Food Garden ETC (已結業)

小弟細個嘅年代，上「花園餐廳」食豉油西餐，算喺高級架喇，但時代變遷，我見「花園餐廳」仲健在，亦有好幾家分店，不過，對好多人嚟講，尤其年輕一輩，都唔喺咩特別嘢，當佢喺高級少少嘅茶記。今晚又過嚟潮店集中地嘅D2 Place搵食，不過，呢一家「花園」餐廳就絕唔喺講緊上述嗰間，而喺環境裝潢得仿如小花園嘅「Food Garden ETC 」，賣嘅食物亦高一個層次。由門面到室內，都用上富叢林氣息嘅牆紙，餐廳內亦放有不少盆栽，都頗有晌個小「花園」用餐嘅感覺。如果，天花再掛啲盆栽，或砌啲假花、假草，就更富大自然感。整體環境都幾闊落，配以木枱皮椅，加上柔和嘅燈效，讓人心情輕易放鬆。再者，我哋被安排坐近靠商場通道嘅一排位，而餐廳位處通道尾，行過嘅人極少，但感覺就比坐入面啲位開揚，側邊又擺咗好多盆栽，感覺喺寫意好多。餐牌好簡約，打開為一大版，一面喺食物，另一面就喺飲品。食物方面，有共享（小食）、沙律、湯品、意粉、主菜、手工薄餅及甜品。飲品呢？都多選擇，咖啡、茶品、梳打特飲、汽水、手工啤、餐酒、烈酒。叫做麻雀雖小，五臟俱全。唯可惜只有散點，無啲套餐組合。煎銀雪魚柳配海鹽焗雜椒 $268老婆非常喜歡食銀雪魚，尤

D2 place  是西九龍區潮人潮店集中地， 當中亦有不少特色餐廳。來到商場 (D2 Place一期)三樓， 有各式各樣餐廳， 在其中一端盡頭， 找到這間有叢林 feel 的 「 Food Garden ETC 」, 充滿大自然氣息， 令人感到悠閒，放鬆。餐牌以各款意粉， pizza ，西式小食為主。松露醬雜菌芝士手工薄餅$128🍕餅底夠脆夠薄， 熱辣辣香噴噴出爐， 表面嘅芝士溶化並結合惹味嘅松露醬和各款雜菌， 雖然係素但味道豐富， 值得一試。👍😋卡邦尼意粉$138傳統嘅卡邦尼意粉做法， 煙肉煎得香脆帶點鹹味 ，醬汁又滑又creamy但又不會糊口， 加上流心半熟蛋， 蛋汁令意粉更煙韌彈牙！😍🍝冬陰功汁海鮮意粉$158🍝濃郁的冬陰功味道， 包著每條意粉， 辣度直衝喉嚨， 刺激萬分。 鮮蝦，帆立貝也非常鮮甜。很有東南亞風味的一道意粉。凍朱古力$40唔算濃郁，還好不太甜。餐廳越夜越多人， 絕對係一個唔錯嘅晚飯聚腳點！