李公館

營業中

休息中

今日忙裏偷閒，星期一嚟到灣仔飲早茶。嚟李公館嘅原因係好多朋友都話呢度嘅食物好精緻，同埋好食，一於試下。我哋十點半到就嚟到，不過原來呢度係開十一點嘅。好彩經理好好人，放咗我哋入去坐住先。睇睇點心紙，呢度有好幾款食物其他酒樓都唔常見。 青咖哩鮮竹卷，有少少辣味，比起傳統嘅蠔油汁，更刺激味蕾。雪菜火鴨粿，鴨肉多，令到成個粿脹卜卜。杭州小排骨， 味道其實不錯，不過如果可以再乾身點就更好。石鍋雞粒飯，夠熱辣辣同好食。 不過個石鍋已經裂咗! 甜品有懷舊嘅西米布甸，係我至愛!這裏環境不錯，經理服務有很好，十二點半前埋單還有折。應該會再嚟幫襯試埋晚市。

找一個可以慢慢傾吓飲吓茶嘅地方，呢度確然不錯最深刻係個荔枝茶茶香中帶著香濃荔枝味，冇茶澀味，飲落去好舒服好清新醒神令人回味！先嚟個小排骨，酸味合適，唔太肥膩，醒胃，整體ok!櫻花蝦叉燒腸較少有櫻花蝦作配料，腸粉正常滑身，韌度口感不錯，叉燒比例同肥瘦度也不錯椒鹽魚片頭不過不失，囗感彈、有魚皮味，椒鹽味唔太重，可以多些椒鹽，整體還可以。沙嗲醬煎雞窩包，賣相別緻，包外皮軟、餡料比例ok味道也不錯，唔肥膩！咬一啖包再倒少少沙嗲醬入雞肉餡更惹味，沙嗲醬香、味唔算好濃郁，整個配搭可以薑汁炒芥蘭，時令菜，新鮮嫰口薑味夠，味好出菜炒得剛好，口感爽，好味！蜆芥鯪魚球，炸得香口，外脆內彈牙，有魚肉味蜆芥唔錯，夠味！今日整個午餐環境同服務ok, 食物貨素整體唔錯，難忘茘枝茶香！

昨日公司收爐，同事提議到附近李公館飲茶食團年飯，我當然舉腳贊成，因為晚飯食過一次，覺得非常滿意，反而點心未食過。一行六人點半到達，幸好等了五分鐘便有位(可能是很多公司星期五己經放假關係)。坐低後同事推介綠茶流沙包，脆脆野菌腸和杭州XX小排骨(唔記得個名)。綠茶流沙包一撕開，流沙己經不停流出，流到要啜埋手指，因為實在太好味了。脆脆野菌腸十分得意，己入味的野菌被一層脆脆包住，再包入腸粉入面，一啖三個口感。小排骨有些似糖醋骨，酸酸甜甜，作為餐前小吃十分開胃。原來李公館會不定期推出新點心，同事上次食的冬蔭功鮮竹卷己被肉骨茶鮮竹卷代替，喜歡肉骨茶的絕對滿意，真係要連湯都飲埋。賽螃蟹餃(唔夠分我冇得食=_=),有食嘅讚不絕口，我下次一定要食！紫薯煎堆仔啱晒我呢個紫薯迷，甜味應該來自紫薯本身，不會太甜又有紫薯味，必食！芝士蝦春卷用綠色米網包住，芝士味不太濃，食多幾件都不會太漏。厚切茄子上次晚飯食過後念念不忘，今次要再食，點解茄子都可以咁好食，連我這個少吃茄子的人都要食兩次！另外還有剁椒菠菜魚滑腸、燒賣等，全都好好味。最後來了個櫻花蝦帶子炒飯，超多帶子和櫻花蝦(有圖有真相)，飯夠乾身，有櫻花蝦的咸香又

呢間「李公館」，我已經光顧過很多次，但我每次都滿足而回。佢地其實都幾有 heart, 我同太太、家人、朋友，每次來到也有驚喜，因為佢地會 keep 住都會創新點心、新菜式！而且佢地嘅服務態度，亦都非常友善，唔使勞氣，環境也舒適！尋日，係星期日，我又專程同太太特登過海嚟呢道食點心。首先講吓呢度嘅茶，比起出面酒樓有更多選擇。我哋每次嚟都會飲「荔枝茶」，因為非常香，跟本係嘆緊花茶。而琴日就決定轉一轉，我地揀咗「桂花香片茶」，一樣好香，慢慢嘆！一流！