大渣哥茶記 (已結業)

成日去銅鑼灣都想去試吓好出名嘅黃店「大渣哥」，好多人話出咗名的黃店一般冇好嘢，咁就特登去試吓食個下午茶先！我被下午茶餐牌寫住「暴龍西多」深深吸引住，究竟係乜東東？原來係煉奶西多加勁量阿華田粉！🤩賣相已經好吸引，滿滿的阿華田粉加上又厚厚的西多士，切🔪開係醬爆流心，多到瀑布咁😍😍😍西多士個夾心係食到粒粒花生醬，整體份暴龍西多有好多層次！味道真係唔錯！雖然咁多餡料，佢又唔算好甜，甜到剛好！配上凍奶茶或者凍檸茶都一流

大渣哥的餐牌太難忘，每一次去見到餐牌上所有野都想食星期日的下午茶🫖時段不用等位，但其實都有7成滿坐，要搭枱的哦。左選右選三心兩意，咩都想食既情況下選擇下午茶餐牌裡的暴龍🦖西多士，其實係美祿恐龍🦕西多版，面頭全部都係滿瀉美祿粉，內裡係奶醬，甜甜好滿足，香脆可口美味。另外選擇慢煮麻辣雞，雞滑無骨🦴之餘，個麻辣醬可以餸大碗飯，辣係微辣，有沙嗲醬味，又有蔥蒜油味，總之係一試難忘，食到一粒飯都無剩下。