Lo Spazio (已結業)

Happy Friday梗係要開心啲，搵啲好野食架啦！今日同同事去咗銅鑼灣Lo Spazio食西餐，因為有同事之前話試過好食！我哋一去到，就發現煙霧離漫，好大浸油煙味，以為火燭！後來侍應話因為有個焗爐有問題，而且因為open kitchen，所以會咁大煙！咁既然一場嚟到，都坐低試吓啦！首先送嚟蘑菇忌廉湯！好香濃嘅蘑菇味，好足料！👍🏻主菜我叫咗Hanger Steak！主菜一嚟到，我以為黃色果啲係炒蛋！我已經覺得好奇怪，點解牛扒嘅配菜會係炒蛋，而且睇樣仲係炒到好老添，一啲都唔滑！但試咗一啖之後，發現原來係番薯蓉！啲番薯蓉好甜，好好味呀！我同事本身唔鍾意食薯蓉，但係佢竟然將全部番薯蓉食晒，證明真係好好味！至於件牛扒，佢嘅軟硬度適中，肉味好濃郁！甜品係朱古力蛋糕，唔算太甜，好勁朱古力味！原來餐廳響指定日子有半價優惠，下次我都試吓食晚餐先！

環境4分：簡單樓上西餐廳格局，環境開揚舒服，一半都係窗口位，出面三十幾度嘅陽光曬入嚟都唔覺曬，可以畀四分。衛生4分：開放式廚房望落好乾淨，木枱上有刀，叉，匙羮，同紙巾，衛生都可以畀四分。服務 5分：樓面顆記全部都係外籍人士，要用英文溝通，態度好好又細心。坐落即刻有水飲同餐牌睇，自動講明soup of the day同salad of the day係乜，落完單即上飲品，比佢五分。味道4分：1)      餐湯係蘑菇湯，完全唔creamy唔溜，個蘑菇味好清好light。2)      凱撒沙律新鮮爽甜，配埋煎煙肉碎同埋麵包糠粒，清新健康。3)      加40蚊主菜可以叫香煎鱸魚，塊鱸魚煎到Ｄ皮非常脆，但係Ｄ魚肉就好嫩滑冇骨，同埋個牛油果醬非常之夾，伴碟個薯皇都好香口。4)      加35蚊嘅無骨雞肶肉個皮好香肉又滑，Ｄ肉汁鎖曬响入面，撈埋Ｄ蘑菇醬食真係好特別，好健康。5)      甜品朱古力蛋糕好似冇落糖咁，個朱古力味好香，加左Ｄ忌廉先會有甜味，都係果句好light。6)      加15蚊要左杯Iced Cappuccino，個杯好靚，咖啡好香滑。 抵食5分：八十八蚊嘅簡單午餐包

看過食評話環境浪漫？感覺唔到。意大利風情，意大利酒箱裝飾，抵食，$188,4course抵是抵，水準一般。2個set dinner, 粟米湯，黑胡椒，有粟米衣，甜，粟米湯唔甜就死得，罐頭湯會更香。三文魚串橈一串，賣相ok,但燒得唔夠香。香草青口，咸，有渣，無青口味，我唔係要求嫩，以這個價，有渣可以接受，但咸到奪味，就no!海鮮墨魚麵，最ok,味道適中，雖然無乜墨魚味，但以這個價，對等交易。蜆有怪味，即吐。雜菌意大利飯，夠份量，淡口，唔夠芝士香，好過咸。加個大蜆意粉$118,好咸，蜆唔新鮮，即吐，想換，朋友話百幾元算啦，我跟侍應說，他說蜆今朝到，心想咁來的時有無死？不過唔好咁吋嘴看食評有麵包送，侍應說要$25，我們order份量出，6，7片，不過硬些，醋及油份量少。這裏只有紅白酒無啤酒。today desert~朱古力蛋糕，差，硬掘掘點解，點解，人吔食得咁欣賞，我無，我行黑運，我有病，抑鬱症發作

小儀一直喜歡嘗鮮，因此少有經常光顧同一間餐廳，但這家才開業不足一年的餐廳起碼與不同朋友來了五丶六次，而且次次滿意，可說是小儀在銅鑼灣的best keep secret!以往前來都是吃晚市套餐，聽說午市套餐也十分抵吃，便剩工作之便與同事前來一嚐。一看餐牌＄88由餐湯丶頭盤丶主菜丶甜品到餐飲全包，平均每項不到＄20，實在十分抵吃！蘑菇忌廉湯： 5.5/10這個比較失望，湯水水的，沒什麼特別味道，因此並沒有喝光，但印象中晚餐的菇湯卻十香濃，不知是否午市用料比較少？自選頭盤-自家製番茄醬配炸意式肉丸：8/10這個比餐湯好吃很多，番茄醬自家製作清新有誠意，意式肉丸即點即炸，熱辣辣而且手工不少，單是這一味便覺得午餐值回票價～烤豬扒（+$20）：6.5/10稍微乾身了一點，豬肉香一般，不太值得加錢點選～煙三文魚蘆筍扁意粉：7/10材料比較少，味道正常，感覺比較home made的一道炒意粉~第一次飲此餐廳的咖啡（因晚市套餐不包），算是濃香合格～甜品是朱古力蛋糕，濃郁的味道配咖啡剛剛好～總括而言晚市不論賣相丶用料丶味道也比較高級精緻，但午餐便宜一半更多了餐飲，也算性價比甚高的一餐，可以再試

百多元一個晚餐今時今日難求，朋友推介一間有氣氛，有服務，還有超抵的價錢。當然啦⋯⋯選擇不多，只有意粉類，如要豪一點就加錢可品嚐到牛扒，羊之類。無論如何己吸引了。套餐有湯，頭盤，主菜和甜品。熱辣辣的麵包，散發出香草味，鬆軟好味。是日餐湯是磨菇湯，不濃稠較稀身，有菇香味，但味道偏淡。頭盤享用了鵝肝，外脆內軟，有點溶化感。醬汁是用了藍苺，酸酸的可中和鵝肝的膩感。伴菜是蘋果粒，又是酸酸甜甜，好開胃。主菜選了西冷牛扒，賣相單調了一點。我要求的半熟末如理想，外層烤得焦，口感太硬，而內層雖是透紅，但嚼落比較結實。甜品是朱古力蛋糕，質感鬆散，朱古力味香濃，中規中矩啦！價錢而論，整體尚算不錯。