Nomad (已結業)

呢間日式居酒屋 外觀一啲都唔似食日式菜 因為除咗日本嘢之外 連意大利飯嗰啲都食到㗎🤣 食物質素唔錯但係份量就比較少啲喇慢煮雞胸配和風柚子沙律呢個沙律最吸引嘅係面頭嘅雞胸肉 雞胸每一啖都好嫩 而且有肉汁 調味料亦都唔會太重 配柚子沙律食都幾夾🥗 絕對係健康人士嘅低卡之選 松葉蟹膏醬意大利飯我地係食之前首先撈勻咗蟹肉同飯 每啖都有蟹膏 而且蟹肉份量幾多都唔難發掘蟹肉嘅蹤影😎 食落都幾香 但係去到後期會有啲膩 和風蟹肉薯蓉分量比想像中少 只有約一個緊握拳頭嘅size 但係味道絕對唔錯 薯蓉食得出唔係用粉開出嚟 都食到有蟹肉嘅 另外用面頭嘅蟹子撈埋口感幾特別🦀串燒雞軟骨呢個比較特別 平日出邊食嘅雞軟骨串通常都係一粒粒雞髀肉嘅轉彎位🍗 但係呢度嘅雞軟骨係用雞胸肉嗰舊雞軟骨 口感冇咁油膩 免治雞肉串免治雞肉串側邊仲有兜蛋黃可以俾你點嚟食 我就比較鍾意原汁原味嘅免治雞肉串喇 因為店舖整嘅調味實在太好食😋 好有日本風味 恰到好處牛舌芯話明係牛舌芯當然係非常軟腍腍 而且咬落口都好有牛味🐮飲品Mocha and Chocolate飲品方面我哋嗌咗杯mocha同埋杯朱古力🍫 整體來講我覺得mocha好飲啲