閔大人 (啟岸)

營業中

休息中

餐廳位於紅磡啟岸，一列都係餐廳。閔大人裝潢活潑，貼滿韓國明星嘅poster💓呢度價錢比坊間嘅韓式炸雞平起碼一半，勁抵食☺️☺️☺️▫️紫菜飯卷配無骨雞（原味）$58紫菜飯卷餡料豐富，有醃黃蘿蔔、雞蛋、蟹柳等，味道層次豐富，但又夠清淡易入口。加上紫菜夠厚身，香脆可口，大推💓仲有兩隻原味無骨雞，食到韓國嘅風味。▫️無骨雞（小份）$58蜜糖芥末醬 +$10小份已經好夠食，有至少5件。雞肉好嫩滑，有肉地夠juicy ，外皮香脆，唔會有粉感同油膩感。配上蜜糖芥末醬，非常入味。▫️杏鮑菇 $28呢個有驚喜呀😝炸得好脆卜卜，一咬落去係杏鮑菇鮮甜啲菇汁，中和返油膩感。估唔到咁夾！仲要有超過7件，仲要咁平又抵食，呢個必叫～▫️汽水單點$12 套餐追加$8

中午決定行遠少少去到啟岸嗰邊食晏，呢度開咗唔少餐廳，地舖有一間係食韓國嘢🇰🇷，叫「閔大人」。餐廳人氣好高，午市全場爆滿👏，我都要等咗陣先有位。呢度面積唔算大，環境裝修係常見嘅韓風，即係播緊K-pop同貼滿明星海報。呢度主打韓式炸雞🍗，佢設有套餐以及半份嘅選項，即使一人自私食都不乏選擇，好感動。另外，值得一讚嘅係餐廳出餐好快，炸物都居然唔使等好耐。套餐1: 炸醬麵配炸雞翼(原味)($68)，🍜炸醬麵唔錯，看似深色重口味，但實際上幾惹味，洋蔥煮到好甜好淋，而豬肉粒就肥瘦適中。麵條有啲似油麵同拉麵，麵質幾彈牙，加入咗青瓜絲🥒，有助提升整體口感。跟餐🐔炸雞翼有三隻，原味有啲寡，所以加咗$10轉蜂蜜芥末🍯，芥末味偏重，少少攻鼻，有汁蘸嚟食感覺無咁熱氣。雞翼炸至皮脆肉嫩，而且好肥美，就算食三隻都好似唔太夠喉。杏鮑菇($28)，無諗過炸物小食都咁大份，🍄佢有成接近十件，而且每件都大大嚿。杏鮑菇炸完都仲保持多汁，炸衣好正，薄脆如天婦羅一樣，非常香口，仲帶少少辣，佐酒一流。跟餐有酸蘿蔔粒作開胃菜🤤。總括嚟講，呢間韓國餐廳幾有水準喎，炸物好出色，炸漿控制得宜，炸完亦唔覺太過油膩👍。佢定價亦比市面上其他炸雞