影片
更多
2018-04-16
728 瀏覽
舊年年尾晌中環同朋友試過一家主打亞洲融合菜嘅 「豐樂里」，感覺有啲西化嘅中菜，今日又喺約咗舊同學食晏，揀嚟嘅「Fang Fang」，同樣揉合西方及亞洲元素嘅新派中菜，加上環境靜局，非常啱靜靜哋同老友食餐午飯。餐廳位處LKF Tower8樓全層，一出電梯就喺餐廳接待處，走進去，先喺型格酒吧區。晌蘭桂芳呢頭，乜菜系嘅食肆都會加設酒吧區喺常識，因為，賣酒一來頗賺錢，二來不愁無客源，老外、遊客都喜歡呢度嘅飲酒氣氛。再走入啲，用餐區嘅環境盡現眼底，地方頗大，雖然賣中菜，但裝修摩登，淺灰雲石地板及餐枱，襯以深灰牆身及餐椅，有中有西嘅掛畫，一啲都無違和感。枱與枱之間嘅間距闊落，唔會覺得擠迫，而且，是日晏晝客人唔算好多，侍應都刻意安排客人坐晌唔同角落，等大家有個更幽靜嘅環境用餐。而且，整後用餐時間，侍應都殷勤有禮。從枱上餐具嘅擺設，設定中西化，一套刀叉以方便外藉客人，餐碟外觀亦好靚，唯一挑剔喺筷子喺日式類嘅即棄型，無咗環境囉。午市除有散點，亦有數款套餐供選擇，平平哋嘅有特快午餐（$148位），享受多啲中價位嘅午市套餐（$198位）及用料更精嘅行政套餐（$488位）。計過度過，當然以5道菜嘅午市套餐最為
餐廳位處LKF Tower8樓全層，一出電梯就喺餐廳接待處，走進去，先喺型格酒吧區。晌蘭桂芳呢頭，乜菜系嘅食肆都會加設酒吧區喺常識，因為，賣酒一來頗賺錢，二來不愁無客源，老外、遊客都喜歡呢度嘅飲酒氣氛。
再走入啲，用餐區嘅環境盡現眼底，地方頗大，雖然賣中菜，但裝修摩登，淺灰雲石地板及餐枱，襯以深灰牆身及餐椅，有中有西嘅掛畫，一啲都無違和感。
枱與枱之間嘅間距闊落，唔會覺得擠迫，而且，是日晏晝客人唔算好多，侍應都刻意安排客人坐晌唔同角落，等大家有個更幽靜嘅環境用餐。而且，整後用餐時間，侍應都殷勤有禮。
從枱上餐具嘅擺設，設定中西化，一套刀叉以方便外藉客人，餐碟外觀亦好靚，唯一挑剔喺筷子喺日式類嘅即棄型，無咗環境囉。
午市除有散點，亦有數款套餐供選擇，平平哋嘅有特快午餐（$148位），享受多啲中價位嘅午市套餐（$198位）及用料更精嘅行政套餐（$488位）。
計過度過，當然以5道菜嘅午市套餐最為划算吸引， 包點心、前菜或湯品、主菜、炒飯或白飯、甜品，並奉送咖啡或茶。
蝦餃皇配海苔素粉粿點心喺兩款指定款式，一個小蒸籠裝起晒，質素之高一食就知。
蝦餃皇配海苔素粉粿
10 瀏覽
0 讚好
0 留言
至於海苔素粉粿同樣出色，外皮加入海苔，再放滿菌粒、木耳絲、筍粒、紅蘿蔔……等等，味道卻出奇地一啲都唔寡。
辣椒油、豆辦醬未上菜時已送嚟兩小碟醬料，小弟本身唔嗜辣，辣椒油就免喇，友人話啲豆辦醬好食，所以，佐以蝦餃，又確喺唔同晒。
前菜或湯品共有5款選擇，3個喺沙律，2個喺湯，我等城市人少湯水，自自然然傾向揀碗靚湯飲吓。
竹笙瑤柱燉螺頭咩叫做濃而不濁，碗燉螺頭就可以講喺完美演繹，湯色清澈見底，入口卻喺醇香夠晒火喉，丁點油膩都無；再者，配以笙瑤、螺頭，都喺啲健康、多功效嘅保健食品，確喺一碗真材實料嘅靚燉湯。
竹笙瑤柱燉螺頭
8 瀏覽
0 讚好
0 留言
碗粟米羹亦都推得有水準，質感滑溜，唔會過杰，又唔會過稀，口感啱啱好；羹內混有好多清甜嘅粟米粒，又嗒得到一瓣瓣蟹肉，而羹面嘅黑毛豬火腿碎碎，點綴大過對味道提升嘅作用。
黑毛豬火腿蟹肉玉米羹
9 瀏覽
0 讚好
0 留言
酸子秋葵咖喱鱸魚點菜時店員已溫馨提示我會辣辣哋，但食落個醬汁辣度都喺點到即止，唔嗆喉，帶微酸，惹味得嚟幾醒胃；啲鱸魚肉質嫩滑細緻，有魚味，除秋葵，件更有車厘茄及鮮菠蘿粒，添幾分清爽感。
酸子秋葵咖喱鱸魚
5 瀏覽
0 讚好
0 留言
家常菜菜芯炒牛肉就食得多，安格斯牛扒亦算喺食過唔少，搵嚟炒西蘭花，唔會有太大驚喜，但食落就知咩叫做靚料。道菜其實幾有家庭味道，但啲牛肉堅好軟腍，唔喺梳打粉醃過嗰啲腍，有肉香且富肉汁，而西蘭花處理得仲有點爽口。
松子葱花蛋炒飯飯品一喺白飯，一喺炒飯，但相信極少人會揀前者。個蛋炒飯炒得夠乾身，飯粒分明，再加入松子仁及葱花，個人覺得如混和一齊嚟炒就更好。
去到近尾聲又喺甜品嘅時間，估唔到有成4款選擇，款款都精，樣樣都想試。
椰子奶涷被本地酒樓啲甜點架下框架，加上喺套餐，以為簡簡單單得件奶凍，估唔到伴以雜莓，淋上新鮮酸活嘅熱情果漿，放上沉實嘅小砵上，未食先有個好印象。入口，啲奶凍有陣陣椰子香，又有濃郁奶味，質感柔滑而挺身，個人認為喺高水準嘅出品。
椰子奶涷
10 瀏覽
0 讚好
0 留言
小甘筍絕對喺做得唯肖唯妙，賣相夠晒可愛，食落有啲似喺加入奶皇餡嘅甜咸水角咁，外皮帶點脆，奶皇香軟；而擂沙湯圓跟番傳統，無咩花巧，但外皮搓得軟糯，芝麻餡好香。
即磨咖啡、烏龍茶雖然喺食唐餐，但包一杯餐飲，小弟就揀即磨咖啡，睇見掛杯嘅咖啡紋路，就知啲豆唔喺普通平嘢，飲落醇香。而友人就揀壺烏龍嚟消消滯，最欣賞喺套茶具，非常精緻。
糧頭嘅日子，想食番餐好嘅午飯，「Fang Fang」喺個唔錯嘅選擇，唔單用餐環境寫意，且服務到位，上菜嘅時間、收碟、添水，都喺有次有序，不緩不急。再者，用料不賴，師傅手勢紮實，大家都喺捱生捱死嘅打工仔，食餐好嘅慰勞自己都應該啦！
張貼
