Cafe Paradise (已結業)

近排喺太子區返工， 發現附近有好多小店食肆，好想每一間都試下，經過cafe paradise見到門面幾有特色又想食下西餐，就選擇左呢間。 店內地方不大， 可以容納20多人報置幾有心思， 唔係高級西餐廳路線，但還境一樣乾淨衛生，店員值得嘉許，細心放好餐具紙巾，態度親切誠懇。頭盆、飯及意粉、小食、甜品、飲品都有多款選擇。我叫左個素野菌黑松露炒意大利闊條麵，好鍾意呢個配搭，黑松露帶出野箘鮮味，闊條麵質地軟硬度適中，吸盡 野菌同黑松露嘅濃香，口感豐富。朱古力心太軟味道夠濃郁， 一刀切落去，朱古力漿慢慢流出。