一生懸麵

營業中

休息中

同事講起牛頭角得寶開左間拉麵店好似唔錯，誠邀我放工一齊去試，我當然唔會推啦!得寶商場細細地，原來都有唔少野食！我地去到餐廳已經見到有十多個人等緊位，咁應該真係幾好評，哈哈！餐廳好日本feel，有bar枱位同4人枱，約有十幾個位！等位期間，店員俾左張點餐紙我地先睇睇，有位就可以即時入單，咁就可以加快速度，快啲有得食，店員真係貼心！睇一睇menu ，原來有拉麵同沾麵選擇，又可以揀麵既硬度 (硬/標準/柔），仲可以選擇熱/凍，又幾好喎！ 名古屋二郎系拉麵，同濃香櫻蝦麵都好想食，望一望牆上，見餐廳推介松葉蟹沾麵，期間限定的啊！ 一於試呢個啦！我揀左標準硬度，熱食 （因為會比較香），再加叉燒，個麵一黎到就勁香，先試啖湯，湯底好濃郁！蟹肉鮮甜又豐滿，好食！連埋啲蟹子一齊食更加鮮味！至於個沾麵，其實我真係冇食過沾麵，今日試過先知原來沾麵係同湯分開，一啖麵一啖湯，真係幾好味！ 仲有半隻蛋，蛋味濃厚，一隻太多，半隻岩岩好，份量預得幾好！另加既叉燒，估唔到有四塊，只需加$12，真係好抵食！塊塊叉燒都幾厚身，咬落去軟淋淋，係我最鐘意既口感！正！仲叫左個煎餃子🥟，煎得幾好，幾脆口，好食！

放工約埋同事係九龍灣按腳, 未夠鐘就去醫肚先, 醒起附近有個得寶商場內的 ,反正同事未食過, 一於去食。係得寶商場地下, 乘搭港鐵係九龍灣站B出口,過左天橋過埋對面馬路就到, 而且商場地下有個 ,充滿懷舊味道, 影相都唔錯。餐廳之前食過, 雖然地方佔地不多, 但經常坐滿 ! 一坐低就睇下有乜食, 餐牌除左指定必有拉麵外,今次仲有新款拉麵 - 最後和同事點左以下 : 1) 松葉蟹沾麵 $982) 濃香櫻蝦油拉麵 $733) 章魚燒 (5粒) $28松葉蟹沾麵 $98價錢係全店最貴的拉麵, 上枱賣相真係絕不欺場, 有大塊紫菜,半隻蛋, 露荀, 松葉蟹腳,煎香的日式叉燒。因為係沾麵, 附上一碗熱辣辣的湯。拉麵沾上熱湯, 的確好味好多, 拉麵軟硬適中, 松葉蟹肉十分鮮甜, 份量又多。味道真係好夾。濃香櫻蝦油拉麵 $73之前曾經食過, 比海量的櫻蝦吸引。共有兩片的豚肉, 豚肉易入口,質地好滑。櫻蝦味道較淡正好配合濃香的味道一齊食。章魚燒(5粒) $28價錢夠平, 而且睇住職員即整, 而且一定要熱辣辣食。加上表面的醬汁紫菜碎令到整粒章魚燒味道提升餐廳唔駛加一, 就算唔飲野都有一樽檸檬水比你慢慢飲。

很久沒有來九龍灣得寶商場，今天探完朋友過來逛街，被這個充滿懷舊色彩，令人感覺煥然一新的商場吸引，不經意地發現這間充滿日本風情的小拉麵店，驚喜！餐廳裝修雅緻舒適，雖然地方不大，座位也不多，但這正是日式小麵店的特色。這以沾麵為主打，亦有拉麵。"期間限定" 是 "松葉蟹沾麵" , 一定要試！果然名副其實，用料豐富，除了蟹肉份量十足，啖啖鮮蟹肉外，還有肉腍入味的日本叉燒，糖心蛋，紫菜及非常特別的柚子，平衡油脂又增加口感麵質軟彈煙韌, 自選軟硬情度夠體貼。湯底則是靈魂所在，蟹味濃郁，帶點膠質黏感，惹味非常！另一碗"魚介豚骨沾麵" ~ 湯底較清甜，豚肉肉香四溢，油脂均勻。小食"章魚燒"也有一定水準, 章魚丸經燒烤後外層略帶脆香，內裡章魚肉保持嫩滑口感！ 日本水準但是街坊價錢，果然 ！

為了幫家人取物品，來到甚少走過的得寶商場。晚飯時，一個人較容易，遇見拉麵店，於是就坐下。拉麵店有一排吧枱，每個坐位也有著一份餐牌及所需品。餐牌上有註明多個選擇，如麵身軟硬度，另加配菜，飲品等。見牆上有著松葉蟹沾麵的招貼，而且是期間限定，當然不能錯過，還要一客小食，章魚燒。松葉蟹沾麵，我選了標準麵身，怕太硬又失去咬感，太軟又不喜歡，原來這個沾麵還可選擇熱或凍，個人還是習慣熱，而且入口會較香。等了不多久，松葉蟹沾麵已經上枱，而章魚燒也隨後就到，效率非常好。仍是習慣先試一下濃湯，湯本身非常濃稠稠，不似一般湯是稀稀，湯味濃，帶鹹香，若是普通的話就會太鹹，作為沾麵湯卻就非常合適。松葉蟹腳，，雖凍食，蟹香依然，帶著蟹鮮香，日式叉燒碎粒，口感非常，濃淡合適，蟹肉與蟹籽一齊食，蟹味更香更濃厚。很特別的是配菜使用蘆筍，非一般配搭，一般並沒有，蘆筍的清淡，與濃味的湯正好來個強烈對比。半隻糖心蛋，香軟滑滑，蛋味豐富。蟹棒下還有碎蟹肉，配麵一起吃更好口感，接近尾聲時沾麵涼了，加點辣粉一試，反覺得比熱時更合適。章魚燒香口，雖鹹，卻帶出香口味道，雖不是常食，暫時食過最好。原來偶然路過之下，也會有著意外驚喜，近年較