唐述

營業中

休息中

早排生日嗰陣朋友帶咗我嚟呢度慶祝，環境幾不錯仲有海景，幾適合慶祝特別日子✨桂花烏龍煙燻脆皮雞 ($388/半隻) 一上枱已經好香煙燻味，雞肉一啲都唔乾好嫩，雞皮仲要好香脆👍🏻個人推介花膠石頭魚羹 ($168)超級好足料嘅一碗湯羹，唔好睇佢細細一碗，飲完有一種滿足嘅感覺，好好味🫶🏻 滕椒酸菜雙魚 ($528) 係有魷魚嘅酸菜魚，本身魚好滑再加上魷魚好彈牙，有唔同口感幾特別！我唔太食得辣叫咗少辣都仲係覺得好辣，不過越食越過癮🥵 鍾意食辣嘅一定要試😆 另外和牛擔擔麵 ($388) 湯底濃郁，帶點微辣～月光寶盒呢個甜品係超級適合打卡，賣相好似冰糖葫蘆，山楂果凍包住話梅mousse，仲要用個好靚嘅古代首飾箱裝住，酸酸甜甜好味，得3粒絕對唔夠喉🥺飲品我就試咗用茅台做base嘅雞尾酒Thanks Emperor ($118)，用上古代酒杯好過癮，不過我覺得酒味太濃～

餐廳訂枱要信用卡留位費，每位一百，缺席先過數。第二次嚟，食物質素都保持良好。唔想慢慢點菜，叫個 Special Lunch 搞掂，加錢要埋個海參。先嚟個蜜瓜湯，雖然同爵士湯唔一樣，但都好香嘅杏汁、靜岡蜜瓜仲好甜。然後就嚟件以金錢雞作參考嘅食物，上面好薄片薑，中間北海道帶子，最下係菇，一啖入口幾種食材味道恰到好處。另一件係牛肉碎，特別嘅係匙羹用雲吞皮造成，可以食埋去。昆布小籠包真普通，冇驚喜。蝦餃啲蝦偏淡。鮑魚燒賣嘅燒賣，係糯米包嚟架。脆皮海參真係好好食，因為上次食過，加錢都要再食。食唔到用咩包住件海參去炸。蝦球有兩大隻，爽甜彈嚟形容呢件蝦就最好不過。下面仲有炸過嘅腸粉，加埋啲蝦膏蝦汁，食到有啲漏。件魚又係用海苔加啲粉漿包住去炸，外表脆香，香魚魚油好多，而且肉質鮮嫩。月光寶盒有機會去食，就自己體會一下呢個味道嘅驚喜啦。燕窩豆腐都係比較清淡嘅糖水。今日唔知點解上菜速度慢咗好多，我哋差唔多食咗兩個鐘先離開！

這是一間中菜廳，食法新類。脫離舊有中菜的枷鎖。這是第二次再來食，味道不變，依然有驚喜。由於餐廳新開，是酒店職員介紹，第一次吃完後馬上搜索該餐廳資訊，原來是一位年青人執掌的。最後副經還送上紅豆沙，非常滑，下次必叫！

現在做高水準的中餐，不只要把食物做得好，背後的理念、菜式的器皿、食材與酒類的配搭亦要一絲不苟。十分欣賞新餐廳唐述的細味人生菜單，世韜師傅的心思及技藝，配合酒吧凡經理設計的調酒，好吃得心裡暗忖要再訪。一道酥脆的黄袍金衣 ，重皮蝦裹上鹹蛋黃跟麥皮，酥香脆兼備；金匙一口脆 的「金匙」其實是可以食用的脆炸匙羹，有趣，大廚選用日本鹿兒島 A5 和牛粒，配上蓮藕、崧子仁及香辣的調味炒成鬆，配合香脆的匙羹，好玩又滋味。點心嚐了精緻的小玲瓏湯包、瑪瑙蝦餃及紅寶石素餃，亦有高質手工玫瑰燒鵝酥。花膠川貝杏汁燉日本蜜瓜湯清潤鮮美，點心及湯品均用上很多功夫製作準備。禾桿冚珍珠是以北海道珍寶帶子皇配上自製櫻花蝦醬，帶子肉鮮嫩無比，加上乾蔥，海鮮的味道層次分明。以冰鎮菠蘿清味蕾後，一道龍騰雪映讓我印象深刻，因為菜式中的椰皇滑蛋白與龍蝦甚為少吃到的新鮮組合；麒麟甘鯛所用的是日本甘鯛魚，麒麟魚片酥脆非常，加上柚子烹調的特製醬汁我亦覺得是有創意的菜式。茅台煀雞酒香四溢，味道有點像台灣的三杯雞但茅台讓此煀雞香氣再提升；鴻圖玉枕以水晶粉配上蛋黃跟蟹粉，佐以香醋珠和薑菜，甘香萬分，不一樣的中菜「單尾」。菜單以月光寶盒作結，是