Ann Mamma Thai kitchen by 張秀玲

營業中

休息中

第一道上的就是炒泰國椰菜苗＄９８份量其少，以上圖是一上桌便拍照，但極似已被人吃了一轉，再轉交我們的味道像是蒜蓉清炒菜苗，爽脆，菜不會炒得太老太油，但無泰味，以＄９８來說，不值一試木瓜沙律＄７５這道木瓜沙律是走偏酸的派系，也有少少鹹味辣，　最少的是甜味，味道是醒胃的，因為酸味較重。木瓜條也爽口。大蝦炒金邊粉＄１１８味道走偏甜路綫，金邊粉偏淋身也較濕，粉團黏在一起，蝦也沒有鮮味，整體味道般，口感也一般。唯一可取是花生碎，香口吵嗲雞肉串$75雞肉串的雞肉很大件，也不嚡不老，沒有雪味，但雞串沒有燒烤香氣，而沙嗲汁偏甜 ,也欠花生醬香氣。總括而言，水準跟坊間的泰式餐廳無異，再加上環境擠迫，無需特意前來吃，訂位／排隊也是不值。

已經食過好幾次呢間新派泰國菜餐廳，今次專程帶細妹嚟食，前幾次來都以為只有樓下座位，原來樓上還有雅座，坐得挺舒適的，環境比樓下清靜，全部都係年青人或情侶，好有文青感覺。我哋今次點咗木瓜沙律，酸酸甜甜好開胃，木瓜爽口，份量多到成坐山咁，兩個人真係食唔哂。食泰國菜例牌必叫冬蔭公湯，有成4隻大大隻大頭蝦，加上一些雜菌超足料的，湯頭香濃鮮甜又帶點微辣，真係好飲到一滴都不留!再嚟必食嘅炸墨魚餅，超級彈牙又好大舊，還加入了香茅同炸，落啖啖都係墨魚肉超正👍🏻細妹鍾意食辣咖哩，今次點咗青咖哩(雞），濃濃的椰香味，加入大量雞肉同蔬菜同煮，香甜小辣而不膩，而且份量又大又多，抵食。餐廳有好多種類特飲，今次叫咗一杯芒果百香果沙冰，大大杯，淡淡熱情果香味，酸甜開胃。總體餐廳性價比不錯，份量很多，餐廳環境舒適優雅，員工亦親切有禮，不往我再次再次幫襯。

食店位置唔近港鐵站要行多兩步，但該店就人氣幾高，七點去到已經滿座，等了一陣才安排入座。是晚所食的泰菜水準唔錯，更難得食完唔口渴，樣樣都咁好味，價錢經濟，難怪咁多人幫襯。木瓜沙律 $68大量青木瓜絲和甘荀絲帶來爽脆口感，碟底有羅馬生菜好足料，個汁微微酸甜，撒左惹味的花生碎，是開胃美味的前菜。辣椒膏炒藍青口(不辣) $98藍青口廿多隻，中型大小肥美索晒汁，味道鮮甜而不辣，與金不換一起炒香味四溢，好有地道風味，值得一食。大蝦炒金邊粉 $108份量多夠二人享用，爽口大蝦多隻，金邊粉唔會炒到乾晒，口感煙韌味道酸甜美味，加埋爽口芽菜、豆乾好嚼口，撈埋花生碎香口惹味，幾好食。沙嗲串燒(四串) $68串燒雞和豬各二，大大串啖啖肉口感滿足。肉質肥美嫩滑，蜜糖燒原味好食，醮埋沙爹醬就不得了香甜美味，十分讚！椰汁開心果沙冰 $48味道清甜啖啖椰香，飲到開心果碎碎，增添不少口感，好飲。

受疫情影響，入座前侍應會為食客量度體溫，餐廳座位亦都疏遠左。晚市6點，已經好多人，大部份人都係訂左位。如果想食，就好book定位，或者早d黎。叫左泰式無骨滷水豬手($98)，黃咖哩($88)，木瓜沙律($68)，椰汁芒果糯米飯($48)，泰國街頭雪糕(送)。豬手必叫，豬手既份量非常多，炆到勁"林"，d豬皮既骨膠原出哂黎，而且滷水汁帶甜。醮埋酸酸辣辣既醬，更加惹味。豬手底下鋪住芥蘭，芥蘭吸左滷水汁，好好味。餐廳有3款口味既咖哩提供，黃咖哩唔辣，可以揀雞/牛腩。椰香味濃，一上枱就聞到好香。雞肉入味，薯仔外皮有d焦焦地既感覺，香口。如果唔想哂左d咖哩，可以叫薄餅/蒜蓉包，醮黎食一流。木瓜沙律份量又係好足，堆滿成一座山咁。酸辣味非常開胃，而且木瓜絲唔會切到過幼，有口感，夠爽脆。特別在於餐廳加入好多好細隻既紅蝦拌埋一齊食，望落以為係辣椒，配埋花生碎、芝麻食，口感十足。糯米飯熱辣辣，仲有煙出。糯米飯黏稠，椰漿好香，芒果夠甜。尼段時間，餐廳做promotion，每2位食客就可以試食一款泰國街頭雪糕，揀左椰子味。用椰子殼裝住2大球椰子味雪糕，配上花生粒、蘋果片、椰肉片，細味品嚐後椰子味慢慢滲出，配搭蘋

最近聽朋友推介荃灣呢間泰菜，佢讚不絕口，也幫襯了數次。忍不住今晚來個 fact check 先。從荃灣地鐵站走過去曹公坊, 大約要十數分鐘，亦算方便易找。門身掃上白色，兩旁擺放著很多綠色植物，將這區播入清新悠閑感覺。仕應帶我們上二樓，因為地下餐枱已滿。二樓環境都幾好，不擠迫。先來小吃，炸豬皮。很脆，點一下酸酸辣辣的醬料，很不錯，如果佐酒很一流。木瓜沙律，清爽木瓜，不太硬，酸辣度適中。開胃。泰式蟹肉炒飯，在open rice 食評都有極多人推介，必須試吓，果然沒令我失望。勁多蟹肉，炒飯夠乾爽。豬，雞沙爹串燒各一半。外表而令人流口水吧！吾會煷到乾，保持肉汁。好味。青咖喱雞，味道一流，吾太辣。忍唔住追加烤餅食咖哩。烤餅熱騰騰的，脹卜卜，夾咖喱非常好。呢杯芒果百香果沙冰，濃郁芒果味，百香果好香，配搭泰菜一流。朋友的介紹真不錯。

約咗朋友食飯，見佢屋企附近開咗呢間新泰國餐廳，評語唔錯就試吓由餐廳裝修同餐牌都好有文青FEELBOOK咗7：45PM，入到好發現好多人，星期一都FULL HOUSE，所以比較嘈。炒芥蘭，分量比一般餐廳多。泰國炸豬皮，平時比較少見，唔太油，食落好似蝦片咁，下酒菜之一。木瓜沙律，味道OK泰式燒豬頸肉，分量多大大塊冬蔭公湯，酸味較重，個人唔太鐘意。焗蒜蓉法包，非常香脆！