滿屋廚房 (已結業)

食過鑽石山分店，感覺不錯，食物水準正常，價錢相宜。同朋友係黃埔簡簡單單食個lunch，朋友想食海南雞飯，就揀左full house。黃埔店係自助形式，先行入座，揀好食物再出去購買。想讚一讚店舖嘅餐牌設計，簡潔易睇，食物相吸引。有飯腳嘅好處就係可以試多啲小食。炸薯條($28)看似同東南亞野食格格不入，但我地突然口痕想食，亦都好彩有叫到呢個意外驚喜。新鮮炸起嘅薯條熱辣辣，食唔停口。大大份，再點上蛋黃醬，即刻想黎一杯啤酒。東南亞風味拼盤($58)，有蔗蝦、魚餅同金絲蝦卷，各三件，都幾抵食。魚餅重香茅味，點上泰式辣醬十分惹味。金絲蝦卷香脆可口，大人小朋友都中意食。蔗蝦相對比下去，蝦肉未夠彈牙，若更新鮮會更好。朋友點嘅海南雞飯($68)，比想像中好味，雞肉嫩滑，點上薑蓉、醬汁，再配上黃油飯，又幾惹味。黃油飯略為鬆散，但無損味道。我點左鮮茄焗厚切豬扒飯($72)，賣相同某連鎖快餐店十分相似，個人更加喜歡呢個味道。鋪面嘅芝士，同蕃茄醬配搭恰到好處，帶出香味又唔怕飽滯。蕃醬味相對清新，無咁膏狀，撈埋炒飯底食特別惹味。厚切豬扒的確大大塊，味道不俗。呢個價錢係黃埔區食到呢個質素嘅東南亞食品，都幾合理抵食。

A姐：考下你，如果我係一封信，咁你係咩？M佬：(又痴咗邊條筋？)我知道啦，你是一封信，我是郵差吖嘛。A姐：好醒目喎！下一題，我係智恩，咁你係邊個？M佬：Um......A姐：唔知呢？係李英宰呀！M佬：乜水?A姐：有無搞錯，浪漫滿屋嘅男女主角呀，宋慧喬同Rain呀！下，我又會知啦！不過放工唔洗諗公司嘢，同A姐講下呢啲無聊嘢，都幾浪漫吖。今晚一於去黃埔滿屋廚房Fullhouse Kitchen食飯，嚟個真•浪漫滿屋。東南亞風味拼盤小食拼盤有越南蔗蝦、泰國辣魚餅同金絲蝦卷，各三件。蔗蝦彈牙; 金絲蝦卷由條條薯仔包住，賣相好吸引，外脆內軟; 魚餅香草味濃。黑松露野菌墨西哥餡餅餡餅炸到十分香脆，裏面包住黑松露野菌，多到就快跌晒出嚟，口感豐富，記住趁熱食。新加坡雞飯雞件去晒骨，唔洗煩，用咗多種香料浸煮，肉質嫩滑，記住點埋秘製醬汁，吊埋啲鮮味。另一亮點就係雞湯油飯，入口甘香軟綿，正。滿屋招牌喇沙一嚟到，就聞到陣陣椰香。第一時間，當然係試下嗰喇沙湯底先，質地厚身，入口香濃，蝦味濃郁，味道層次分明。青口鮮蝦爽口，魚蛋彈牙，最正係豆腐卜同米粉，吸晒啲喇沙湯，真係Perfect match。洛神花茶食完咁多

同Fd行完街，見到呢間 Fullhouse Kitchen 好似吾錯，就入去食Dinner。凱撒沙律加脆香雞扒，沙律新鮮，有D果乾，脆脆，陪上沙律汁同半熟雞蛋，惹味得黎，好有口感。雞扒特別好食，十分香口，外脆內軟，肉汁鮮甜。又吾算貴，好值得大家一試。東南亞風味拼盤，入面有泰式魚餅，越南蔗蝦同金絲蝦卷，我最中意係金絲蝦卷，被一絲絲炸過既薯仔包住，好有層次感，如果有小朋友，一定好中意食。沙爹雞肉（6串）不得不講佢D花生沙爹醬真係好惹味，甜甜辣辣，可能加左花生，食落特別香，配上燒雞肉，真係一流。招牌喇沙，入面有豆腐卜，魚蛋，魚角，青口，半熟雞蛋。湯汁鮮味濃濃，而且仲一D都吾辣，整體偏甜，吾食得辣既朋友仔可以試下，幾有特式。越式蕃茄燴牛尾配飯，味道濃郁，有香濃既牛味，同蕃茄，紅蘿蔔真係好夾，送飯一流，有好多汁。黎到呢度梗係試下佢特飲，今次我地叫左護膚天使，有菠蘿，雪梨，檸檬，酸酸甜甜好開胃，而且係香港新鮮製造，好值得支持。

今晚約咗朋友喺黃埔嘉禾睇戲，睇完戲梗係要搵地方食飯啦。黃埔出名多嘢食但邊間好食就真係唔知。行吓行吓發現呢間餐廳好得意，唔知以為係賣精品的店舖，仔細一看原來仲有月餅賣添，見到啲座位好似幾舒服就決定入去試試我地6:30黎到唔算多人，餐廳內光猛最適合約三五知己食野傾喝。店舖主打東南亞美食，但都有西式小食雪櫃內有多款甜品蛋糕及健康果汁，可以跟餐點的沙律有雞蛋同埋麵包糠原本有煙肉粒，但朋友就對煙肉有敏感所以點菜前叫佢唔好落，幾好喎清清地，沙律醬呢味菜算係全餐飯最美味嘅一餐有炸魚餅、蔗蝦同金絲蝦卷炸得好靚，食落夠juicy，尤其金絲蝦卷好考功夫喎好大碗呀最重要係足料兩個人食一定夠。內有鮮蝦、青口、豆腐卜、魚蛋、魚片頭，不過湯底濃味D就perfect有驚喜喎，食落有口感，煙煙韌韌不過就辣左D，如果餐牌有隻紅辣椒仔顯示為辣的話就更加好十分推介一見到就知係用新鮮油炸，黎到嘅時候仲好熱辣辣，好香脆仲叫左兩款醬-黃色是甜介辣，白色是蛋黃醬兩款都好掂，超左: 青瓜青檸梳打 右: 石榴青瓜賓治兩款飲品都好出色，唔會太甜真係有青瓜味喎總結: 比較適合想輕食嘅朋友，三五知己叫杯飲品小食都係唔錯嘅選擇