Cafe Paradise (已結業)

今晚同女友人去鄰近太子港鐵站的Cafe Paradise 食晚餐。餐廳裝潢精緻，門外有一個迷你旋轉木馬，打卡一流。叫左兩個晚餐，有5course ，附餐湯，沙律，主菜，餐飲及甜品，其中餐飲及甜品可以加錢另叫其他餐牌上的食物，今次只是甜品另外加錢升級做朱古力心太軟。我與女友人各自叫一個餐，不過餐廳侍應好貼心的另外加個碟，方便分享美食。今晚餐湯是紫薯湯，很特別，味道很香甜。前菜是田園沙律，沙律菜很新鮮。沒有菜靑的苦澀味一個餐是香脆豬手餐$168+10%上枱豬手的分量十分大，豬手的皮十分香脆，肉質鮮嫩，帶少少咸香，配菜的紫薯蓉香甜，因為平日其他餐廳多數只是薯蓉，原來紫薯蓉又幾好味。另外的是茄子及翠肉瓜，帶酸，很開胃。另一個餐是羊扒餐配薯菜$178羊扒有三大件，帶著少許羊羔，很有羊味。跟餐的熱咖啡，奶是另上的，可以玩拉花，不過我杯似乎是拉樹吧。味道香濃。跟餐甜品是綠茶雪糕女友人加$25升級為朱古力心太軟，心太軟経輕輕一切便有流心的效果，慢慢與女友人互相傾訴，同時又可以享受美食，一樂也。結賬加一，共$408.

返屋企每次都行經太子Cafe Paradise, 今日就決定同閨蜜一起去試試, 店舖內擺設都充滿了少女特式。我個人最喜歡就係即影即有牆身, 排列得好整齊, 影左一張應該每一次黎食都會留意。 Set Dinner 已包了餐湯, 沙律及飲品, 價錢都合理, 每個人百幾左右。田園沙律及雜菌忌廉湯: 沙律配返千島醬較普通, 如果有多幾款沙律菜會好點,  另外雜菌忌廉湯滿滿的雜菌味很香濃, 我鐘意雜菌夠碎西式湯的特式煙三文魚蜆肉天使麵: 滿滿的奶油, 又Creamy, 天使麵都好入味, 煙三文魚份量都幾多, 味道剛好, 唔會似出面食咁咸, 再加埋少少蜆肉做點綴, 光睇賣相已經足夠, 奶油煮蜆肉點都咁好味香脆豬手配燒汁: 豬手外脆內軟, 豬手皮炸得卜卜脆, 不過略嫌豬手肥膏多了一點, 肉質易入口不會太老, 而且不用點醬汁都夠味了。榛子鮮奶咖啡及玫瑰牛奶: 拉左個心型拉花, 咖啡加了鮮奶都夠滑軟綿綿, 而我杯玫瑰牛奶就充滿玟瑰花香還不錯。朱古力雪糕: 有點似朱古力沙冰, 可能入面有少少冰粒, 食落有點似雪葩朱古力心太軟: 甜到入心的心太軟, 哈哈, 加上了雲厘拿雪糕可以中和返甜到入心的心太軟, 一切

近排喺太子區返工， 發現附近有好多小店食肆，好想每一間都試下，經過cafe paradise見到門面幾有特色又想食下西餐，就選擇左呢間。 店內地方不大， 可以容納20多人報置幾有心思， 唔係高級西餐廳路線，但還境一樣乾淨衛生，店員值得嘉許，細心放好餐具紙巾，態度親切誠懇。頭盆、飯及意粉、小食、甜品、飲品都有多款選擇。我叫左個素野菌黑松露炒意大利闊條麵，好鍾意呢個配搭，黑松露帶出野箘鮮味，闊條麵質地軟硬度適中，吸盡 野菌同黑松露嘅濃香，口感豐富。朱古力心太軟味道夠濃郁， 一刀切落去，朱古力漿慢慢流出。

Happy Friday, 有人群、排隊恐懼症的我，當然唔會去大型商場喇。太子區西餐小店，價錢實惠，CP 值高，WHY NOT?椰菜花忌廉湯椰菜花味道非常突出，整體質感很濃郁。如果配搭多士同食，一定更加出色。芝士肉醬焗薯角非常香口! 芝士焗肉醬分量足夠多。卡邦尼意大利粉意粉做到 Al Dente, 蛋黃忌廉汁好香濃、好 Creamy, Parmesan 份量略嫌唔足夠，芝士香味未見突出。朱古力心太軟黑朱古力配雲呢拿雪糕，從來都係無得輸。

