上綠油油的植物，給我的感覺很綠化很舒服，侍應招待也很好。主餐可加$60轉為套餐，包括沙律、餐湯、甜品及咖啡或茶，真的很抵食，於是我們也轉了吃套餐。暖暖的麵包內有蕃茄乾，比較特別，而且外脆內軟，牛油也很軟滑。梨子沙律沙律菜和車厘茄都很新鮮，加上酸酸的沙律汁，吃起來感覺很清新。今天的例湯是南瓜湯，很濃的南瓜味而且很幼滑，味道也剛剛好。焗薯絲餅芝士蕃茄茸配暖三文魚 薯絲餅很香脆，加上芝士和三文魚，口感非常豐富。加上蕃茄茸讓客人吃時不會覺得油膩，配合得很好。藍青口煮白酒忌廉汁忌廉汁很香很濃，加上淡淡的白酒和香草，令這道菜很可口，所以整碟藍青口很快便被我們一掃而空。龍蝦意大利飯配蟹黃忌廉汁龍蝦意大利飯擺盤精美，大大隻龍蝦仔非常新鮮和多肉，而且肉質彈牙。意大利飯與龍蝦頭和膏一起煮，所以有很濃郁的龍蝦膏味，非常惹味，飯粒軟硬適中而且夠熱。這真是一道很便宜、足料和非常好味的主菜，但只限在晚市供應。普洱茶奶凍有很濃的茶味，滑溜得來甜度適中，是一款很特別的甜品。咖啡雖然沒有拉花，但很濃很滑，真的不錯。