大渣哥茶記 (已結業)

大渣哥的餐牌太難忘，每一次去見到餐牌上所有野都想食星期日的下午茶🫖時段不用等位，但其實都有7成滿坐，要搭枱的哦。左選右選三心兩意，咩都想食既情況下選擇下午茶餐牌裡的暴龍🦖西多士，其實係美祿恐龍🦕西多版，面頭全部都係滿瀉美祿粉，內裡係奶醬，甜甜好滿足，香脆可口美味。另外選擇慢煮麻辣雞，雞滑無骨🦴之餘，個麻辣醬可以餸大碗飯，辣係微辣，有沙嗲醬味，又有蔥蒜油味，總之係一試難忘，食到一粒飯都無剩下。