今日放假唔使返工，就去咗太子行街行攰了就搵一間cafe 食個晚餐，行行吓見到有間餐廳門口擺放一個旋轉木馬為主題又幾特別。好精緻的餐牌，一打開有個立體圖案。點左兩個套餐：餐湯，田園沙律，主菜，飲品和甜品。甘筍忌廉湯，淡淡甘筍味又夠滑溜。田園沙律菜好fresh又爽脆，配上芝麻醬更加美味可口。香脆豬手大大塊，外層的皮燒到好脆又不會太油膩，肉質又不會太乾又夠淋，唔使點醬汁都夠味香辣鮮蝦意大利飯，有一隻炸蝦🍤另外飯里面仲有大隻蝦肉，飯辣辣地又幾好味，飯粒又不會太硬有咬口。套餐甜品加$25轉心太軟，一切開中間有少少漿流出來，外層鬆脆內里軟熟配埋雪糕🍦

最初知道有呢間餐廳，係因為日日搭車，架巴士必定會o係長沙灣道、荔枝角同長沙灣中間o個個彎位等燈位停一陣，次次都會望到佢大大隻門牌，而且通常都係處於肚餓o既狀態。耳聞目染，久而久之真係想搵日試下。之後搵到人陪我食，但就番朋友方便，所以book o左太子呢間總店。餐廳外面擺o左d 好靚o既旋轉木馬同摩天輪玩具擺設，內裡有一個corner 貼滿食客o既即影即有相，同大家一齊share happy moment；另一邊鏡則貼o左d 求婚波波，可能無耐前有人曾經book 過來求婚唔出奇～我自己點o左個晚餐，以香脆豬手配燒汁為主菜($168 未加一)。我覺得首先份量幾好，肉幾juicy，而塊皮真係做到薄脆，出面食呢類燒肉有時層皮會燒到好膠好硬好韌，成塊牛皮咁要嚼好耐又咇晒d 油出o黎，但係e 度就好易切得開。除o左燒汁，佢仲有跟埋茄汁同mustard，個人鍾意點mustard 多d。跟餐有份standard o既甜品同餐茶，但分別都可以加錢升級，會有本專屬o既甜品同飲品menu 可以參考。靚女職員話是日甜點係個唔知乜o野mousse，咁擸下仲有咩選擇，見加$25 就可食到原價$48 o既朱古力心太

星期四晚同男朋友撐撐檯腳點咗豬手set dinner 同 蜆肉忌廉三文魚天使麵蜆肉好鮮甜 天使麵軟硬適中 個汁都幾creamy 不過份量好少哦豬手呢個價錢都不算太貴 大概半隻豬手(得一面有肉) 但皮脆肉嫩值得試試最後甜品加25蚊轉朱古力心太軟不過可能一早整定，唔係太熱 有少少失望因為我大愛心太軟哦

同一位朋友難得行下街就要想盡方法留多佢多一陣，因為佢好中意童話式既裝飾同擺設，所以當然要帶佢黎食下野，不出我所料，佢見到已經發晒癲為門面留影一下，因為出面既裝橫同其他鋪截然不同，所以要留低佢既身影入到去見到座位竟然有隻宜家傢俬既公仔，真係有夠童話feel xd打開餐牌，主菜，甜品，英式早餐統統都有，而且款式都幾多～超中意食天使麵同三文魚既我，見到依個配搭諗都冇諗就嗌左，黎到成個意粉好香，望睇已經流晒口水喇～煙三文魚蜆肉天使麵，份量好足料，忌廉夠晒多汁，汁唔會太澀，味道香濃幼滑，但煙三文魚偏咸，麵質軟硬適中，特別中意幼身既麵～口感太正了～叫埋個甜品就岩岩好喇～不過一黎到個形就塌左，所以影相比較唔靚朱古力心太軟，流心效果唔錯，內裡微溫但唔會太熱，味道朱古力偏甜，會有少少漿住個口，雪糕都唔錯，食落有少少脆脆，但都算唔錯～